Recharge Plan: केवळ 100 रुपयांत मिळणार 90 दिवसांची व्हॅलिडीटी! या युजर्ससाठी बेस्ट आहे Jio चा हा रिचार्ज प्लॅन

Jio Recharge Plan: जिओने पुन्हा एकदा त्यांच्या युजर्ससाठी एक नवीन रिचार्ज प्लॅन आणला आहे. या रिचार्ज प्लॅनमध्ये युजर्सना केवळ 100 रुपयांत 90 दिवसांची व्हॅलिडीटी ऑफर केली जाणार आहे. चला तर मग या प्लॅनबद्दल जाणून घेऊया.

सध्या भारतातील टेलिकॉम कंपन्या जास्त व्हॅलिडीटी आणि बेनिफिट्स देणारे रिचार्ज प्लॅन त्यांच्या युजर्ससाठी लाँच करत आहेत. यामध्ये BSNL, जियो, एयरटेल आणि वोडाफोन आइडिया या कंपन्यांचा समावेश आहे. या कंपन्या त्यांच्या युजर्सासाठी 100 रुपयांपासून 1000 रुपयांपर्यंतचे रिचार्ज प्लॅन लाँच करत असतात. या प्लॅनमध्ये युजर्सना कॉलिंग, मेसेजिंग आणि इंटरनेट डेटासह अनेक फायदे ऑफर केले जातात. यातील अनेक प्लॅन्स युजर्सच्या बजेटमध्ये देखील असतात.

DoT ने लागू केला नवा नियम! एक सोपी पद्धत.. क्षणातच प्रीपेड वरून पोस्टपेड होणार तुमचा नंबर, वाचा सविस्तर

आता आम्ही तुम्हाला अशाच एका बजेट प्लॅनबद्दल सांगणार आहोत. या प्लॅनची किंमत केवळ 100 रुपये आहे, या प्लॅनमध्ये 90 दिवसांची व्हॅलिडीटी ऑफर केली जात आहे. हा प्लॅन भारतातील आघाडीची टेलिकॉम कंपनी असलेल्या जिओने लाँच केला आहे. ज्या युजर्सना कमी बजेटमध्ये जास्त दिवसांची व्हॅलिडीटी पाहिजे आहे, अशा युजर्ससाठी हा प्लॅन सुरु करण्यात आला आहे. चला तर मग जिओने लाँच केलेल्या या रिचार्ज प्लॅनबद्दल आता जाणून घेऊया. (फोटो सौजन्य – Pinterest)

100 रुपयांत मिळणार 90 दिवसांचा फायदा

जिओने त्यांच्या युजर्ससाठी 100 रुपयांच्या किंमतीत नवीन रिचार्ज प्लॅन लाँच केला आहे. या प्लॅनची व्हॅलिडीटी 90 दिवसांची आहे. जिओचा हा बजेट फ्रेंडली प्लॅन ग्राहकांसाठी अत्यंत फायद्याचा ठरणार आहे. जिओचा हा परवडणारा रिचार्ज हा एक डेटा प्लॅन आहे जो युजर्सना 90 दिवसांसाठी डेटा बेनिफिट्स देतो. म्हणजेच तुम्ही केवळ 100 रुपयांच 90 दिवसांसाठी डेटाचा वापर करू शकणार आहात.

जिओचा 100 रुपयांचा रिचार्ज प्लॅन

जिओच्या या 100 रुपयांच्या रिचार्ज प्लॅनमध्ये युजर्सना एकूण 5 जीबी डेटा बेनिफिट दिला जाणार आहे. यूजर या 90 दिवसांसाठी मनसोक्त इंटरनेट डेटाचा आनंद घेऊ शकतात. 5G कनेक्टिव्हिटी असलेल्या क्षेत्रात राहणारे युजर्स या प्लॅनच्या मदतीने अनलिमिटेड 5G डेटाचा लाभ घेऊ शकणार आहेत. याशिवाय, डेटा संपल्यानंतरही, तुम्ही कमी वेगाने इंटरनेटचा लाभ घेऊ शकाल. त्यामुळे ज्या युजर्सना इंटरनेट डेटाची जास्त आवश्यकता असते, अशा युजर्ससाठी हा प्लॅन अत्यंत बेस्ट आहे.

Father’s Day 2025: फक्त स्मार्टवॉच नाही, यंदा फादर्स डे वडीलांना गिफ्ट करा त्यांचा हेल्थ पार्टनर! किंमत 2500 हजारांहून कमी

90 दिवसांसाठी मिळणार फ्री ओटीटी सब्सक्रिप्शन

100 रुपयांच्या जिओच्या या रिचार्ज प्लॅनसोबत युजर्सना 90 दिवसांसाठी ओटीटी बेनिफिट्स ऑफर केले जाणार आहेत. फक्त 100 रुपयांच्या रिचार्जवर तुम्हाला एकूण 5 जीबी डेटा आणि जिओहॉटस्टारचे मोफत सबस्क्रिप्शन मिळते. त्यामुळे हा रिचार्ज प्लॅन युजर्ससाठी प्रचंड फायद्याचा ठरणार आहे. कारण 100 रुपयांत तुम्हाला केवळ इंटरनेट डेटाच नाही तर ओटीटीचा देखील आनंद घेता येणार आहे.

कोणत्या युजर्सना मिळणार 100 रुपयांच्या रिचार्जचा फायदा?

हा जिओ प्लॅन तुम्ही तुमच्या सध्याच्या प्लॅनसह वापरू शकणार आहात. तुम्ही सक्रिय प्लॅनसह जिओ 100 रुपयांचा प्लॅन स्वीकारू शकता.