Jio vs Airtel vs Vi: 1.5GB डेली डेटासह येणारा सर्वात स्वस्त प्लॅन कोणत्या कंपनीचा? जाणून घ्या सविस्तर

Recharge Plan Comparison: टेलिकॉम कंपन्या त्यांच्या यूजर्ससाठी अनेक स्वस्त रिचार्ज प्लॅन ऑफर करतात. प्रत्येक कंपनीच्या रिचार्ज प्लॅनची किंमत वेगळी असते. आता अशाच काही रिचार्ज प्लॅनची तुलना आम्ही इथे करणार आहोत.

• 1.5GB डेली डेटा असलेले स्वस्त प्लॅन कोणाचे?
• वाचा टेलिकॉम कंपन्यांच्या रिचार्ज प्लॅनची तुलना

जिओ, एअरटेल आणि वोडाफोन आयडिया (व्ही) या भारतातील आघाडीच्या खाजगी टेलिकॉम कंपन्या आहेत. या कंपन्या त्यांच्या यूजर्सना वेगवेगळ्या किंमतींचे आणि वेगवेगळे फायदे देणारे रिचार्ज प्लॅन ऑफर करत असतात. हे प्लॅन्स यूजर्सच्या गरजेनुसार ऑफर केले जातात. काही प्लॅन्सची किंमत कमी असते तर काही प्लॅनमध्ये यूजर्सना जास्तीचा डेटा ऑफर केला जातो. आता आम्ही तुम्हाला तिन्ही कंपन्यांच्या अशा स्वस्त प्लॅन्सबद्दल सांगणार आहोत ज्यामध्ये यूजर्सना रोज 1.5GB डेटा ऑफर केला जातो. तिन्ही कंपन्यांच्या या प्लॅनमध्ये यूजर्सना सुमारे एका महिन्याची व्हॅलिडीटी ऑफर केली जाते. तिन्ही कंपन्यांच्या 1.5GB डेली डेटावाल्या रिचार्ज प्लॅनबाबत जाणून घेऊया.

OnePlus चाहत्यांसाठी खुशखबर! मिड-रेंज सीरिजची प्री-बुकिंग सुरू, लाँचला अवघे काहीच दिवस शिल्लक

जिओ रिचार्ज प्लॅन

जिओच्या सर्वात स्वस्त प्लॅनमध्ये यूजर्सना 1.5GB डेली डेटा ऑफर केला जातो. या प्लॅनची किंमत 299 रुपये आहे. या प्लॅनमध्ये यूजर्सना 28 दिवसांची व्हॅलिडीटी ऑफर केली जाते. यासोबतच कंपनीच्या या रिचार्ज प्लॅनमध्ये यूजर्सना अनलिमिटेड व्हॉईस कॉल्स आणि रोज 100 एसएमएस देखील ऑफर केले जातात. डेली डेटा लिमिट संपल्यानतर प्लॅनमध्ये डेटाची स्पीड कमी होऊन 64 Kbps होते. याशिवाय या प्लॅनममध्ये जिओटीव्ही आणि जिओएआयक्लाउड अ‍ॅप्सचा अ‍ॅक्सेस देखील दिला जातो. कंपनीकडे एक 239 रुपयांचा प्लॅन देखील उपलब्ध आहे, ज्यामध्ये यूजर्सना 22 दिवसांची व्हॅलिडीटी ऑफर केली जाते. (फोटो सौजन्य – Pinterest)

एअरटेल रिचार्ज प्लॅन

एयरटेल त्यांच्या यूजर्सना 299 रुपयांचा एक रिचार्ज प्लॅन ऑफर करतो, ज्यामध्ये डेली 1GB डेटा दिला जातो. या प्लॅनची व्हॅलिडीटी 28 दिवसांची आहे. 1.5GB डेली डेटा प्लॅनबद्दल बोलायचं झालं तर त्याची किंमत 349 रुपये आहे. या प्लॅनमध्ये देखील यूजर्सना 28 दिवसांची व्हॅलिडीटी दिले जाते. यासोबतच या प्लॅनमध्ये अनलिमिटेड कॉल्स, रोज 100 एसएमएस आणि अनलिमिटेड 5G देखील ऑफर केला जातो. याशिवाय कंपनीच्या या प्लॅनमध्ये सोनीलिव्ह सब्सक्रिप्शन व्यतिरिक्त एअरटेल एक्सस्ट्रीम प्ले सबस्क्रिप्शन अंतर्गत 20 ओटीटी अ‍ॅप्सचा अ‍ॅक्सेस देखील दिला जातो. यामध्ये फ्री कॉलर ट्यून देखील दिली जाते.

John Cena फॅन्ससाठी अनोखं सरप्राईज! Google वर नाव टाइप करताच स्क्रीनवर दिसेल खास इफेक्ट, आत्ताच करा ट्राय

वोडाफोन आयडिया (व्ही) रिचार्ज प्लॅन

Vi देखील त्यांच्या यूजर्सना एयरटेलप्रमाणे 299 रुपयांचा एक प्लॅन ऑफर करते, ज्याची व्हॅलिडीटी 28 दिवसांची आहे. या प्लॅनमध्ये यूजर्सना 1GB डेली ऑफर केला जातो. तर 1.5GB डेली डेटा वाल्या स्वस्त रिचार्ज प्लॅनची किंमत एयरटेलप्रमाणेच 349 रुपये आहे. यामध्ये यूजर्सना 28 दिवसांची व्हॅलिडीटी ऑफर केली जाते. यासोबतच कंपनीच्या या प्लॅनमध्ये यूजर्सना अनलिमिटेड कॉल्स, रोज 100 एसएमएस, रात्री 12 ते सकाळी 6 वाजेपर्यंत अनलिमिटेड डेटा आणि डेटा रोलओवर ऑफर केला जातो. या प्लॅनमध्ये देखील डेली डेटा मर्यादा स्पीड 64Kbps आहे. याव्यतिरिक्त, अनलिमिटेड 5G डेटा मिळणार आहे.