Laptop Tips: लॅपटॉप कीबोर्ड साफ करताना ‘या’ चुका करू नका; नाहीतर बसेल हजारोंचा फटका

Laptop Cleaning Tips: लॅपटॉपच्या कीबोर्डवर अनेकदा धूळ आणि घाण साचते. ते स्वच्छ करणे आवश्यक आहे, परंतु एका लहान चुकीमुळेही कीबोर्डचे कायमचे नुकसान होऊ शकते. कीबोर्ड सुरक्षितपणे कसा स्वच्छ करावा, जाणून घ्या.

• लॅपटॉप कीबोर्ड साफ करताना ‘या’ चुका टाळा
• नाहीतर बसेल हजारोंचा फटका
• कीबोर्ड स्वच्छ करण्याची योग्य पद्धत कोणती?

आजकाल लॅपटॉप हा आपल्या जीवनाचा अविभाज्य भाग बनला आहे. कामासाठी किंवा सोशल मीडियासाठी आपण लॅपटॉपच्या स्क्रीनसमोर तासन्तास घालवतो. सततच्या वापरामुळे, कीबोर्डच्या कीजमध्ये धूळ, घाण आणि अन्नाचे लहान कण जमा होते. डिव्हाइस जास्त काळ टिकण्यासाठी कीबोर्डची नियमित स्वच्छता करणे अत्यंत महत्त्वाचे आहे. परंतु, कीबोर्ड स्वच्छता करताना झालेली एक छोटीशी चूक तुमच्या महागड्या लॅपटॉपचे मोठे नुकसान करू शकते. लॅपटॉप कीबोर्ड स्वच्छ करताना कोणत्या चुका टाळाव्यात, जाणून घेऊयात.

वाईट, वाईट अत्यंत वाईट! iPhone 18 खरेदी करायचा आहे? मात्र 9 सप्टेंबरला केवळ ‘हे’ प्रॉडक्टसच…

लॅपटॉप चालू असताना साफ करू नका

बरेच लोक काम करत असतानाच स्क्रीन किंवा कीबोर्ड साफ करायला सुरुवात करतात, जी एक सर्वात मोठी चूक आहे. कीबोर्ड साफ करण्यापूर्वी, लॅपटॉप पूर्णपणे बंद करावा आणि चार्जर लावलेला असल्यास तो काढून टाकावा. लॅपटॉप चालू असताना साफसफाई केल्याने एखादे बटण दाबले जाऊ शकते, ज्यामुळे महत्त्वाचा डेटा डिलीट होऊ शकतो किंवा एखादी चुकीची कमांड चालवली जाऊ शकते. इतकेच नाही, तर साफसफाई करताना चुकून द्रवाचा एक थेंब जरी आत गेला, तरी चालू असलेल्या डिव्हाइसमध्ये शॉर्ट सर्किट होण्याचा धोका वाढतो.

लिक्विड क्लीनरची थेट फवारणी करणे

धूळ आणि डाग काढण्यासाठी कीबोर्डवर थेट पाणी किंवा कोणतेही द्रव क्लिनर फवारू नका. कीबोर्डवर थेट फवारल्यामुळे, कीजमधील फटींमधून ते द्रव लॅपटॉपच्या मदरबोर्डपर्यंत पोहोचू शकते. संवेदनशील अंतर्गत भागांमध्ये ओलावा शिरल्यामुळे तुमचा लॅपटॉप कायमचा खराब होऊ शकतो. जर तुम्हाला क्लिनिंग लिक्विड वापरायचेच असेल, तर ते नेहमी एका स्वच्छ, मऊ मायक्रोफायबर कापडावर हलकेच फवारा आणि नंतर त्याने कीबोर्ड पुसून घ्या.

जोरात हलवणे किंवा ठोकणे टाळा

लोक अनेकदा कीजखाली अडकलेली धूळ काढण्यासाठी लॅपटॉप उलटा करून जोरात आपटतात किंवा हलवतात. लॅपटॉपच्या आत, हार्ड डिस्क, फॅनजवळ आणि कीबोर्डखाली खूप बारीक आणि नाजूक तारा असतात. जास्त जोरात हलवल्याने या तारा तुटू शकतात किंवा कीबोर्डच्या कीज त्यांच्या जागेवरून हलू शकतात. त्याऐवजी, लॅपटॉप थोड्या तिरक्या कोनात काळजीपूर्वक धरा, जेणेकरून सुटलेली धूळ आपोआप गळून पडेल.

कडक ब्रश आणि रसायने वापरणे टाळा

तुमचा कीबोर्ड पॉलिश करण्यासाठी कधीही कडक कपडे धुण्याचे ब्रश, तीव्र रसायने किंवा कोणतेही अॅसिडयुक्त क्लीनर वापरू नका. या प्रोडक्ट्समुळे कीजवरील कोरीवकाम आणि खुणा पुसल्या जाऊ शकतात. स्वच्छतेसाठी नेहमी अतिशय मऊ ब्रश किंवा कोरडे, स्वच्छ सुती कापड वापरा.

कीबोर्ड स्वच्छ करण्याची योग्य पद्धत कोणती?

लॅपटॉपचा कीबोर्ड सुरक्षितपणे स्वच्छ करण्यासाठी, सर्वप्रथम सिस्टम बंद करा. जर लॅपटॉप चार्ज होत असेल, तर पॉवर केबल काढून टाका. त्यानंतर, कीजमध्ये अडकलेली घाण काढण्यासाठी मऊ ब्रशचा अगदी हळुवारपणे वापर करा. तुमच्याकडे एअर ब्लोअर किंवा कॉम्प्रेस्ड एअर कॅन असल्यास, त्याचा वापर सुरक्षित अंतरावरून अत्यंत काळजीपूर्वक करा. कोरडी धूळ काढल्यानंतर, एक स्वच्छ, मऊ कापड हलके ओले करा ) आणि कीबोर्डचा पृष्ठभाग हळुवारपणे पुसा. घाई करू नका आणि लॅपटॉप वापरण्यापूर्वी त्याला थोडा वेळ सुकू द्या.

7000 mAh बॅटरीसह स्नॅपड्रॅगन प्रोसेसर असलेला Motorola चा ‘हा’ फोन ठरतोय बेस्ट; किंमत फक्त…