संपूर्ण शरीरावरील मळ कसा काढायचा? मान, कोपर आणि गुडघ्यांचा काळेपणा दूर करण्याचे सोपे घरगुती उपाय!

चेहऱ्याप्रमाणेच मान, कोपर आणि गुडघ्यांची काळजी घेणेही महत्त्वाचे आहे. या भागांवरील काळेपणा दूर करण्यासाठी सोशल मीडियावर अनेक घरगुती उपाय सांगितले जातात; पण त्यातील प्रत्येक उपाय त्वचेसाठी सुरक्षित असेलच असे नाही.

• मान, कोपर आणि गुडघे काळे पडण्यामागे नेमकी कोणती कारणे असू शकतात?
• सोशल मीडियावर ट्रेंड होणारे लिंबू आणि इनोचे मिश्रण त्वचेसाठी सुरक्षित आहे का?
• त्वचेवरील काळेपणा कमी करण्यासाठी कोणत्या गोष्टींची काळजी घ्यावी?

चेहऱ्याच्या सुंदरेतवर तर अनेकांचे लक्ष पडते पण शरीराचे अन्य अंग जसे की, मान, कोपर आणि गुडघ्यांच्या काळजीकडे लोक दुर्लक्ष करतात. या अंगांची व्यवस्थित साफसफाई न झाल्याने यावर मळ जमा होतो आणि ते काळ्या रंगात दिसू लागतात. बऱ्याचदा तुम्ही ही गोष्ट पाहिली असेल की आपल्या चेहऱ्यावरुन अधिक काळी आपली मान असते, कारण तिची स्वच्छता नीट होत नाही. सोशल मिडियावर काळ्या पडलेल्या साफ करणयासाठी अनेक उपाय शेअर केलेले आहेत तथापि प्रत्येक उपाय हा त्वचेसाठी परिणामकारक आणि सुरक्षित ठरेल याची शाश्वती देता येत नाही. स्किन एक्सपर्ट्सनुसार, शरीरावरील काळेपणाचे फक्त टॅनिंग किंवा पिगमेंटशन हे कारण नसून त्वचेची योग्य काळजी घेणे देखील तितकेच आवश्यक असते.

Lifestyle Tips : ओठ वारंवार फाटतात? मऊ ओठांसाठी त्वचातज्ज्ञांनी सांगितला ‘हा’ खास घरगुती उपाय!

घरगुती उपाय

सोशल मिडियावर त्वचेवरील काळेपणा दूर करण्यासाठी लिंबू, इनो, शॅम्पू, कॉफी आणि खोबरेल तेल एकत्र मिसळून तयार केला जाणारा उपाय खूप जास्त ट्रेंड करत आहे. दावा केला जात आहे की, या मिश्रणाच्या मदतीने फक्त १५ मिनिटांतच त्वचेवरील सर्व काळा मळ दूर होतो. तथापि, याच्या परिणामकारकतेला पाठिंबा देण्यासाठी पुरेसे वैज्ञानिक पुरावे नाहीत. लिंबामधील आम्ल आणि इनोसारख्या उत्पादनांमुळे त्वचेला जळजळ होऊ शकते. तसेच, शॅम्पू हा शरीराच्या त्वचेसाठी बनवलेला क्लीन्झर नाही. त्यामुळे, हे मिश्रण मान, कोपर किंवा गुडघ्यांवर लावणे धोकादायक ठरु शकते. यासाठी काही वेगळे उपाय ट्राय करु शकता.

या गोष्टी करा

शरीरावरील काळा मळ दूर करण्यासाठी साबणाने मान, कोपर आणि गुडघे आंघोळ करताना हळुवारपणे घासून घ्या.
त्वेचेवर नियमितपणे सनस्क्रिम आणि मॉइश्चरायझरचा वापर करा.
सनस्क्रिन सूर्याच्या अतीनील किरणांपासून तुमच्या त्वचेचे संरक्षण करते तर मॉइश्चरायझर त्वचेतील कोरडेपणा दूर करते.

हलक्या क्लिंजरने साफसफाई

जर त्वचेवर धूळ, घाम जमला असेल तर आंघोळ करताना कोमट पाण्याने त्वचेला हलकं घासून साफ करणे योग्य ठरेल. बाजारात अनेक बाॅडी लिक्विड देखील उपलब्ध असतात ज्यांचा वापर करुन तुम्ही बाॅडी क्लिंजिंग करु शकता. आंघोळीनंतर मॉइश्चरायझर लावायला विसरु नका. यामुळे त्वचेत ओलावा टिकून राहिल आणि ती कोरडी पडणार नाही.

इंडोनेशिया ते थायलंड… जगभरातील या देशांमध्ये मोठ्या जल्लोषात साजरा होते रामलीला

टॅनिंगसाठी हळद आणि दूध

सूर्यप्रकाशाच्या संपर्कात आल्याने त्वचेला टॅनिंगचा सामना करावा लागतो, यामुळे त्वचा काळी पडते. त्वचेवरील ही टॅनिंग दूर करण्यासाठी तुम्ही एक चमचे हळद, एक चमचे दूध आणि चमचाभर मध मिक्स करुन एक पेस्ट तयार करा. या पेस्टला आपल्या मानेवर आणि गुडघ्यांवर १० मिनिटे लावून ठेवा. नंतर पाण्याने त्वचा धूवून काढा.