Airdrop Feature: आता अँड्रॉईड यूजर्सनाही मिळणार आयफोनचे ‘हे’ फीचर, फाईल शेअर करणं होणार आणखी सोपं

आतापर्यंत आयफोन आणि अँड्रॉईड यांच्यातील सर्वात मोठा फरक होता एअरड्रॉप. मात्र आता गूगलने एक असं फीचर आणलं आहे ज्यामुळे आता अँड्रॉईड यूजर्सना देखील एअरड्रॉपची सुविधा मिळणार आहे.

• आता एयरड्रॉप केवळ आयफोन किंवा अ‍ॅपलपुरते मर्यादित नाही
• फाइल शेयरिंगसाठी गूगलने आणलं खास फीचर
• गूगलचे क्विक शेयर अ‍ॅप्पलच्या एयरड्रॉपसह फाईल एक्सचेंज करू शकणार

जर तुम्ही अँड्रॉईड स्मार्टफोन वापरत असाल आणि तुमचा मित्र आयफोन वापरत असेल आणि तुम्हाला त्याला एखादी फाईल शेअर करायची असे तर मोठं टेंशन असतं. कारण आतापर्यंत आयफोनसाठी उपलब्ध असलेलेल एयरड्रॉप अँड्रॉईड यूजर्ससाठी उपलब्ध नव्हते. मात्र आता असं होणार नाही. कारण आता एयरड्रॉप केवळ आयफोन किंवा अ‍ॅपलपुरते मर्यादित राहिलेले नाही. आता अँड्रॉईड यूजर्ससाठी देखील ही नवीन सर्विस सुरु केली जाणार आहे. अ‍ॅपल इकोसिस्टमसाठी एक मोठा फायदा म्हणून पाहिले जाणारे एअरड्रॉप आता अँड्रॉइड यूजर्ससाठी देखील उपलब्ध असेल.

आता अ‍ॅमेझॉन आणि फ्लिपकार्टद्वारे होणार Ray-Ban Meta Glasses ची विक्री, 12MP कॅमेऱ्याने सुसज्ज! किंमत आणि फीचर्स जाणून घ्या

शेअरींग फीचर एअरड्रॉप आयफोन यूजर्सना वेगाने फाईल शेअर करण्याची सुविधा ऑफर करतो. आता गूगलने देखील हे फीचर क्रॅक केले आहे. त्यामुळे आता लवकरच हे फीचर अँड्रॉईड डिव्हाईससाठी जारी केलं जाणार आहे. हे फीचर कोणत्या स्मार्टफोन यूजर्सना मिळणार आणि याचा यूजर्सना कसा फायदा होणार आहे, याबाबत आता जाणून घेऊया.  (फोटो सौजन्य – Pinterest)

अँड्रॉयड फोनसाठी देखील उपलब्ध असणार एयरड्रॉप

फाइल शेयरिंगसाठी गूगल यूजर्सना क्विक शेयर अ‍ॅप ऑफर करते. पण ते अद्याप क्रॉस-प्लॅटफॉर्म सुसंगत नव्हते. आता गूगलने अ‍ॅपलची मदत न घेता या समस्येवर उपाय शोधला आहे. याचा अर्थ असा आहे की, आता गूगलचे क्विक शेयर अ‍ॅप्पलच्या एयरड्रॉपसह फाईल एक्सचेंज करू शकणार आहेत. याचा अर्थ असा आहे की, अँड्रॉयड यूजर क्विक शेयरच्या मदतीने एयरड्रॉपद्वारे आयफोनवर फाईल शेअर करू शकणार आहेत. याचप्रमाणे अ‍ॅपल यूजर्स देखील एयरड्रॉपने क्विक शेयरद्वारे अँड्रॉईडवर फाईल्स शेअर करू शकणार आहेत.

अँड्रॉयडवर एयरड्रॉप कसा वापराल?

सध्या हे फीचर केवळ पिक्सेल 10 डिव्हाईसवर उपलब्ध आहे आणि येत्या काळात इतर डिव्हाईसाठी देखील हे फीचर रोलआउट केलं जाणार आहे. जर तुम्हाला पिक्सेल 10 डिव्हाईसवरून आयफोनवर फाईल शेअर करायच्या असतील तर तुम्हाला एयरड्रॉपवर आयफोनला डिस्कवरेबल टू एनीवन करावं लागणार आहे. यानंतर आयफोन एअरड्रॉप क्विक शेयरमध्ये देखील दिसणार आहे. आता तुम्ही हा आयफोन एअरड्रॉप सिलेक्ट आणि फाईल शेअर करा. याच पद्धतीने तुम्ही आयफोनवरून अँड्रॉईडवर फाईल रिसिव्ह देखील करू शकणार आहात.

Flipkart Black Friday: विशलिस्ट तयार केली का? Flipkart ब्लॅक फ्राइडे सेलची तारीख जाहीर, आता स्वस्तात खरेदी करा महागडे प्रोडक्ट्स

गूगलने अ‍ॅपलची मदत घेतली नाही

जर तुम्ही असा विचार करत असाल की, हे क्रॉस-प्लॅटफॉर्म फीचर गूगल आणि अ‍ॅपल यांच्या सहकार्याने तयार करण्यात आलं आहे, तर तसं नाही. गूगलने हे फीचर तयार करण्यासाठी अ‍ॅपलची मदत घेतली नाही. गुगलने याबाबत अ‍ॅपलशी चर्चाही केलेली नाही. तथापि, कंपनीच्या प्रवक्त्याने सांगितले की, भविष्यात गुगल अ‍ॅपलसोबत यावर काम करण्यास तयार आहे.