OnePlus ने लाँच केला जगातील सर्वात पातळ स्मार्टफोन कूलर, यूजर्सना असा होणार फायदा! किंमत सर्वसामान्यांच्या बजेटमध्ये
स्मार्टफोन आपल्या आयुष्याचा एक महत्त्वपूर्ण भाग बनला आहे. स्मार्टफोनमुळे आपण आपली अनेक कामं अगदी चुटकीसरशी पूर्ण करू शकतो. ऑनलाईन क्लासेस, ऑनलाईन शॉपिंग, पेमेंट, गेमिंग अशी अनेक कामं आपण केवळ एका स्मार्टफोनच्या मदतीने पूर्ण करू शकतो. सर्वांसाठी अतिशय फायद्याचं असणारं हे डिव्हाईस हेवी यूजदरम्यान गरम होऊ लागते. विशेषत: गेमिंग, व्हिडीओ रेकॉर्डिंग आणि व्हिडीओ एक्सपोर्ट करताना आपला स्मार्टफोन गरम होतो. यामुळे यूजर्स घाबरतात आणि त्यांच्यामध्ये चिंता निर्माण होते. यूजर्सची हीच चिंता दूर करण्यासाठी टेक कंपनी वनप्लस एक खास गॅझेट घेऊन आली आहे.
टेक कंपनी वनप्लसने एक खास स्मार्टफोन एक्सेसरी लाँच केली आहे. अलीकडेच आयोजित करण्यात आलेल्या ईव्हेंटमध्ये कंपनीने मॅग्नेटिक आईस कूलिंग क्लिप सादर केली आहे. कंपनीने दावा केला आहे की, ही एक्सेसरीज जगातील सर्वात पातळ मॅग्नेटिक स्मार्टफोन कूलर आहे. याची डिझाईन कशी आहे आणि किंमत किती आहे, याचा यूजर्सना कसा फायदा होणार, याबाबत जाणून घेऊया. (फोटो सौजन्य – वनप्लस)
वनप्लसने लाँच केलेले मॅग्नेटिक आईस कूलिंग क्लिप कूलर कॉम्पॅक्ट आणि हलक्या डिझाईनसह उपलब्ध आहे. याची जाडी केवळ 9.8 मिमी आहे आणि वजन केवळ 68 ग्रॅम आहे. यामुळे तुम्ही हे डिव्हाईस प्रवासात अगदी सहज घेऊन जाऊ शकता.
वनप्लसच्या या अॅडव्हांस कूलमध्ये थर्मोइलेक्ट्रिक कूलिंग (TEC) मॉड्यूल आहे. ज्याच्या मदतीने फोन वेगाने थंड केला जातो. एवढंच नाही तर यामध्ये कर्व्ड एयर डक्ट आणि लो-नॉइज सेंट्रीफ्यूगल फॅन देखील देण्यात आला आहे. ही एक्सेसरी अशी पद्धतीने डिझाईन करण्यात आली आहे की, थंड हवा वरून येते आणि गरम हवा डाव्या आणि उजव्या बाजूने बाहेर जाते. या एक्सेसरीचा दिर्घकाळ वापर केला तरी देखील हातांंना उष्णता जाणवत नाही.
या कूलरमध्ये दोन मोड दिले आहे. यामध्ये सायलेंट मोड कमी आवाजासह (22dB) स्ट्रीमिंग आणि फोटोग्राफीसाठी सर्वोत्तम आहे, तर अधिक कूलिंग (36dB) देणारा परफॉर्मन्स मोड गेमिंग आणि जड कामांदरम्यान तुम्हाला खूप मदत करू शकतो.
वनप्लस मॅग्नेटिक स्मार्टफोन कूलरची किंमत 179 युआन म्हणजेच सुमारे 2,438 रुपये ठेवण्यात आली आहे. हे डिव्हाईस अँड्रॉइड आणि आयफोन या दोन्हीसोबत सुसंगत आहे.
.png "Videos"){kind=small}
