घराच्या सुरक्षेसाठी Panasonic ची स्मार्ट एंट्री! भारतात लाँच झाली नवी व्हिडीओ इंटरकॉम सिस्टीम
अपार्टमेंट्स, गेटेड कम्युनिटीज आणि मोठ्या गृहनिर्माण प्रकल्पांसाठी डिझाइन केलेली व्हीएल-व्हीक्यू सिरीज ही फक्त साधी व्हिडिओ डोअर फोन यंत्रणा नसून निवासस्थाने, इमारतींचे प्रवेशद्वार आणि मध्यवर्ती सुरक्षा केंद्र या तिन्ही स्तरांवर मजबूत सुरक्षा यंत्रणा उभी करते. ही यंत्रणा डोअर स्टेशन्स, लॉबी डिस्प्ले स्टेशन्स, रूम मॉनिटर्स, गार्ड स्टेशन्स आणि सीएमएस यांना एकाच व्यासपीठावर एकत्र आणते. यामुळे रहिवासी आपल्या स्मार्टफोनद्वारे अभ्यागतांशी संवाद साधू शकतात आणि त्यांना प्रवेश देऊ शकतात. तर दुसरीकडे, सुरक्षा पथक प्रवेशद्वारे, आयपी कॅमेरे आणि अभ्यागतांच्या हालचालींवर रिअल-टाइममध्ये लक्ष ठेवू शकतात. फेस रेकग्निशन, क्यूआर कोड आणि रिमोट अनलॉकिंग अशा विविध पर्यायांसह ही यंत्रणा मोठ्या निवासी संकुलांमध्ये सुलभ व नियंत्रित प्रवेश व्यवस्थापनाची खात्री देते.
पॅनासोनिक एंटरटेनमेंट अँड कम्युनिकेशन कंपनी लिमिटेडचे चीफ बिझनेस प्लॅनिंग टोमो काझुया म्हणाले, ”जगभरातील निवासी संकुले आता सर्वोत्तम इंटेलिजेंट सिस्टम्सच्या शोधात आहेत, ज्या सुरक्षा, कनेक्टिव्हिटी आणि सोयीसुविधांना विनासायासपणे एकत्र आणतात. पॅनासोनिकमध्ये, आम्ही आयपी-आधारित सुरक्षा उपाय प्रगत करण्यासाठी कटिबद्ध आहोत, जे एकाच व्यासपीठावर संवाद, प्रवेश नियंत्रण आणि मध्यवर्ती व्यवस्थापन एकत्रित करतात. व्हीएल-व्हीक्यू सिरीजच्या सादरीकरणामधून विश्वासार्ह आणि अत्याधुनिक सुरक्षा उपाय उपलब्ध करून देण्यावर आमचा असलेला सातत्यपूर्ण भर दिसून येतो.”
या लाँचबद्दल मत व्यक्त करत पॅनासोनिक लाइफ सोल्यूशन्स इंडियाच्या सिक्युरिटी सोल्यूशन्सचे असोसिएट डायरेक्टर आणि नॅशनल बिझनेस चीफ गुंजन सचदेव म्हणाले, ”पॅनासोनिकमध्ये आम्ही एकात्मिक सुरक्षा परिसंस्था विकसित करण्यावर लक्ष केंद्रित करतो, ज्या आधुनिक निवासी समुदायांच्या बदलत्या गरजा पूर्ण करतील. शहरी पायाभूत सुविधांचा विस्तार होत आहे आणि निवासी प्रकल्प अधिक मोठे व गुंतागुंतीचे होत आहेत, तसतसे प्रगत आणि एकमेकांशी जोडलेल्या सुरक्षा उपायांची मागणी वाढत आहे. आमची आयपी व्हिडिओ इंटरकॉम सिस्टम सुधारित प्रवेश व्यवस्थापन, विनाअडथळा संवाद आणि मध्यवर्ती देखरेख प्रदान करण्यासाठी डिझाइन करण्यात आली आहे. यामुळे रहिवाशांना अधिक सुरक्षित आणि स्मार्ट जीवनमान मिळेल, तर दुसरीकडे डेव्हलपर्स आणि फॅसिलिटी टीम्सना कार्यक्षम सुरक्षा व्यवस्थापन करणे शक्य होईल.”
एकत्रित यंत्रणा – डोअर स्टेशन्स, लॉबी डिस्प्ले स्टेशन्स, रूम मॉनिटर्स, गार्ड स्टेशन्स आणि सेंट्रल मॅनेजमेंट सॉफ्टवेअर यांना जोडणारा हा एकच आयपी-आधारित प्लॅटफॉर्म आहे, ज्यामुळे विखुरलेल्या सुरक्षा यंत्रणांची गरज भासत नाही.
मल्टी-पॉइंट स्मार्ट एंट्री – यामध्ये फेस रेकग्निशन, आयसी कार्ड्स, क्यूआर कोड्स, स्मार्टफोन आणि डिजिटल अॅक्सेस अशा विविध प्रवेश पद्धतींचा समावेश आहे आणि या सर्वांचे मध्यवर्ती व्यवस्थापन केले जाते.
WhatsApp Update: काय सांगता! सीक्रेट मेसेज वाचल्यानंतर आपोआप होणार डिलीट, लवकरच येणार नवं फीचर
विनासायास एकत्रीकरण – या यंत्रणेमधील एसआयपी आधारित संरचना सध्याच्या आयपी पायाभूत सुविधेशी सहज जोडली जाते, ज्यामध्ये आयपी कॅमेरे, डिजिटल डोअर लॉक्स आणि इतर थर्ड-पार्टी सुरक्षा यंत्रणांचा समावेश होतो.
विस्तारक्षम आणि भविष्यासाठी सज्ज – स्वतंत्र घरांपासून मोठ्या गृहनिर्माण प्रकल्पांपर्यंत आणि एकात्मिक टाऊनशिप्सपर्यंत सर्वांना सुरक्षिततेची खात्री देण्यासाठी ही यंत्रणा डिझाइन केली आहे.
रिअल-टाइम सिक्युरिटी इंटेजिलन्स – मध्यवर्ती यंत्रणा व्यवस्थापनाद्वारे अभ्यागतांचे प्रत्यक्ष निरीक्षण, अलार्म नोटिफिकेशन्स आणि प्रवेशाची नोंद ठेवणे शक्य होते.
रिमोट अॅक्सेस आणि नियंत्रण – पॅनासोनिकच्या सीएमएस प्लॅटफॉर्मद्वारे स्मार्टफोनच्या माध्यमातून रहिवासी दुरून अभ्यागतांवर लक्ष ठेवू शकतात, त्यांच्याशी संवाद साधू शकतात आणि घराचे दार उघडू शकतात.
मोठ्या निवासी प्रकल्पांसाठी डिझाइन केलेल्या संपूर्ण आयपी व्हिडिओ इंटरकॉम इकोसिस्टम व्यतिरिक्त पॅनासोनिक वैयक्तिक घरे आणि लहान निवासी प्रकल्पांसाठी खास तयार केलेले किट मॉडेल-व्हीएल-व्हीक्यूएस३०० (KIT Model-VL-VQS300) देखील उपलब्ध करून देत आहे. या किट मॉडेलमध्ये डोअर स्टेशन आणि रूम मॉनिटर एकत्रितपणे एकाच सोप्या व सुलभ व्हिडिओ डोअर फोन (व्हीडीपी) सोल्यूशनच्या स्वरूपात दिले जातात. मोठ्या प्रमाणावरील मल्टी-डिवाईस सिस्टमची आवश्यकता नसलेल्या घरमालकांसाठी हे मॉडेल डिझाइन करण्यात आले आहे. हे किट एका सोयीस्कर पॅकेजमध्ये दोन्ही डिवाईसेसमधील मुख्य संवाद आणि प्रवेश वैशिष्ट्ये एकत्रितपणे प्रदान करते.
लॉबी डिस्प्ले स्टेशन हे मध्यवर्ती प्रवेश केंद्र म्हणून काम करते. यामध्ये ७-इंच क्षमतेचा टच-सक्षम आयपीएस डिस्प्ले आहे. तसेच फेस रेकग्निशन, आयसी कार्ड, क्यूआर कोड, पासवर्ड आणि स्मार्टफोन-आधारित प्रवेश अशा प्रगत बहु-प्रवेश प्रमाणीकरण सुविधा यात आहेत. टिकाऊ अॅल्युमिनियम अलॉय बॉडीमध्ये बसवलेले हे डिवाईस फुल एचडी वाईड-अँगल ड्युअल कॅमेरा आणि नाईट व्हिजनसह सज्ज आहे, ज्यामुळे इमारतीच्या प्रवेशद्वारावर अभ्यागतांचे सुरक्षित आणि विश्वासार्ह व्यवस्थापन सुनिश्चित होते.
डोअर स्टेशन हे प्रवेशद्वारावरील देखरेख अधिक उत्तमप्रकारे करण्यासाठी डिझाइन करण्यात आले आहे. यामध्ये १४५° पर्यंतचा विस्तीर्ण तिरपा व्ह्यू देणारा फुल एचडी वाईड-अँगल कॅमेरा आहे, ज्यामुळे अभ्यागतांची ओळख स्पष्टपणे पटते. याची ४-वायर प्लग-अँड-युज यंत्रणा अत्यंत जलद आणि विनाअडथळा इन्स्टॉलेशन करण्यास मदत करते. तसेच, यातील इन-बिल्ट व्हाईट एलईडी नाईट व्हिजनमुळे अंधुक प्रकाशातही सातत्याने स्पष्ट देखरेख करणे शक्य होते.
रूम मॉनिटर रहिवाशांना ७-इंच क्षमतेचा टच-सक्षम इनडोअर मॉनिटर प्रदान करतो. अभ्यागतांशी स्पष्ट आणि रिअल-टाइम संवाद साधण्यासाठी यामध्ये फुल एचडी व्हिडिओ रेकॉर्डिंगची सुविधा आहे. इन-बिल्ट वाय-फाय कनेक्टिव्हिटी आणि आयओएस व अँड्रॉईड डिवाईसेससाठी स्मार्टफोन अॅप एकीकरणामुळे रहिवासी कोठूनही दरवाजावरील संवादाचे दुरून निरीक्षण आणि व्यवस्थापन करू शकतात.
गार्ड स्टेशन हे अँड्रॉईड-आधारित कन्सोल आहे, जे ७-इंच कॅपेसिटिव्ह टच डिस्प्ले आणि फुल एचडी व्हिडिओ रेकॉर्डिंग क्षमतेने सज्ज आहे. हा डिवाईस सुलभ आणि उच्च-दर्जाच्या व्हिज्युअल मॉनिटरिंगसाठी डिझाइन करण्यात आला आहे. हा डिवाईस एसआयपी, अलार्म आणि आरटीएसपी सारख्या उद्योग-मानक प्रोटोकॉल्सना सपोर्ट करतो. तसेच, हा डिवाईस थर्ड-पार्टी एसआयपी डिवाईसेसशी आणि आयपी सीसीटीव्ही कॅमेऱ्यांशी जोडता येऊ शकतो, ज्यामुळे विविध प्रकारच्या सुरक्षा यंत्रणांमध्ये या डिवाईसची स्थिर मांडणी करणे शक्य होते.
या लाँचसह, पॅनासोनिक लाइफ सोल्यूशन्स इंडियाने आपल्या कनेक्टेड सोल्यूशन्स पोर्टफोलिओचा विस्तार सुरू ठेवला आहे. हे पाऊल भारतातील झपाट्याने होणारे शहरीकरण आणि स्मार्ट निवासी पायाभूत सुविधांच्या वाढत्या वापराशी सुसंगत आहे.
.png "Videos"){kind=small}
