Realme UI 6.0 Update: Realme युजर्ससाठी आनंदाची बातमी, स्मार्टफोन्सना मिळणार नवीन अपडेट
लोकप्रिय स्मार्टफोन कंपनी Realme ने आपला नवीनतम कस्टम यूजर इंटरफेस Realme UI 6.0 लाँच करण्याची घोषणा केली आहे. लवकरच हे अपडेट ग्राहकांसाठी सादर केलं जाणार आहे. Realme चे हे अपडेट OnePlus आणि Oppo च्या ColorOS 15 वर आधारित असणार आहे. कंपनीने दिलेल्या माहितीनुसार, Realme UI 6.0 अपडेट ऑक्टोबर महिन्यात लाँच होणार आहे.
हेदेखील वाचा- Xiaomi ने लाँच केला अप्रतिम फिटनेस बँड, 21 दिवसांची बॅटरी लाइफ आणि अनेक आरोग्य सुविधांनी सुसज्ज
Realme चा हा यूजर इंटरफेस AI वैशिष्ट्यांसह लाँच केला जाणार असल्याचं सांगितलं जात आहे. कंपनीने अलीकडेच सहा AI वैशिष्ट्यांसह Realme GT6 स्मार्टफोन भारतात लाँच केला आहे. या वैशिष्ट्यांमध्ये मॅजिक कंपोज, AI अल्ट्रा क्लॅरिटी, AI नाईट मोड आणि AI इरेजर 2.0 यांचा समावेश आहे. (फोटो सौजन्य – pinterest)
Realme आपला नवीनतम यूजर इंटरफेस Realme UI 6.0 अपडेट होम मार्केट चीनमध्ये ऑक्टोबरमध्ये लाँच करण्याच्या तयारीत आहे. सध्या कंपनीकडून लाँच तारखेबाबत कोणतीही अधिकृत माहिती मिळालेली नाही. असा अंदाज आहे की Realme चे हे अपडेट Oppo आणि OnePlus साठी लाँच होणाऱ्या कस्टम यूजर इंटरफेस ColorOS 15 सोबत रिलीज केले जाऊ शकते.
हे नवीन अपडेट Realme स्मार्टफोन्समध्ये Android 15 अपडेटसह येईल. सध्या, Realme ने आगामी अपडेटच्या नवीन वैशिष्ट्यांबद्दल कोणतीही माहिती शेअर केलेली नाही. मात्र, या नवीन अपडेटमुळे कंपनी सध्या सर्वत्र चर्चेत आहे. यासोबतच कंपनी पासकी सपोर्टमध्ये आणखी सुधारणा करणार असल्याचे सांगितले जात आहे. स्प्लिट स्क्रीन फीचर Realme फोनमध्ये देखील येईल.
हेदेखील वाचा- Infinix चा पहिला फोल्डेबल स्मार्टफोन लाँच, जाणून घ्या किंमत आणि धमाकेदार फीचर्स
अहवालांवर विश्वास ठेवला तर, आगामी Android 15 अपडेट ब्लूटूथ LE ऑडिओ तंत्रज्ञानाला देखील सपोर्ट करेल, ज्यामुळे फोनचा ऑडिओ अनुभव पूर्वीपेक्षा अधिक चांगला होईल. या नवीन अपडेटबद्दल युजर्समध्ये प्रचंड उत्सुकता आहे. या नवीन अपडेटबद्दल कंपनीने अद्याप संपूर्ण डिटेल्स शेअर केले नसले तरी या नवीन अपडेटची युजर्स मात्र आतुरतेने वाट पाहत आहेत. काही दिवसांपूर्वी कंपनीने आपल्या भारतातील काही स्मार्टफोन्ससाठी Realme UI 5.0 अपडेट लाँच केलं होते.
Realme 11 Pro+ 5G, Realme 11 Pro 5G, Realme 11 5G, Realme 10 Pro+ 5G, Realme 10 Pro 5G, Realme 9 Pro+ 5G, Realme 9 Pro 5G, Realme 9i 5G, Realme GT 2 Pro, Realme GT Neo 3, Realme GT Neo 3 150W, Realme Narzo 60 Pro 5G, Realme Narzo 60 5G, Realme Narzo 60x 5G, Realme Narzo 50 Pro 5G, Realme Narzo N55, Realme 10 Pro+ 5G, Realme 10 Pro 5G, Realme C67 5G, Realme C55 या स्मार्टफोन्समध्ये Realme UI 5.0 अपडेट लाँच करण्यात आलं होतं. त्यानंतर आता कंपनी UI 6.0 Update लाँच करणार आहे. मात्र हे अपडेट कोणत्या स्मार्टफोन्ससाठी असणार आहे आणि नक्की कधी लाँच होणार आहे, याबाबत कंपनीने अद्याप कोणतीही माहिती दिलेली नाही.
