Galaxy A17 5G, ‘सर्कल टू सर्च विथ गूगल’ आणि ‘जेमिनी लाईव्ह’ सारख्या अत्याधुनिक AI फीचर्ससह येतो. सॅमसंगने भारतीय अभियंत्यांनी विकसित केलेले खास ‘मेक फॉर इंडिया’ फिचर ‘ऑन-डिव्हाइस व्हॉईस मेल’ देखील यामध्ये समाविष्ट केले आहे, जे कॉलिंगचा अनुभव अधिक चांगला बनवते.
Galaxy A17 5G मध्ये 50 मेगापिक्सलचा OIS (ऑप्टिकल इमेज स्टॅबिलायझेशन) युक्त मेन कॅमेरा आहे, ज्याला ‘नो-शेक कॅम’ असेही म्हणतात. यामुळे व्हिडिओ आणि फोटो काढताना हात हलला तरीही ते स्पष्ट येतात. यासोबतच, 5 मेगापिक्सलचा अल्ट्रा-वाइड लेन्स आणि मॅक्रो लेन्स देखील देण्यात आला आहे. या फोनमध्ये 6.7 इंचचा फुल HD+ सुपर AMOLED डिस्प्ले आहे, जो तीव्र सूर्यप्रकाशातही उत्तम व्हिज्युअल अनुभव देतो.
Awesome way to AI is here!
Meet the latest Samsung Galaxy A17 5G, packed with core AI features like Gemini Live and Circle to Search.
What you couldn’t earlier, Now you can with the new awesome! pic.twitter.com/ejVcM3xY3E — Samsung India (@SamsungIndia) August 29, 2025
Galaxy A17 5G मध्ये 5nm Exynos 1330 प्रोसेसर आहे, जो वेगवान आणि ऊर्जा-कार्यक्षम आहे. यात 5000 mAh क्षमतेची मोठी बॅटरी असून ती 25 वॅट फास्ट चार्जिंगला सपोर्ट करते. हा फोन कॉर्निंग गोरिल्ला ग्लास व्हिक्टसने (पुढील बाजूस) सुरक्षित असून तो धूळ आणि पाण्यापासून संरक्षणासाठी IP54 रेटिंग सह येतो. याव्यतिरिक्त, यात 6 वर्षांचे सिक्युरिटी अपडेट्स आणि 6 जेनरेशन्सचे अँड्रॉइड अपडेट्स मिळतील, ज्यामुळे हा फोन दीर्घकाळ वापरता येईल.
Galaxy A17 5G तीन आकर्षक रंगांमध्ये (ब्लू, ग्रे आणि ब्लॅक) उपलब्ध आहे. हा फोन आजपासून रिटेल स्टोअर्स, सॅमसंग एक्सक्लुसिव्ह स्टोअर्स आणि ऑनलाइन प्लॅटफॉर्मवर खरेदीसाठी उपलब्ध आहे.
.png "Videos"){kind=small}
