या दिवशी लाँच होणार Redmi चा बजेट-फ्रेंडली स्मार्टफोन! सोशल मिडीयावर शेअर केला टीझर

Xiaomi आता जागतिक बाजारात बजेट-फ्रेंडली स्मार्टफोन लाँच करण्याच्या तयारीत आहे. हा नवीन स्मार्टफोन लवकरच भारतासह जागतिक बाजारपेठेत लाँच होणार आहे. हा स्मार्टफोन तीन रंगात लाँच केला जाण्याची अपेक्षा आहे.

स्मार्टफोन कंपनी Redmi चा नवीन स्मार्टफोन नवीन वर्षात एंट्री करणार आहे. कंपनीने सोशल मिडीया प्लॅटफॉर्म एक्सवर नवीन स्मार्टफोनचा टीझर पोस्ट केला आहे. कंपनी बजेट सेगमेंटमध्ये त्यांचा हा नवीन स्मार्टफोन लाँच करणार आहे. काही दिवसांपूर्वीच कंपनीने त्यांची नवीन स्मार्टफोन सिरीज Redmi Note 14 लाँच केली आहे. या सिरीजनंतर आता कंपनी त्यांचा बजेट फ्रेंडली स्मार्टफोन Redmi 14C 5G लाँच करणार आहे.

Google Map: गुगल मॅपकडून पुन्हा झाली चूक! बांधकाम सुरु असलेल्या महामार्गवर गेली कार आणि …

Redmi Note 14 मालिका लाँच केल्यानंतर Xiaomi आता जागतिक बाजारात बजेट-फ्रेंडली स्मार्टफोन लाँच करण्याच्या तयारीत आहे. Xiaomi चा Redmi 14C 5G नुकताच एका वेबसाईटवर स्पॉट झाला होता. त्यानंतर आता कंपनीने या स्मार्टफोनचा टिझर शेअर करत त्याची लाँच डेट देखील अधिकृतपणे जाहीर केली आहे. या व्यतिरिक्त, डिव्हाइसची मायक्रोसाइट आधीच अधिकृत वेबसाइटवर लाईव्ह झाली आहे, ज्यामध्ये काही प्रमुख वैशिष्ट्ये आणि इतर तपशीलांची पुष्टी केली गेली आहे. त्यांच्याबद्दल जाणून घेऊया. (फोटो सौजन्य – X)

या दिवशी लाँच होणार Redmi 14C 5G

Redmi 14C 5G हा नवीनतम स्मार्टफोन 6 जानेवारी रोजी भारतासह जागतिक बाजारपेठेत लाँच होणार आहे. याबाबत कंपनीने अधिकृतपणे पोस्ट शेअर करत माहिती दिली आहे. हे डिव्हाईस Redmi 13C मध्ये अपग्रेड असेल आणि हार्डवेअरच्या बाबतीत नवीन डिझाइन आणि काही अपग्रेडसह येण्याची अपेक्षा आहे. डिझाइनबद्दल बोलताना, स्मार्टफोनमध्ये स्टारलाईट थीम असेल जी विश्वाची ताकद आणि सौंदर्याने प्रेरित आहे. हा स्मार्टफोन तीन रंगात लाँच केला जाण्याची अपेक्षा आहे.

See more

Introducing the all-new #Redmi14C 5G – the #2025G smartphone everyone has been waiting for!
It’s time to make a style resolution and elevate your connectivity with the power of #5G.

Launching on 6th January 2025.
Get notified: https://t.co/kUp6U9oLHq

— Redmi India (@RedmiIndia) December 27, 2024

हे आहेत Redmi 14C 5G चे कन्फर्म फीचर्स

Xiaomi ने पुष्टी केली आहे की डिव्हाइस ड्युअल 5G सिमसह लाँच केला जाणार आहे. यात AI इमेजिंग वैशिष्ट्यांसह 50MP प्राथमिक कॅमेरा देखील दिला जाईल.

Redmi 14C 5G ची संभाव्य वैशिष्ट्ये

Redmi 14C ही Redmi 14R ची पुनर्ब्रँडेड आवृत्ती असण्याची अपेक्षा आहे, जी काही महिन्यांपूर्वी चीनमध्ये लाँच करण्यात आली होती. हे खरे असल्यास, Redmi 14C 120Hz रिफ्रेश रेटसह 6.88-इंचाच्या LCD पॅनेलसह लाँच होईल. या स्मार्टफोनमध्ये Snapdragon 4 Gen 2 प्रोसेसर असेल. स्मार्टफोनमध्ये मोठी 5,160mAh बॅटरी आणि 18W चार्जिंग असेल. हे Android 14-आधारित HyperOS वर चालेल. कॅमेराच्या बाबतीत बोलायचे झाले तर, या नवीनतम स्मार्टफोनमध्ये 50MP कॅमेरा आणि 5MP फ्रंट कॅमेरा असेल.

OnePlus Smartphone: OnePlus चे दोन ढासू स्मार्टफोन लाँच, 16GB रॅम आणि 1TB स्टोरेजने सुसज्ज! मिळणार हे खास फीचर्स

Redmi 14C 5G ची संभाव्य किंमत

रिपोर्ट्सनुसार, Redmi 14C ची किंमत 11,000 ते 12,000 रुपयांच्या दरम्यान असण्याची शक्यता आहे. मात्र, कंपनीने अद्याप किंमतीबाबत कोणतीही माहिती दिलेली नाही.