सावधान! लाखो Android युजर्सना सरकारचा तातडीचा इशारा, तुमचा डेटा सुरक्षित ठेवण्यासाठी फॉलो करा या Tech Tips

CERT-In युजर्सना त्यांच्या डिव्हाइससाठी नवीनतम सुरक्षा पॅच रिलीज होताच तो इंस्टॉल करण्याचा सल्ला देते. गुगल अँड्रॉइड सुरक्षा बुलेटिन (नोव्हेंबर 2025) मध्ये या सर्व बग्सची माहिती दिली आहे.

• Android वापरकर्त्यांनो खबरदार
• सरकारने उघड केला मोठा सायबर धोका
• लाखो अँड्रॉइड युजर्सना सरकारने दिला अलर्ट

इलेक्ट्रॉनिक्स आणि माहिती तंत्रज्ञान मंत्रालय (MeitY) अंतर्गत काम करणाऱ्या इंडियन कंप्यूटर इमरजेंसी रिस्पॉन्स टीम (CERT-In) ने Google Android ऑपरेटिंग सिस्टममध्ये मिळालेल्या अनेक सुरक्षा भेद्यतांबाबत हाय-सीवेरिटी एडवाइजरी (CIVN-2025-0293) जारी केली आहे. मिळालेल्या माहितीनुसार, आढळलेले हे दोष अटॅकर्सना डिव्हाईसवर एडमिनिस्ट्रेटिव एक्सेस किंवा अनियंत्रित कोड (arbitrary code) रन चालवण्याची परवानगी देते. यामुळे युजर्सचा डेटा आणि सिस्टमच्या स्थिरतेला गंभीर धोका निर्माण होऊ शकतो. जर तुम्ही अँड्रॉईड युजर असाल, तर सरकारने जारी केलेली ही वॉर्निंग अत्यंत काळजीपूर्वक वाचा आणि सायबर अटॅकर्सपासून स्वत:ची सुरक्षा कशी करू शकता, याबाबत जाणून घ्या.

कॅमेरा डिझाईन पाहून विश्वास बसणार नाही! Realme GT 8 Pro युजर्ससाठी घेऊन येणार एक खास सरप्राईज, या दिवशी भारतात होणार लाँच

कोणत्या Android डिव्हाईसवर होणार परिणाम?

CERT-In ने दिलेल्या माहितीनुसार, हे दोष Android 13, 14, 15 आणि 16 वर्जन्सवर परिणाम करू शकतात. म्हणजेच सुमारे सर्वच मॉर्डन अँड्रॉईड स्मार्टफोन्ससाठी धोका निर्माण झाला आहे. यामध्ये Samsung, OnePlus, Xiaomi, Realme, Motorola, Vivo, Oppo आणि Google Pixel सारख्या अनेक मोठ्या ब्रँड्सचा समावेश आहे. स्मार्टफोन्समध्ये आढळलेल्या या सिक्योरिटी दोषचा संंबंध, Qualcomm, MediaTek, NVIDIA, Broadcom आणि UNISOC सारख्या कंपन्यांद्वारे डेव्हलप करण्यात आलेल्या हार्डवेयर आणि सॉफ्टवेयर कंपोनेंट्ससोबत आहे. (फोटो सौजन्य – Pinterest) 

हे कंपोनेंट्सचा वापर Android फोन्स, टॅबलेट्स आणि वियरेबल्ससाठी मोठ्या प्रमाणात केला जातो. CERT-In ने सांगितलं आहे की, या भेद्यता Google च्या नोव्हेंबर 2025 च्या Android सुरक्षा बुलेटिनमध्ये सूचीबद्ध केलेल्या विक्रेता-विशिष्ट घटकांशी संबंधित आहेत. स्मार्टफोन्समध्ये आढळलेल्या या दोषांचा दुरुपयोग केला जाऊ शकतो, ज्यामुळे हॅकर्सना डिव्हाईसचा एडमिनिस्ट्रेटिव एक्सेस मिळण्याची शक्यता आहे. ज्यामुळे हॅकर्स मालवेयर इंस्टॉल, पर्सनल डेटा चोरी आणि डिव्हाईस क्रॅश सारख्या घटना घडवू शकतात.

अपेक्षित धोके

CERT-In ने हा मुद्दा हाय-रिस्क कॅटेगरीमध्ये ठेवला आहे. याशिवाय युजर्सना चेतावणी देखील देण्यात आली आहे की, या फ्लॉजद्वारे अनऑथोराइज्ड यूजर्स संवेदनशील माहिती, बँकिंग डिटेल्स, क्लाउड अकाउंट्सपर्यंत पोहोचवू शकतात किंवा संपूर्ण सिस्टम कंट्रोल करू शकतात. ज्या डिव्हाईसमध्ये लेटेस्ट सिक्योरिटी पॅच इंस्टॉल केलेला नाही, त्या युजर्सवर या अटॅकचा सर्वात जास्त परिणाम होण्याची शक्यता वर्तवण्यात आली आहे. केवळ स्मार्टफोन्सचं नाही तर या सायबर अटॅकचा परिणाम Smart TVs आणि IoT डिव्हाईसवर देखील होणार असल्याचं पाहायला मिळत आहे.

2025 मध्ये तुम्हीही बनू शकता सोशल मीडिया स्टार! हे 5 फ्री फोटो एडिटिंग अ‍ॅप्स तुम्हाला करतील व्हायरल, आत्ताच करा ट्राय

कसं राहू शकता सुरक्षित?

• सर्वात आधी तुमच्या डिव्हाईससाठी नवीन सिक्योरिटी पॅच इंस्टॉल करा.
• थर्ड पार्टी किंवा कोणत्याही अनोळखी लिंकवरून अ‍ॅप इंस्टॉल करू नका.
• सिस्टम आणि अ‍ॅप्सचे ऑटोमॅटिक अपडेट्स नेहमी सुरु ठेवा.
• Google प्ले प्रोटेक्टचा वापर करा, ज्यामुळे संभावित धोके ओळखू शकणार आहात.
• संशयास्पद लिंक आणि ईमेल अटॅचमेंट्सवर क्लिक करू नका.
• CERT-In ने असेही स्पष्ट केले आहे की गुगल आणि स्मार्टफोन कंपन्या आधीच यावर काम करत आहेत आणि येत्या आठवड्यात सुरक्षा पॅच अपडेट्स जारी केले जातील.