नेव्हिगेशनचा नवा काळ! Google Maps मध्ये 10 नव्या फीचर्सचा समावेश, Gemini AI सह आणखी काय आहे खास? जाणून घ्या
गुगल मॅपमध्ये जेमिनी AI सह आणखी 10 नवीन फीचर्स जोडण्यात आले आहेत. याशिवाय अनेक नवीन स्मार्ट सुविधा, सेफ्टी अलर्ट आणि नवीन ट्रॅव्हल मोड्सचा देखील या फीचर्समध्ये समावेश करण्यात आला आहे. तुम्ही फोनचा वापर न करता देखील मॅप्सला अनेक प्रश्न विचारू शकता आणि वेगवेगळ्या जागा शोधू शकता. गुगल मॅप्समध्ये जोडलेले हे नवीन फीचर्स कोणते आहेत आणि त्यांचा वापर कसा केला जाऊ शकतो, याबाबत आता सविस्तर जाणून घेऊया.
Google Maps आता बाजूला ठेवा! Mappl चे 5 झकास फीचर्स पाहून तुम्हीही म्हणाल, क्या बात, क्या बात…
गुगल मॅप्समध्ये आता तुम्ही Gemini च्या मदतीने गाडी चालवाताना देखील प्रश्न विचारू शकणार आहात. जसे की या मार्गावर कोणते बजेट-फ्रेंडली रेस्टोरेंट आहे का किंवा कोणत्या ठिकाणी चांगले जेवण मिळते. EV चार्जिंग स्टेशन शोधण्यासाठी देखील याचा वापर केला जाऊ शकतो.
मॅप्सचे हे नवीन फीचर तुम्हाला डेस्टिनेशन आणि रूट संबंधित माहिती जेणार आहे, जसे की तुमच्या आजूबाजूचे आकर्षण, स्थानिक दुकान किंवा फूड स्पॉट्स. असं सांगितलं जात आहे की, गेल्या वर्षी लाँच करण्यात आलेल्या Inspirations फीचरचे हे अपग्रेड वर्जन आहे. (फोटो सौजन्य – Pinterest)
जर तुम्हाला एखाद्या ठिकाणाबद्दल माहिती पाहिजे असेल तर तुम्हाला कोणत्याही दुसऱ्या अ‍ॅपचा वापर करण्याची गरज नाही. गुगल मॅप्समध्ये देखील तुम्हाला संबंधित ठिकाणाचे रेटिंग, रिव्यू, फोटो इत्यादीबाबत माहिती मिळणार आहे.
आता तुम्हाला ट्रॅफिक जाम, रोड क्लोजर आणि इत्यादी माहिती प्रवास सुरु करण्यापूर्वीच मिळणार आहे. हे फीचर दिल्ली, मुंबई आणि बंगळुरुमधील Android यूजर्ससाठी लाँच करण्यात आले आहे.
आता तुम्हाला गुगल मॅप्सवरच एक्सीडेंट-प्रोन एरियाची माहिती देखील मिळणार आहे, ज्यामुळे ड्रायव्हिंग दरम्यान तुम्ही सावध राहू शकता. हा डेटा सरकारच्या सहयोगाने जोडला जाणार आहे. हे फीचर गुरुग्राम, साइबराबाद, चंदीगड आणि फरीदाबादमध्ये आधी उपलब्ध होणार आहे.
गुगल मॅप्स आता त्यांच्या युजर्सना रस्त्यांचे सरकारी मान्यता प्राप्त स्पीड लिमिट्स देखील दाखवणार आहे. हे फीचर 9 शहरांत सुरु करण्यात आलं असून यामध्ये नोएडा, गाजियाबाद, गुरुग्राम, जयपुर, फरीदाबाद, लखनऊ, मुंबई, कोलकाता आणि हैदराबाद या शहरांचा समावेश आहे.
गूगल आता NHAI सह मिळून रस्ता बंद किंवा रस्त्याचे काम सुरु असल्याचे रीयल-टाइम रोड अपडेट्स देणार आहे. ज्यामुळे युजर्स त्यांच्या प्रवासासाठी चांगला मार्ग निवडू शकणार आहेत.
गुगल मॅप्सवरून आता युजर्स थेट मेट्रो तिकीट बुक करू शकणार आहात. हि सर्विस लवकरच दिल्ली, बंगळुरु, कोच्चि, मुंबई आणि चेन्नईमध्ये सुरु होणार आहे. युजर्स गुगल वॉलेटमधून तिकीट सेव्ह करू शकणार आहेत.
प्रवासादरम्यान फ्लाईओवरवर जायचे की नाही याबाबत अनेकजण गोंधळतात. हा गोंधल दूर करण्यासाठी आता एक नवीन फीचर जोडलं जात आहे. आता हे काम आवाजाद्वारे केले जाईल जेणेकरून तुम्हाला स्क्रीनकडे पाहण्याचीही गरज भासणार नाही.
गूगलने हे फीचर खास इंडियन यूजर्ससाठी सादर केलं आहे. ज्यामुळे आता युजर्स त्यांचे टू-व्हीलर आयकॉन कस्टमाइज करू शकणार आहात.
Ans: Google Maps हे Google कंपनीने विकसित केलेले एक नेव्हिगेशन आणि मॅपिंग अॅप आहे, जे वापरकर्त्यांना जगभरातील ठिकाणे, रस्ते, ट्रॅफिक आणि लोकेशन माहिती पाहण्याची सुविधा देते.
Ans: होय, Google Maps मध्ये ‘Offline Maps’ पर्याय वापरून तुम्ही इंटरनेटशिवाय निवडलेला परिसर पाहू शकता.
Ans: अॅपमधील ‘Layers’ पर्यायातून ‘Traffic’ निवडा; हिरवा, नारंगी आणि लाल रंग विविध ट्रॅफिक स्थिती दाखवतात.
.png "Videos"){kind=small}
