TRAI Report October 2025: Jio ने मारली बाजी, 20 लाख नवीन यूजर्स जोडले! Airtel नेही दाखवली आपली ताकद

देशभरातील नवीन कनेक्टिविटी आणि 4G/5G सेवांच्या विस्तारामुळे मोबाईल सबस्क्राईबर्सच्या संख्येत वाढ झाली आहे. कोणत्या टेलिकॉम कंपनीने किती नवीन युजर्स जोडले आहेत, याबाबत आता जाणून घेऊया.

• Reliance Jio पुन्हा एकदा आघाडीवर
• Bharti Airtel ने देखील केली उत्तम कामगिरी
• BSNL साठी नवीन 4G अपग्रेड ठरला गेम-चेंजर

टेलिकॉम क्षेत्रात सातत्याने वाढ होत असल्याचं पाहायला मिळत आहे. यासंंबंधित TRAI ने एक नवीन अहवाल सादर केला आहे. TRAI ने ऑक्टोबर 2025 साठी सादर केलेल्या नवीन रिपोर्टनुसार, भारतातील टेलिकॉम क्षेत्राचा पुन्हा एकदा विस्तार झाला आहे. शेअर करण्यात आलेल्या लेटेस्ट डेटानुसार, भारतात टेलिफोन वापरणाऱ्यांची संख्या 123.1 करोडपर्यंत वाढली आहे. यामध्ये 118.4 करोड मोबाईल यूजर्सचा समावेश आहे. मोबाईल सबस्क्राईबर्सच्या संख्येत मागील महिन्याच्या तुलनेत 0.19% वाढ झाल्याचे सांगितलं जात आहे.

Samsung Green Lines Issue: यूजर्सची डोकेदुखी वाढली! स्मार्टफोन्समध्ये पुन्हा आली ‘ग्रीन लाईन’ समस्या, सर्व्हिस सेंटरवर वाढली गर्दी

Jio ने जोडले सर्वाधिक नवीन सबस्क्राईबर्स

ऑक्टोबर महिन्यात Reliance Jio ने पुन्हा एकदा सिद्ध केलं आहे की, देशातील टेलिकॉम मार्केटमध्ये अजूनही कंपनीचा दबदबा टिकून आहे. TRAI ने शेअर केलेल्या डेटानुसार, Jio ने ऑक्टोबर 2025 मध्ये 19.97 लाख नवीन मोबाईल यूजर्स जोडले आहेत. त्यामुळे आता कंपनीचे एकूण सब्सक्राइबर बेस 48.47 करोड झाले, ज्यामुळे जिओ पुन्हा एकदा भारतातील सर्वात मोठी टेलिकॉम कंपनी असल्याचं सिद्ध झालं आहे. Jio च्या या यशामागे काही महत्त्वाची कारणं आहेत. जसे की, 4G आणि 5G चा वेगाने विस्तार, ग्रामीण भागांमध्ये मजबूत नेटवर्क कनेक्टिव्हिटी प्रदान करण, स्वस्त आणि आकर्षक रिचार्ज प्लॅन तयार करणं, अधिक चांगली कॉल क्वालिटी आणि डेटा स्पीड देणं. 2024 पासून जिओ सतत आघाडीवर आहे. ही वाढ अजूनही सुरुच आहे.  (फोटो सौजन्य – Pinterest)

Airtel ने देखील केली कमाल

Bharti Airtel ने देखील या महिन्यात उत्तम कामगिरी केली आहे. कंपनीने ऑक्टोबर महिन्यात 12.52 लाख नवीन यूजर्स जोडले आहेत. यामुळे आता कंपनीचे एकूण मोबाईल सब्सक्राइबर बेस 39.36 करोड झाला आहे. सप्टेंबर महिन्यात हा आकडा 39.24 करोड होता. यामुळे जिओप्रमाणेच Airtel देखील त्यांचा पाया मजबूत करत असल्याचे पाहायला मिळत आहे. Airtel ने हाय ARPU वाल्या प्रीमियम ग्राहकांमध्ये त्यांचा परफॉर्मंस अधिक चांगला केला आहे. Airtel आता देशातील दुसरी मोठी टेलिकॉम बनली आहे.

BSNL ने केलीस धमाकेदार एंट्री

सरकारी टेलीकॉम कंपनी BSNL ने ऑक्टोबर महिन्यात एक झेप घेतली आहे, ज्यामुळे सर्वजण चकीत झाले आहेत. मिळालेल्या माहितीनुसार, कंपनीने 26.90 लाख नवीन सब्सक्राइबर्स जोडले आहेत. 4G रोलआउट सुरु झाल्यानंतर कंपनीचा दबदबा वाढला आणि त्यांच्या यूजर्स संख्येत देखील मोठ्या प्रमाणात वाढ झाली. बीएसएनएलच्या एकूण मोबाईल ग्राहकांची संख्या आता 9.25 करोडच्या जवळपास पोहोचली आहे. ही वाढ दर्शवते की नवीन 4G अपग्रेड कंपनीसाठी गेम-चेंजर ठरत आहे.

Free Fire Max: हे आहेत गेममधील सर्वात पावर पॅक्ड कॅरेक्टर, प्रत्येक मॅचमध्ये तुमचा विजय निश्चय

Vi च्या समस्या वाढल्या

भारतातील इतर टेलिकॉम कंपन्यांनी वाढ नोंदवली असली तरी देखील Vodafone Idea (Vi) ची चिंता वाढली आहे. कारण ऑक्टोबर महिन्यात Vi ने 20.83 लाख यूजर गमावले आहेत. सप्टेंबर महिन्यात Vi ची यूजर संख्या 20.28 करोड होती. मात्र आता ही संख्या 20.07 करोड झाली आहे. नेटवर्क सुधारणांमध्ये कमी गुंतवणूक, 4G/5G विस्तार मंदावला, यूजर रिटेंशन समस्यांमुळे यूजर्स कमी होत आहेत.