आता वर्षभर रिचार्जचे नो टेंशन! हा आहे Airtel चा जबरदस्त प्लॅन… डेटा-कॉलिंगसह मोफत मिळणार Adobe Express

Airtel Recharge Plan: तुम्ही एअरटेल यूजर असाल आणि कमी किंमतीत वर्षभराची व्हॅलिडीटी ऑफर करणारा रिचार्ज प्लॅन शोधत असाल तर तुम्ही 2,249 रुपये आहे. या प्लॅनमध्ये यूजर्सना विविध फायदे ऑफर केले जाणार आहेत.

• एअरटेलच्या वर्षभराच्या रिचार्ज प्लॅनची किंमत 2,249 रुपये
• प्रीपेड प्लॅनमध्ये अनलिमिटेड व्हॉईस कॉलिंग, एकूण 30GB चा 4G डेटा
• ज्यांना कमी पैशांत वर्षभराची व्हॅलिडीटी पाहिजे आहे अशा लोकांसाठी फायद्याचा ठरणार हा प्लॅन

देशातील दुसऱ्या सर्वात मोठ्या टेलीकॉम ऑपरेटर भारती एअरटेलकडे असा एक रिचार्ज प्लॅन आहे, ज्याची व्हॅलिडीटी संपूर्ण वर्षभराची आहे. म्हणजेच हा रिचार्ज प्लॅन खरेदी केल्यानंतर यूजर्सना संपूर्ण वर्षभर रिचार्ज प्लॅनची चिंता करण्याची गरज नाही. विशेष म्हणजेच, या प्लॅनची किंमत 2,249 रुपये आहे. या प्लॅनची किंमत इतकी कमी का आहे, असा विचार तुमच्या मनात देखील आला आहे का? याचे उत्तर म्हणजेच या प्लॅनमध्ये 5G बेनिफिट ऑफर केला जात नाही. तसेच, या प्लॅनमध्ये इतर ॲन्युअल प्लॅनमध्ये मिळणारे सर्व फायदे ऑफर केले जात नाहीत, ज्यामुळे या प्लॅनची किंमत कमी आहे.

काय सांगता!!! Chrome समजून केलं डाऊनलोड अन् घडलं भलतंच… प्ले स्टोअरवर सुरु होता अनोखा खेळ, नेमकं प्रकरण काय?

कंपनीच्या रिचार्ज प्लॅनमध्ये मिळणार हे फायदे

भारती एअरटेलच्या 2,249 रुपयांच्या प्रीपेड प्लॅनमध्ये अनलिमिटेड व्हॉईस कॉलिंग, एकूण 30GB चा 4G डेटा आणि 3,600 एसएमएस मिळणार आहेत. या प्लॅनची सर्विस व्हॅलिडिटी संपूर्ण 365 दिवसांची आहे. हा प्लॅन विविध फायद्यांसह उपलब्ध आहे, ज्यामध्ये 12 महिन्यांची व्हॅलिडीटी असलेला ॲडोबी एक्सप्रेस प्रिमियम समाविष्ट आहे, ज्यांची किंमत सुमारे 4,000 रुपये आहे.

याशिवाय, यामध्ये ‘एअरटेल सेफ नेटवर्क’ चा फ्री ॲड-ऑन मिळणार आहे, ज्यामुळे सुनिश्चित होते की, तुमच्या फोन कॉलिंग आणि एसएमएसचा अनुभव पूर्णपणे सुरक्षित राहते. यासोबतच, यामध्ये एअरटेल एक्सस्ट्रीम प्लेचा ॲक्सेस देखील मिळणार आहे, जो मोफत एंटरटेनमेंट कंटेंटसह येतो. कंपनीने हा प्लॅन विशेषत: अशा लोकांसाठी लाँच केला आहे, ज्यांना कमी पैशांत वर्षभराची व्हॅलिडीटी पाहिजे आहे आणि जे लिमिटेड डेटाचा वापर करू शकतात.

Apple ने लाँच केला पहिला स्मार्ट डिस्प्ले HomeView! फेस रिकग्निशन फीचरने सुसज्ज… जाणून घ्या किंमत आणि डिटेल्स

कंपनीचा 1,849 रुपयांचा प्रीपेड प्लॅन

तुम्हाला वर्षभराची व्हॅलिडीटी असलेला रिचार्ज प्लॅन पाहिजे आहे आणि डेटाची देखील गरज नाही तर तुम्ही 1,849 रुपयांच्या प्रीपेड प्लॅनची निवड करू शकता. कंपनीचा 1,849 रुपयांचा प्रीपेड प्लॅन देखील संपूर्ण 365 दिवसांची व्हॅलिडीटी ऑफर करतो. तसेच, या प्लॅनमध्ये अनलिमिटेड व्हॉईस कॉलिंग आणि 3,600 एसएमएस बंडल मिळणार आहे. पण लक्षात ठेवा की, या प्लॅनमध्ये कोणताही डेटा ऑफर केला जाणार नाही. 1,849 रुपयांच्या या प्लॅनसोबत मिळणाऱ्या अतिरिक्त फायद्यांमध्ये ग्राहकांना ‘ॲडोबी एक्सप्रेस प्रीमियम’, ‘एअरटेल सेफ’ आणि 30 दिवसांसाठी मोफत ‘हॅलोट्यून्स’ मिळतात.