फक्त 1 रुपयांत भरपूर फायदे! BSNL च्या ऑफरची मुदत वाढली, कोणत्या यूजर्सना मिळणार फायदा? जाणून घ्या

BSNL Freedom 2.0 Plan: बीएसएनएलने त्यांच्या 1 रुपयांच्या प्लॅनचा कालावाधी पुन्हा एकदा वाढवला आहे. ग्राहकांसाठी ही ऑफर 9 नोव्हेंबर 2026 पर्यंत उपलब्ध असणार आहे. तसेच या प्लॅनच्या व्हॅलिडीटीमध्ये देखील काही बदल करण्यात आले आहेत.

• कंपनीने ऑफरचा कालावधी वाढवण्याचा निर्णय घेतला
• प्लॅनमध्ये 24 दिवसांची व्हॅलिडीटी ऑफर केली जात आहे
• प्लॅनची सर्विस व्हॅलिडिटी केवळ 24 दिवसांची

BSNL Plan: भारतातील सरकारी टेलिकॉम कंपनी असलेला भारत संचार निगम लिमिटेड म्हणजेच बीएसएनएलने त्यांच्या यूजर्ससाठी अलीकडेच एक 1 रुपयांच्या प्रीपेड प्लॅनची ऑफर सादर केली होती. आता या ऑफरबाबत एक मोठी अपडेट समोर आली आहे. कंपनीने 1 रुपयांच्या प्रीपेड प्लॅनच्या ऑफरचा कालावधी वाढवण्याचा निर्णय घेतला आहे. खरं तर ही ऑफर गेल्या बऱ्याच काळापासून यूजर्ससाठी उपलब्ध आहे. आता कंपनीने या ऑफरचा कालावधी वाढवण्याचा निर्णय घेतला आहे. कंपनीने या प्लॅनमध्ये काही बदल देखील केले होते. यापूर्वी 1 रुपयांच्या फ्रीडम 2.0 प्लॅनमध्ये 30 दिवसांची व्हॅलिडीटी ऑफर केली जात होती. मात्र आता या प्लॅनमध्ये 24 दिवसांची व्हॅलिडीटी ऑफर केली जात आहे.

Tech Tips: छोटासा तडा, पण नुकसान मोठं! स्मार्टफोनवर अजूनही तुटलेला टेम्पर्ड ग्लास वापरताय? होऊ शकतं मोठं नुकसान

बीएसएनएलच्या 1 रुपयांच्या प्लॅनमध्ये मिळणार हे फायदे

बीएसएनएलच्या 1 रुपयांच्या प्लॅनमध्ये अनलिमिटेड व्हॉईस कॉलिंग, रोज 100 एसएमएस आणि 1GB डेली डेटा ऑफर केला जाणार आहे. या प्लॅनची सर्विस व्हॅलिडिटी केवळ 24 दिवसांची आहे. कंपनीने या ऑफरचा कालावधी वाढवल्यामुळे आता ग्राहकांसाठी ही ऑफर 9 नोव्हेंबर 2026 पर्यंत उपलब्ध असणार आहे. ग्राहक त्यांच्या घराजवळील बीएसएनएल कस्टमर सर्विस सेंटर किंवा अधिकृत रिटेलरकडे जाऊन या ऑफरचा लाभ घेऊ शकतात. लक्षात ठेवा की, ही ऑफर केवळ नवीन यूजर्ससाठी उपलब्ध असणार आहे. नवीन सिम कार्डसह अनेक फायद्यांचा लाभ घेतल्यानंतर कंपनी पुन्हा त्याच यूजरला हा प्लॅन ऑफर करणार नाही.  (फोटो सौजन्य: istock) 

CMD रॉबर्ट जे रवि यांचा कार्यकाळ पुन्हा वाढवला

दुसरी सर्वात महत्त्वाची अपडेट म्हणजेच, कंपनीने केवळ 1 रुपयांच्या ऑफरची मर्यादा वाढवली नाही तर कंपनीने त्यांचे CMD (चेयरमॅन अँड मॅनेजिंग डायरेक्टर) रॉबर्ट जे रवि यांचा कार्यकाळ देखील आणखी तीन महिन्यांसाठी वाढवला आहे. रवी हे कंपनीचे अंतरिम सीएमडी (CMD) आहेत आणि त्यांचा कार्यकाळ गेल्या एका वर्षापेक्षा जास्त काळापासून सातत्याने वाढवला जात आहे. त्यांच्या नेतृत्वाखाली कंपनीने प्रभावी कामगिरी केली असून, पूर्णपणे स्वदेशी तंत्रज्ञानाचा वापर करून 1 लाख 4G साइट्स यशस्वीपणे कार्यान्वित केल्या आहेत.

तगडे फीचर्स आणि किंमत 20 हजारांहून कमी… नवा Tecno Spark स्मार्टफोन भारतात लाँच, या दिवशी सुरु होणार विक्री

सरकारी टेलिकॉम कंपनी बीएसएनल सध्या अशी कंपनी आहे जी, संपूर्ण टेलीकॉम इंडस्ट्रीम्ध्ये सर्वात स्वस्त प्रीपेड प्लॅन्स ऑफर करत आहे. याच कारणामुळे कंपनीचा ARPU (प्रति वापरकर्ता सरासरी महसूल) सर्वात कमी आहे, तरीही ती सातत्याने वाढ दर्शवत आहे. कंपनी आपल्या प्रीपेड पोर्टफोलिओमध्ये विशेषतः 4G वापरकर्त्यांच्या स्वरूपात सतत नवीन वापरकर्त्यांची भर घालत आहे, ज्यामुळे कंपनीच्या एकूण महसुलात वाढ होण्यास मदत होईल.