आधार कार्ड होणार अधिक सुरक्षित, UIDAI ने सुरु केला खास प्रोग्राम! एक्स पोस्ट शेअर करत दिली माहिती

UIDAI Bug Bounty Program: आधार कार्ड वापरणाऱ्या सर्व नागरिकांसाठी एक अतिशय महत्त्वाची बातमी आहे. आधार कार्डची सुरक्षा वाढावी यासाठी UIDAI ने एक मोठा निर्णय घेतला आहे. एक नवीन प्रोग्राम सुरु करण्यात आला आहे.

• आधार कार्ड आता आणखी सुरक्षित! UIDAI ने सुरू केला नवा खास प्रोग्राम
• UIDAI चा मोठा निर्णय! आधार कार्ड सुरक्षेसाठी सुरू झाला विशेष उपक्रम
• आधारधारकांसाठी मोठी अपडेट! UIDAI ने एक्सवर दिली महत्त्वाची माहिती

आधार कार्ड सध्याच्या काळातील सर्वात महत्त्वाचे कागदपत्र आहे. खाजगी कामांपासून सरकारी कामांपर्यंत सर्व ठिकाणी आपल्याला आधार कार्डची गरज असते. अत्यंत महत्त्वाचे असणारे डॉक्यूमेंट आधार कार्ड सुरक्षित असणं देखील तितकंच महत्त्वाचं आहे. जर तुमचे आधार कार्ड सुरक्षित नसेल आणि एखाच्या चुकीच्या व्यक्तिच्या हातात पडले तर तुमचे मोठ्या प्रमाणात नुकसान होऊ शकते. याच सर्व गोष्टी लक्षात ठेऊन आता UIDAI ने आधार कार्डची सुरक्षा वाढवण्याचा निर्णय घेतला आहे. UIDAI ने आधार कार्डच्या सुरक्षेसाठी एक नवीन प्रोग्राम सुरु केला आहे.

Xiaomi च्या नव्या 4K स्मार्ट टिव्हीची जबरदस्त एंट्री! 50-इंच स्क्रीन आणि 144Hz रिफ्रेश रेटने सुसज्ज, किंमत तुमच्या बजेटमध्ये

UIDAI चा हा प्रोग्राम आधार कार्डची सुरक्षा प्रणाली अधिक मजबूत व्हावी यासाठी प्रयत्न करणार आहे. UIDAI चा हा बिग बाउंटी प्रोग्राम आधार कार्डची सायबर सिक्योरिटी अधिक मजबूत व्हावी यासाठी सुरु करण्यात आला आहे. यामध्ये अनुभवी साइबर सिक्योरिटी एक्सपर्ट्स, एथिकल हॅकर्सचा समावेश करण्यात आला आहे. कंपनीने एक्स अकाऊंटवर पोस्ट शेअर करत याबाबत माहिती दिली आहे.  (फोटो सौजन्य – Pinterest) 

See more

यूआईडीएआई ने आधार प्रणाली की सुरक्षा को और मजबूत करने के लिए अपना पहला संरचित बग बाउंटी कार्यक्रम शुरू किया है। अधिक जानकारी के लिए: https://t.co/I72NMK8Vf8 pic.twitter.com/eZ0kPaRMnM — Aadhaar (@UIDAI) March 13, 2026

काय आहे बग बाऊंटी प्रोग्राम?

UIDAI ने त्यांच्या अधिकृत एक्स अकाऊंटवर पोस्ट शेअर करत नवीन प्रोग्रामबाबत माहिती दिली आहे. या पोस्टमध्ये सांगितलं आहे की, आधार कार्डची सुरक्षा आणखी मजबूत व्हावी यासाठी बग बाउंटी प्रोग्राम लाँच करण्यात आला आहे. या प्रोग्राममध्ये सहभागी होण्यासाठी अनुभवी सायबर रिसर्च एक्सपर्ट्स आणि एथिकल हॅकर्सचा एक पॅनल तयार करण्यात आला आहे. हे सायबर सुरक्षा तज्ञ UIDAI च्या प्रमुख डिजिटल प्लॅटफॉर्ममधील संभाव्य त्रुटी ओळखण्याचा प्रयत्न करणार आहेत.

बग बाउंटी प्रोग्रामच्या पॅनलमधील एक्सपर्ट्सना कोणत्याही वास्तविक सिक्योरिटीमध्ये एखादी त्रुटी आढळली आणि त्यांनी या त्रुटीबाबत रिपोर्ट केले तर त्यांना समस्येच्या गंभीरतेच्या आधारावर पुरस्कार प्रदान केला जाणार आहे. UIDAI ने सांगितलं आहे की, आधार प्रणाली आणि प्लॅटफॉर्म अधिक सुरक्षित व मजबूत बनवण्याच्या सातत्यपूर्ण प्रयत्नांचा हा परिणाम आहे.

फोटो एडिटिंगपासून स्मार्ट असिस्टंटपर्यंत… हे AI स्मार्टफोन्स भन्नाट फीचर्सने सुसज्ज, किंमत 30 हजार रुपयांहून कमी

अलीकडेच लाँच केले होते नवीन अ‍ॅप

बग बाउंटी प्रोग्राम सुरु करण्यापूर्वी UIDAI ने अलीकडेच एक नवीन आधार अ‍ॅप लाँच केला होता. यामध्ये यूजर्सना अनेक सुविधा ऑफर केल्या जात होत्या. यूजर्स घरबसल्या त्यांचा पत्ता आणि मोबाईल नंबर अपडेट करण्यासाठी अ‍ॅपचा वापर करू शकत होते. यासाठी त्यांना आधार कार्ड सेंटरवर देखील जाण्याची गरज नाही. नवीन आधार ॲप यूजर्सचे आधार कार्ड सुरक्षित करण्यासाठी बायोमेट्रिक लॉक आणि डिटेल्स लपवण्याचे पर्याय देखील देते. कार्डधारक आपला आधार क्रमांक शेअर न करता क्यूआर कोडद्वारे कागदविरहित डॉक्यूमेंट वेरिफिकेशन देखील करू शकतात.