तुमच्या स्मार्टफोनमधील क्लाऊड स्टोरेजचे फायदे माहीत आहे का? वाचून व्हाल आश्चर्यचकित

आपल्या स्मार्टफोनमधील क्लाउड स्टोरेज आपल्यासाठी प्रचंड फायदेशीर ठरू शकते. क्लाऊड स्टोरेज आपल्याला फोटो, व्हिडिओ आणि ऑडिओ इत्यादी डिजिटल डेटा सेव्ह करण्याची परवानगी देते. क्लाऊड स्टोरेजचे वेगवेगळे प्लॅटफॉर्म आहेत.

अँड्रॉईड असो किंवा आयफोन प्रत्येक स्मार्टफोनमध्ये क्लाऊड स्टोरेजचे फीचर देण्यात आलेलं असतं. क्लाऊड स्टोरेज तुम्हाला तुमचा डेटा ऑनलाइन स्टोअर करण्याची सुविधा देते. याच्या मदतीने तुम्ही कोणत्याही डिव्हाइसवरून तुमच्या फाइल्स ऍक्सेस करू शकता. क्लाउड स्टोरेजचे नाव तुम्ही बहुतेक वेळा ऐकले असेल. फोटो, व्हिडिओ आणि ऑडिओ इत्यादी डिजिटल डेटा क्लाउड स्टोरेजमध्ये सेव्ह केला जातो.

हेदेखील वाचा- व्हॉट्सॲपवर मिळणार स्नॅपचॅटचे फिल्टर्स आणि इफेक्ट्स, लवकरच येतंय नवीन फीचर

क्लाउड स्टोरेजचा फायदा असा आहे की आपल्याला कोणत्याही फिजिकल स्टोरेज आवश्यकता नाही आणि आपल्याला डेटाच्या सुरक्षिततेबद्दल काळजी करण्याची आवश्यकता नाही. क्लाउड स्टोरेज प्लॅटफॉर्म तुमचा डेटा ऑनलाइन सुरक्षित स्टोअर करण्याची सुविधा देतात. त्याच्या मदतीने, तुम्ही तुमच्या फायली कोठूनही, कोणत्याही डिव्हाइसवरून ॲक्सेस करू शकता. गूगल ड्राइव्ह, ड्रॉपबॉक्स, मायक्रोसॉफ्ट वन ड्राइव्ह, हे क्लाऊड स्टोरेजचे वेगवेगळे प्लॅटफॉर्म आहेत, जे तुम्हाला तुमचा डेटा ऑनलाईन सेव्ह करण्यासाठी मदत करतात. (फोटो सौजन्य – pinterest)

क्लाउड स्टोरेजसाठी वेगवेगळे प्लॅटफॉर्म

गूगल ड्राइव्ह

• गूगल ड्राईव्हमध्ये तुम्हाला 15 GB मोफत स्टोरेज मिळते.
• गूगल डॉक्स, शीट्स, स्लाईड्स, ईजी शेअरिंग आणि कोलॅबोरेशन हे गूगल ड्राइव्हचे फीचर्स आहेत.
• गूगल ड्राइव्हचा फायदा म्हणजे तुम्ही गूगलमध्ये लॉग इन करताच तुम्हाला विनामुल्य गूगल ड्राइव्हची सुविधा उपलब्ध होते.
• गूगल ड्राइव्हमध्ये तुम्ही तुमच्या फाईल्स सेव्ह तसेच एडीट करू शकता.

कसे वापरावे

• तुम्ही गूगल ड्राइव्ह ॲप डाउनलोड करा किंवा गूगल.ड्राइव्ह कॉम वर जा.
• यानंतर गुगल अकाउंटने लॉगिन करा आणि फाइल्स अपलोड करा.
• फोल्डर आणि फाइल्स शेअर करू शकतात किंवा एकत्र काम करू शकतात.

हेदेखील वाचा- स्मार्टफोन युजर्सची स्कॅमर्सपासून होणार सुटका, गूगलने एकाच वेळी लाँच केले पाच नवीन फीचर्स

ड्रॉपबॉक्स

• ड्रॉपबॉक्सध्ये तुम्हाला 2 GB पर्यंत मोफत स्टोरेज मिळते.
• सिंक करण, थर्ड पार्टी ॲप्ससोबत इंटीग्रेशन, उत्कृष्ट फाइल ऑर्गनाइजेशन हे ड्रॉपबॉक्सचे फीचर्स आहेत.
• तुम्ही सिंपल आणि यूजर फ्रेंडली इंटरफेस, मल्टीपल डिव्हाईसवर सिंक करू शकता.

कसे वापरावे

• यासाठी तुम्ही Dropbox.com वर जा किंवा ॲप इन्स्टॉल करा.
• एक अकाऊंट तयार करा आणि फाइल अपलोड करणे सुरू करा.
• आता तुम्हाला फाइल्स शेयर करण्याची आणि दुसऱ्यांसोबत कोलॅबोरेट करण्याची सुविधा मिळणार आहे.

मायक्रोसॉफ्ट वन ड्राइव्ह

• मायक्रोसॉफ्ट वन ड्राइव्हमध्ये तुम्हाला 5 GB मोफत स्टोरेज मिळेल.
• माइक्रोसॉफ्ट ऑफिस ॲप्ससह इंटीग्रेशन, विंडोज आणि आणि ऑफिस 365 सह मायक्रोसॉफ्ट वन ड्राइव्ह सहज कार्य करते.
• मायक्रोसॉफ्ट वन ड्राइव्ह हा विंडोज यूजर्ससाठी सर्वोत्तम पर्याय आहे. ऑफिस ॲप्ससह सहज शेअरिंग आणि कोलॅबोरेशन केलं जाऊ शकतं.

कसे वापरावे

• यासाठी तुम्ही OneDrive.com वर जा किंवा ॲप डाउनलोड करा.
• आता मायक्रोसॉफ्ट अकाउंटने लॉग इन करा.
• फाइल्स अपलोड करा आणि ऑफिस ॲप्समध्ये सहज प्रवेश करा.