WhatsApp वापरताना ‘ही’ एक चूक ठरेल घोडचूक! थेट कारागृहात होईल रवानगी

WhatsApp वापरताना अनेकदा आपल्याकडून काही चुका होत असतात. याच चुका पुढे तुमच्या डोकेदुखी ठरू शकतात. चला याबद्दल अधिक माहिती जाणून घेऊयात.

• व्हॉट्सॲप वापरताना सावधान
• व्हॉट्सॲप वापरताना कोणत्या चुका टाळल्या पाहिजे
• चला याबद्दल जाणून घेऊयात

आजच्या युगात असा एकही व्यक्ती नाही जो WhatsApp वापरत नसेल. कामापासून ते नॉर्मल चॅट्सपर्यंत अनेक जण विविध उद्देशांसाठी हा ॲप वापरत असतात. खरंतर, व्हॉट्सॲप आपल्या आयुष्यातील एक अविभाज्य भाग झाला आहे. तरुणांपासून ते जेष्ठांपर्यंत अनेक जण हा ॲप त्यांच्या दैनंदिन जीवनात वापरतात.

चॅटिंग असो, फोटो आणि व्हिडिओ शेअर करणे असो किंवा कॉलिंग असो, सर्व काही या ॲपद्वारे सहज करता येते. परंतु कधीकधी लोक विचार न करता या ॲपवर असे काही चुका करतात जे कायद्यानुसार गुन्हा मानले जातात. जर तुम्ही चुकून असे काही केले तर तुम्हाला तुरुंगवास देखील होऊ शकतो. म्हणून, WhatsApp वर तुम्ही काय करू नये हे समजून घेणे फार महत्त्वाचे.

Xiaomi Washing Machine: आता तुमचे कपडे होतील आधीपेक्षा सुगंधित आणि स्वच्छ! फक्त घाण नाही तर Bacteria ही जातील मरून

खोटी बातमी आणि अफवा पसरवणे

व्हॉट्सॲपवर मेसेज फॉरवर्ड करणे अगदी सामान्य आहे, परंतु जर मेसेजमध्ये अफवा, द्वेषपूर्ण भाषण किंवा चुकीची माहिती असेल तर त्यामुळे समस्या निर्माण होऊ शकतात. भारतात, खोट्या किंवा बनावट बातम्या पसरवणे हा आयटी कायदा आणि भारतीय दंड संहितेच्या विविध कलमांनुसार दंडनीय गुन्हा आहे. जर तुमचा फॉरवर्ड केलेला मेसेज एखाद्याच्या भावना दुखावतो, दंगल भडकवतो किंवा एखाद्याची प्रतिमा मलिन करतो, तर पोलिस तुमच्याविरुद्ध कारवाई करू शकतात. अनेक प्रकरणांमध्ये, फक्त मेसेज फॉरवर्ड केल्याबद्दल लोकांना अटक देखील करण्यात आली आहे.

आक्षेपार्ह फोटो आणि व्हिडिओ पाठवणे

काही लोक फक्त विनोद म्हणून व्हॉट्सॲपवर अश्लील, आक्षेपार्ह किंवा संवेदनशील फोटो आणि व्हिडिओ पाठवतात. मात्र, हा सायबर गुन्हा आहे. परवानगीशिवाय खाजगी कंटेंट पाठवणे, एखाद्याची प्रतिमा खराब करण्याच्या उद्देशाने फोटो आणि व्हिडिओ शेअर करणे किंवा अश्लील कंटेंट पसरवणे हे सर्व गंभीर गुन्हे आहेत. आयटी कायद्याच्या कलम 67 अंतर्गत, यामुळे तुरुंगवास आणि मोठा दंड होऊ शकतो.

Redmi चा ‘हा’ फोन मार्केटमध्ये आग लावणार; 108 MP कॅमेरा अन्…, बेस्ट फीचर्ससह कधी होणार लॉंच?

धमकीचे संदेश पाठवणे

जर कोणी एखाद्याला धमकावण्यासाठी किंवा ब्लॅकमेल करण्यासाठी व्हॉट्सॲप वापरत असेल तर ते भारतीय दंड संहितेच्या अनेक कलमांखाली दंडनीय आहे. कधीकधी, लोक रागाच्या भरात दुसऱ्या व्यक्तीला असे संदेश पाठवतात, परंतु त्याचे परिणाम खूप गंभीर असू शकतात. कोणताही धमकी देणारा, हिंसक किंवा बदनामीकारक संदेश पोलिस खटल्यात दाखल होऊ शकतो.