Mahashivratri 2025: महाशिवरात्रीनिमित्त महाराष्ट्रातील ‘या’ ज्योतिर्लिंगांना आवर्जून भेट द्या; इथे मिळेल मनःशांती

शिवरात्रीचा उत्सव आता काही लांब राहिला नाही. या शुभ मुहूर्तावर तुम्हाला महादेवाच्या ज्योतिर्लिंगाचे दर्शन घ्यायचे असेल तर महाराष्ट्रातील या ज्योतिर्लिंग मंदिरांना नक्की भेट द्या.

महाशिवरात्रीचा सण आता अवघ्या काही दिवसांवर आला आहे. यावर्षी 26 फेब्रुवारी 2025 रोजी महाशिवरात्री साजरी केली जाणार आहे. या दिवस पूर्णपणे भगवान शंकरला समर्पित केला जातो. या दिवशी भगवान शिव प्रसन्न होऊन भाविकांना आशीर्वाद देतात अशी मान्यता आहे. म्हणूनच या खास दिवशी लोक उपवास करतात, रुद्राभिषेक करतात आणि शिवमंदिरांना भेट देतात. शिवरात्रीच्या दिवशी विविध शिवमंदिरांना भेट देणे पुण्याचे मानले जाते. या दिवशी सर्व शिवमंदिरात लोकांची प्रचंड गर्दी आणि उत्साह दिसून येतो.

देशभरात 12 ज्योतिर्लिंगे आहेत, जिथे भाविक दर्शनासाठी जाऊ शकतात. ज्योतिर्लिंग हे स्थान आहे जिथे भगवान शिव प्रकाशाच्या रूपात प्रकट झाले होते आणि लिंगाच्या रूपात स्थित आहे. उत्तर प्रदेश, मध्य प्रदेश आणि गुजरातसह अनेक राज्यांमध्ये ज्योतिर्लिंगे आहेत. यापैकी बहुतांश ज्योतिर्लिंगे ही महाराष्ट्रात आहेत.महाराष्ट्रात 5 पवित्र ज्योतिर्लिंगांची स्थापना आहे. महाशिवरात्रीच्या निमित्ताने महाराष्ट्रातील या 5 पवित्र ज्योतिर्लिंगांना भेट देणे हा एक अद्भुत अनुभव असू शकतो. दरवर्षी लाखो भाविकांची गर्दी येथे जमते आणि शिवभक्त भोलेनाथाची विशेष पूजा करतात. या शिवरात्रीनिमित्त तुम्ही अजूनही जर काही प्लॅन केला नसेल तर तो लगेच कामाला लागा आणि एकतरी ज्योतिर्लिंगाला आवर्जून भेट द्या.

Valentine Day 2025: शेवटच्‍या क्षणी व्‍हॅलेंटाइन्‍स डेचे नियोजन करत आहात? या टिप्‍ससह करा व्हेकेशन प्लॅनिंग

भीमाशंकर

• 2 ज्योतिर्लिंगांपैकी एक असलेले भीमाशंकर ज्योतिर्लिंग हे पुण्यापासून 100 किमी अंतरावर आहे
• हे सह्याद्री पर्वताच्या सुंदर दऱ्यांमध्ये वसलेले आहे
• या ठिकाणी भगवान शिवाने त्रिपुरासुर राक्षसाचा वध केला होता, अशी मान्यता आहे
• हे ठिकाण भीमाशंकर वन्यजीव अभयारण्याजवळ आहे, ज्यात निसर्गप्रेमींनाही खूप काही आहे
• पुण्यापासून सुमारे 110 किमी अंतरावर असलेल्या या मंदिरात रस्त्याने सहज जाता येते

त्र्यंबकेश्वर

• त्र्यंबकेश्वर मंदिर महाराष्ट्रातील नाशिक जिल्ह्यात वसले आहे
• हे मंदिर नाशिकपासून 28 किमी अंतरावर ब्रह्मगिरी टेकडीवर आहे
• या शिवलिंगाची खासियत म्हणजे त्याचा वेगळा आकार हे तीन लहान लिंगांचे बनलेले आहे, जे ब्रह्मा, विष्णू आणि महेश यांचे प्रतीक आहे
• नाशिकपासून 30 किमी अंतरावर असलेल्या या मंदिरात मुंबई आणि पुण्याहूनही जाता येते

घृष्णेश्वर

• औरंगाबाद जिल्ह्यात 12वे आणि शेवटचे ज्योतिर्लिंग म्हणून प्रसिद्ध असलेले घृष्णेश्वर मंदिर आहे
• युनेस्कोने जागतिक वारसा स्थळ घोषित केलेल्या एलोरा लेणीजवळ हे मंदिर आहे
• मंदिराच्या कोरीव भिंती आणि दक्षिण भारतीय शैलीतील वास्तुशिल्प यामुळे ते अतिशय भव्य होते
• औरंगाबादपासून 15 किमी अंतरावर असलेल्या या मंदिरापर्यंत रेल्वे आणि रस्ता अशा दोन्ही मार्गांनी जाता येते

परळी वैजनाथ

• परळी वैजनाथ ज्योतिर्लिंग हे बीड जिल्ह्यात असून याच्या सर्वात जवळचे रेल्वे स्टेशन परळी वैजनाथ आहे
• असे मानले जाते की, भगवान शिवाने येथे अमृत कलशाची स्थापना केली होती, ज्यामुळे हे स्थान अमरत्वाचे प्रतीक बनले
• या मंदिरात शिवलिंगाला जल अर्पण करण्यास मनाई आहे, परंतु भाविक बाहेरून जल अर्पण करू शकतात

या 5 ठिकाणी होतो दैवी शक्तींचा आभास; गजबजाटापासून दूर इथल्या शांततेत घालवता येतील सुंदर क्षण

औंढा नागनाथ

• हे ज्योतिर्लिंग हिंगोली जिल्ह्यात असून नांदेडपासून सुमारे 50 किमी अंतरावर आहे
• सत्ययुगाशी संबंधित औंढा नागनाथ ज्योतिर्लिंगाचा उल्लेख रामायण आणि महाभारतात केला गेला आहे
• मंदिराची वास्तू अतिशय प्राचीन आणि अप्रतिम आहे
• येथे पांडवांनी भगवान शंकराची आराधना केल्याचे सांगितले जाते