Travel: विश्वातील सर्वोच्च उंचीवर वसले आहे महादेवाचे हे मंदिर, इथेच माता पार्वतीने केली होती तपश्चर्या

Tungnath Temple: उत्तराखंडमध्ये वसलेले तुंगनाथ मंदिर हे शिवाच्या सर्वोच्च मंदिरांपैकी एक मानले जाते. हे मंदिर जगातील सर्वात उंच शिव मंदिर आहे. धार्मिक मान्यतेनुसार, महादेवाला प्रसन्न करण्यासाठी हे मंदिर पांडवांनी बांधले

हिंदू धर्मात भगवान शंकर आणि माता पार्वतीच्या उपासनेला एक विशेष महत्त्व देण्यात आले आहे. भगवान शिवाला सोमवार हा दिवस फार प्रिय आहे, या दिवशी भक्तजन त्यांची पूजा-अर्चा करत त्यांना फळे आणि फुले अर्पण करतात. तसेच अनेकजण या दिवशी महादेवाच्या मंदिरांनाही भेट देतात. तुम्हीही शिवमंदिराला भेट देण्याचा विचार करत असाल, तर उत्तराखंडमध्ये असलेल्या तुंगनाथ मंदिराला अवश्य भेट द्या. हे मंदिर उत्तराखंडच्या रुद्रप्रयाग जिल्ह्यात आहे. तुंगानाथ मंदिर पंच केदारमध्ये समाविष्ट आहे. अशा परिस्थितीत या मंदिराशी संबंधित काही रंजक गोष्टी जाणून घेऊया.

तुंगनाथ मंदिराचा इतिहास

तुंगनाथ मंदिर हे शिवाच्या सर्वोच्च मंदिरांपैकी एक आहे. धार्मिक मान्यतेनुसार, पांडवांनी तुंगनाथ मंदिर भगवान शिवाला प्रसन्न करण्यासाठी बांधले होते. हे मंदिर भारतीय स्थापत्य शैलीत बांधलेले आहे. याच ठिकाणी माता पार्वतीने महादेवाला पती म्हणून प्राप्त करण्यासाठी तपश्चर्या केली असल्याचे सांगितले जाते. मंदिराबाबत आणखीन एक मान्यता आहे की, रावणाचा वध केल्यानंतर याच ठिकाणी प्रभू रामानेतपश्चर्या केली होती. रावण ब्राह्मण असल्यामुळे रामजींवर ब्रह्महत्याचा आरोप होता, ज्यापासून मुक्ती मिळवण्यासाठी रामजींनी तुंगनाथ मंदिरात तपश्चर्या केली.

Holi 2025: भारतातील एक असे गाव जिथे रंगांनी नाही तर अंगारांनी खेळली जाते होळी

या मंदिरापासून काही अंतरावर चंद्रशिला मंदिर आहे. या मंदिरात गेल्याशिवाय तुंगानाथ मंदिरात उपस्थित महादेवाचे दर्शन अपूर्ण मानले जाते. हे मंदिर समुद्रसपाटीपासून सुमारे 3680 मीटर उंचीवर आहे. या मंदिराचे सौंदर्य फार सुंदर असून ते पाहताच मन प्रसन्न होते. तुमच्या माहितीसाठी आम्ही तुम्हाला सांगतो की, जास्त बर्फवृष्टीमुळे तुंगनाथ मंदिर नोव्हेंबर ते मार्च दरम्यान बंद असते. महादेवाच्या प्रमुख मंदिरांमध्ये या मंदिराचा आवर्जून समावेश होतो.

Women’s Day 2025: भारतातील अशा काही इमारती ज्या पुरुषांनी नाही तर महिलांनी उभारल्या

तुंगनाथ मंदिराला कशी भेट द्याल?

दरवर्षी या मंदिरात हजारोंच्या संख्येने पर्यटक भेट देण्यासाठी येत असतात. तुंगनाथ मंदिरात जायचे असेल तर विमान, रेल्वे किंवा रस्त्याने सहज या मंदिरापर्यंत पोहोचता येते. विमानाने जाण्यासाठी, तुंगानाथ मंदिराजवळ डेहराडूनचे जॉली ग्रांट विमानतळ आहे. येथून तुम्ही कॅबने चोपटाजवळील पांगर गावात जाऊ शकता. तुम्ही ट्रेननेही मंदिरात पोहोचू शकता. या मंदिराजवळ डेहराडून, हरिद्वार किंवा ऋषिकेश स्थानके आहेत. जिथून तुम्ही बस किंवा टॅक्सीच्या मदतीने चोपट्याला पोहोचू शकता. याशिवाय तुम्ही बसचीही मदत घेऊ शकता. यासाठी बसने पांगर गावात जाता येईल. येथून चोपटा येथे तुम्ही टॅक्सीने जाऊ शकता.