KGF चित्रपटाच्या खाणीत सापडले 800 टन सोने; जाणून घ्या काय आहे नेमकं प्रकरण

या खाणीच्या शोधाबद्दल अनेक गोष्टी प्रचलित आहेत. उदाहरणार्थ ब्रिजेट व्हाईट तिच्या 'कोलार गोल्ड फील्ड डाउन मेमरी लेन' या पुस्तकात लिहिते की या खाणीचा उपयोग जुन्या काळात गुप्तपणे सोने काढण्यासाठीही केला जात असे.

बेंगळुरू : एक काळ असा होता की, भारताला जगभरात ‘सुवर्ण पक्षी’ म्हणून ओळखले जात असे. भारतात खूप सोने होते. बहुदा तोच भारताचा सुवर्णकाळ होता असेही म्हणता येईल. आजही भारतात बऱ्याच ठिकाणी अनेकवेळा सोन्याच्या रूपात गुप्तधन सापडलेले पाहायला मिळालेले आहे. भारतातील गोल्ड बर्डची एक खाणही अशीच आहे जिथून 1880 ते 2001 दरम्यान सुमारे 800 टन सोने काढण्यात आले होते. तसेच ब्रिटीश राजवटीत कोणत्या ब्रिटीश अधिकाऱ्याने या खाणीचा शोध लावला होता तेदेखील जाणून घेऊया.

KGF सह कोलार खाण

2018 मध्ये KGF हा चित्रपट प्रदर्शित झाला ज्यामध्ये यश मुख्य भूमिकेत होता. चित्रपटाने चांगली कमाई केली आणि भरपूर पैसेही छापले. चित्रपटाचा मुख्य विषय काय होता? तर चित्रपटाचा केंद्रबिंदू हा सोन्याची खाण होता. या खाणीचे नाव खरे तर ‘कोलार सोन्याची खाण’ म्हणजेच ‘Kolar Gold Fields’ असे आहे. बंगळुरूपासून ९० किमी अंतरावर असलेल्या या खाणीतून तुम्ही कल्पनाही करू शकत नाही इतके सोने सापडले आहे. KGF चा फुल फॉर्म देखील ‘कोलार गोल्ड फील्ड्स’ असा आहे. हा चित्रपट ॲक्शन आणि ड्रामाने परिपूर्ण आहे. पण हे सगळे वास्तव कथेत नाही. या सोन्याच्या खाणीचा शोध कोणी ते पाहूया.

या खाणीचा शोध कसा लागला?

या खाणीच्या शोधाबद्दल अनेक गोष्टी सांगितल्या जातात. उदाहरणार्थ ब्रिजेट व्हाईट तिच्या कोलार गोल्ड फील्ड डाउन मेमरी लेन या पुस्तकात लिहिते की या खाणीचा उपयोग गुप्त काळात सोने काढण्यासाठीही केला जात असे. तर वेंकटस्वामी यांच्या जिऑलॉजिकल सर्व्हे ऑफ इंडियाने प्रकाशित केलेल्या ‘कोलार सोन्याच्या खाणी’ या पुस्तकात असे लिहिले आहे की, या खाणीचा वापर सिंधू संस्कृतीनेही केला होता.

हे देखील वाचा :  उंटाचे दूध आरोग्यासाठी आहे खूपच उपयुक्त, जाणून घ्या त्याचे आश्चर्यकारक फायदे

त्याचे नाव लिखित स्वरूपात कधी आले?

हे वर्ष 1875 होते. मायकल लव्हेली नावाचा ब्रिटिश सैनिक बंगळुरूमध्ये काम करत होता. येथून सुमारे ९० किलोमीटर अंतरावर सोन्याचा शोध लागल्याचे त्यांना समजले. पैसे कमवण्याची ही मोठी संधी आहे असे त्याला वाटले. कोलारमध्ये सोन्याच्या खाणीसाठी त्यांनी म्हैसूर सरकारकडे परवानगी मागितली. खूप कष्टानंतर त्याला परवानगी मिळाली.

मात्र त्यांनी स्वत: तेथे खोदकाम न करता वर्षभरानंतर परवाना अन्य कोणाकडे हस्तांतरित केला. यानंतर काही लोकांनी यात ५ हजार पौंड गुंतवले आणि त्याला ‘कोलार कन्सेसियन’ असे नाव दिले. नंतर चेन्नई आणि ओरिघम कंपनीने त्यात 10 हजार पौंड गुंतवले आणि नंतर म्हैसूर माईन्स कंपनी आणि नंदी दुर्गा यांनीही यात गुंतवणूक केली. यानंतर येथून मोठ्या प्रमाणावर सोन्याचे उत्खनन सुरू झाले. आणि तब्बल 800 टन सोने त्या जागेतून सापडले आहेत.