सोमवार, 5 ऑक्टोबर 2026
Viral News: ऐकावे ते नव्वलचं! (फोटो सौजन्य- AI) Viral News: ऐकावे ते नव्वलचं! (फोटो सौजन्य- AI)
अमेरिकेतल्या नॉर्थ कॅरोलिनामधल्या शार्लोट शहरात राहणाऱ्या 36 वर्षीय एरीन पॅटरसन लग्नासाठी मुलगा शोधते आहे. परंतू डेटिंग ॲप्स ट्राय करून पाहिले तिला हवा तसा मुलगा मिळला नाही. या सगळ्याला कंटाळून एरिनने एक वेगळीच शक्कल लढवली. तिने एक गुगल फॉर्म तयार केला. त्या फॉर्मचं नाव ठेवलं ‘पतीसाठी अर्ज’ आणि तो फॉर्म तिने आपल्या सोशल मीडियावर शेअर केला, वरून पिन पण केला. आश्चर्यांची गोष्ट म्हणजे हा फॉर्मला प्रतिसाद येऊन लागले. पाच पन्नास नाहीतर तब्बल 250 हून अधिक फॉर्म भरले आहेत. Viral News:
एरिनने फॉर्ममध्ये एकदम स्पष्ट लिहिलंय की तिला कसा मुलगा हवा आहे. तिला एक देखणा, हुशार, दयाळू, एकनिष्ठ आणि मनाने मोठा असलेला मुलगा हवा आहे. जो तिला कॉफी किंवा डिनरसाठी भेटेल, नीट बोलेल आणि हे नातं पुढे नेण्याचा विचार करेल.ती म्हणते, मला माझ्या अपेक्षा लपवायच्या नाहीत. सुरुवातीलाच सगळं स्पष्ट असलं की दोघांचाही वेळ वाचतो आणि गैरसमज पण होत नाहीत.
Viral Video: ना अडखळता, ना चुकता! परदेशी नागरिकाची हनुमान चालिसा ऐकून सगळ्यांना लागला 440 शॉक
हा फॉर्म फक्त नाव, वय, गाव यावरच संपत नाही. यात तिने एकदम डीप प्रश्न विचारले आहेत. तुझं करिअर काय आहे? तुझी रोजची दिनचर्या कशी असते? तुझ्या सवयी काय आहेत? लग्नाबद्दल तुझं काय मत आहे? कुटुंबाबद्दल काय विचार आहेत? नात्याकडून काय अपेक्षा आहेत? असे एक ना अनेक प्रश्न तिने त्यात टाकले आहेत.तिला हे जाणून घ्यायचं आहे की समोरचा माणूस आयुष्याकडे कसा बघतो आणि तो खरंच लग्नासाठी सीरियस आहे का.
एरिनची ही पोस्ट आता सोशल मीडियावर प्रचंड व्हायरल झाली. लोक तिच्या या धाडसाचं कौतुक करत आहेत. एकाने कमेंट केली, “ही आयडिया एकदम धाडसी आणि नवीन आहे. काय होतंय ते आम्हाला सांगत राहा.”दुसरा म्हणाला, “तुला नक्कीच एक चांगला, प्रेमळ जोडीदार मिळेल अशी आशा करतो.”तिसरा म्हणाला, “ही तर एकदम बेस्ट आयडिया आहे. मी पण माझ्या जोडीदाराच्या शोधासाठी असंच करणार आहे.”अनेक लोकांचं म्हणणं आहे की आजकाल इतक्या स्पष्टपणे बोलणाऱ्या मुली कमीच सापडतात. जिला मिळेल तो मुलगा खरंच नशीबवान असेल. जेव्हा सुरुवातीपासूनच सगळ्या अपेक्षा क्लिअर असतात तेव्हा पुढे भांडणं पण कमी होतात.
अरे बापरे! ट्रेनच्या इंजिनला साडी बांधून महिला रुळावरच करू लागली डान्स; Video तुफान व्हायरल
खरं तर एरिनने जे केलंय ते थोडं वेगळं वाटत असेल पण प्रॅक्टिकल पण आहे. डेटिंग ॲपवर महिने घालवण्यापेक्षा एक फॉर्म भरून जो सीरियस आहे तोच पुढे येईल, हा तिचा विचार भारी आहे. आता या 240 अर्जांमधून तिला तिचा जोडीदार मिळतोय का हे पाहावं लागेल.
