हजारोंच्या ढिगाऱ्यातून व्यक्तीने AI च्या मदतीने शोधून काढली चप्पल; यूजर्स म्हणाले, Chatgpt च्या शक्तींचा चुकीचा वापर केला जातोय

Video Viral : अरे बापरे! चॅटजीपीटीचा केला असा वापर... पाहून यूजर्सना सॅम ऑल्टमनही म्हणाला असावा 'ये क्या क्या देखना पड रहा है'. महाकाल मंदिराबाहेर चप्पलांच्या ढिगातून आपली चप्पल शोधण्यासाठी तरुणाने चॅटजीपीटीचा अनोखा वापर केलाय.

• महाकाल मंदिराबाहेरील चप्पलांच्या ढिगातून बूट शोधण्यासाठी व्यक्तीने घेतली ChatGPTची मदत.
• बुटाचा रंग आणि डिझाइन सांगताच AIने फोटोतील बूट ओळखण्यास केली मदत.
• व्हिडिओ सोशल मीडियावर व्हायरल होताच यूजर्सनी ChatGPTच्या या वापरावर मजेशीर प्रतिक्रिया दिल्या.

मागील काही काळापासून तंत्रज्ञानाचा प्रभाव इतका वाढला आहे की आजकाल लोक लहानसहान गोष्टींसाठीही तंत्रज्ञानाची मदत घेऊ लागलेत. काही प्रश्न विचारायचे असतील किंवा दैनंदिन जीवनातील समस्येचे निराकरण हवे असेल तर लोक त्यासाठीही एआयची मदत घेतात. फक्त व्यावसायिक जीवनातच नाही तर आपल्या वैयक्तिक जीवनाचाही एआय एक महत्वपूर्ण भाग बनला आहे. आजवर तुम्ही अनेक वेगवेगळ्या कारणांसाठी एआय तंत्रज्ञानाचा वापर केला असेल पण चप्पल शोधण्यासाठी तुम्ही कधी एआयचा वापर केला आहे का? अलिकडेच एका व्यक्तीने चप्पलांच्या ढिगाऱ्यातून आपली चप्पल शोधून काढण्यासाठी एआय तंत्रज्ञानाची मदत घेतल्याचे दिसले. याचा व्हिडिओ त्याने सोशल मिडियावर शेअर केला आहे.

पाण्याच्या राक्षसाने तोंडात धरला व्यक्तीचा पाय, वेदनेने कळवळत राहिला अन् मग… थरारक घटनेचा Video Viral

मंदिराबाहेर होता चप्पलांचा ढिग

व्हिडिओतील हा प्रकार महाकाल मंदिराबाहेर घडल्याचे सांगण्यात येत आहे. मंदिरात दर्शनासाठी हजारो भाविक दाखल झाले होते अशात मंदिराबाहेर चप्पलांचा ढिग जमा झाला. शेकडो चप्पलांमध्ये आता आपली चप्पल कुठे हे शोधणं थोड कठीण झालं होत. अशात व्यक्तीने चप्पल शोधण्यासाठी चॅटजीपीटीची मदत घेऊ पाहिली. आश्चर्याची गोष्ट म्हणजे, चॅटजीपीटीने खरोखर ढिगातून व्यक्तीची चप्पल शोधून काढली. व्यक्तीने चॅटजीपीटीच्या मदतीने केलेला हा पराक्रम सोशल मिडियावर शेअर केला असून यूजर्सने यावर आपले आश्चर्य व्यक्त केले आहे. आजवर इमेज क्रिएट करण्यासाठी किंवा कोणत्या विषयाची माहिती मिळवण्यासाठी चॅटजीपीटीचा वापर केला जात होता पण व्यक्तीच्या अनोख्या कल्पनेने तर सर्वांनाच हादरवून सोडले. या घटनेवर प्रतिक्रिया देताना काहींनी व्यक्तीच्या आयडियाची प्रशंसा केली तर काहींनी चॅटजीपीटीच्या शक्तींचा चुकीचा वापर केला जातोय अशा मिश्किल प्रतिक्रिया व्हिडिओला दिल्या.

व्हिडिओनुसार, त्या व्यक्तीने एआयला सांगितले की मंदिराबाहेर बुटांच्या गर्दीत त्याला आपला बूट सापडत नव्हता. त्यानंतर त्याने चॅटजीपीटीला बुटाचा रंग , डिझाइन आणि चप्पल ओळखण्यासाठी लागणारी सर्व माहिती शेअर केली. या माहितीच्या आधारे, चॅटजीपीटीने चित्राचा अर्थ लावण्याचा प्रयत्न केला आणि नंतर, चित्रातील बुटांकडे पाहून, एआयने त्या व्यक्तीला त्याचा बूट ओळखण्यास मदत केली. याचा अर्थ असा की, शेकडो बुटांमधून बूट शोधण्याचे जे काम त्याला खूप वेळ लागले असते, ते एआयने सोप करुन दिले.

See more

माझं चॉकलेट चोरलं गेलं, मला न्याय हवा… चिमुकल्यांची पोलिसांकडे मिश्किल तक्रार; Video Viral

हा व्हिडिओ @shubhangborkar नावाच्या इंस्टाग्राम अकाऊंटवर शेअर करण्यात आला आहे. व्हिडिओ चांगलाच चर्चेत असून व्हिडिओच्या कमेंट सेक्शनमध्ये अनेक यूजर्सने यातील दृष्यांवर आपले मत व्यक्त केले आहे. एका यूजरने म्हटले की, “सॅम ऑल्टमन ज्याने चॅटजीपीटी बनवले, तोही विचार करत असेल की तो चपला शोधण्यात अब्जावधी डॉलर्सची गुंतवणूक करत होता”, दुसऱ्या युजरने लिहिले आहे, “टेक्नालाॅजिया”, आणखी एका यूजरने लिहिले आहे, “भाई, डिजिटल गुलाम बनवून ठेवलंय त्या चॅटजीपीटीला ”.

टीप – हे व्हिडिओ सोशल मडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.