“तू आतंकवादी आहेस”! चालू क्लासरूममध्ये प्रोफेसरने विद्यार्थ्याला 13 वेळा म्हटलं Terrorist; इंटरनेटवर Video चर्चेत

Professor Call Student a Terrorist : जातीवरुन कुणालाही हिणवणं किवा दहशतवादी म्हणणं एक चुकीच बाब असून एका शिक्षकाकडून हे कृत्य घडणं म्हणजे लाजीरवाणीचं गोष्ट. या घटनेचा व्हिडिओ इंटरनेटवर वाऱ्यासारखा शेअर केला जातोय.

• वर्गात प्राध्यापकाने मुस्लिम विद्यार्थ्याला वारंवार “दहशतवादी” म्हणत अपमान केल्याचा व्हिडिओ व्हायरल झाला.
• या घटनेनंतर सोशल मीडियावर संताप व्यक्त झाला आणि लोकांनी शिक्षकाला निलंबित करण्याची मागणी धरली.
• प्रकरणाची चौकशी सुरू असून सीसीटीव्ही फुटेज आणि व्हिडिओची सत्यता तपासली जात आहे.

भारत ही धर्मनिरपेक्ष राष्ट्र आहे, याचाच अर्थ राष्ट्रासाठी सर्व धर्म समान आहेत. भारतात हिंदू, मुस्लिम, पारसी, ख्रिस्ती अशा सर्वच धर्मांची लोक राहतात. अशावेळी प्रत्येक धर्माचा आदर हा आपल्या भूमीचा आदर मानावा. कोणताही धर्म दुसऱ्या धर्माची निंदा करण्याची शिकवण देत नाही. परंतु देशात धर्मावरुन नेहमीच वाद सुरु असतात. अशातच अलिकडे सोशल मिडियावर एक व्हिडिओ वाऱ्यासारखा शेअर केला जात आहे ज्यात काॅलेजचे एक प्रोफेसर क्लास घेत असताना एका विद्यार्थ्याला त्याच्या जातीवरुन दहशतवादी म्हणू लागले. विद्यार्थ्याची जात मुस्लिम म्हणून त्याला दहशतवादी बोलणे फार चुकीचे आहे आणि मुख्य म्हणजे एक शिक्षकंच असा भेदभाव विद्यार्थ्यांसमोर करत आहे ही गोष्ट खरंच लाजीरवाणी ठरते.

चीनमध्ये पब्लिक शोमध्ये डान्स करताना रोबोटने लहान मुलाच्या कानशिलात हाणली, नक्की घडलं काय? Video Viral

काय आहे प्रकरण?

सांगण्यात येत आहे की, सदर घटना २४ मार्च रोजी बनशंकरी येथे घडून आली. याचा व्हिडिओ व्हायरल झालयानंतर लोकांनी शिक्षकांविरोधात तीव्र संताप व्यक्त केला आणि त्यांना तात्काळ निलंबित करण्यात यावे अशी मागणीही केली. चालू वर्गात जेव्हा प्रोफेसर विद्यार्थ्याला जातीवरुन दहशतवादी म्हणत होते तेव्हा एका सहविद्यार्थ्याने या दृष्यांचा व्हिडिओ शूट केला आणि सोशल मिडिया प्लॅटफाॅर्मवर व्हडिओला शेअर केलं. व्हिडिओमध्ये, वाणिज्य विभागातील सहायक प्राध्यापक डॉ. मुरलीधर देशपांडे एका जोरदार वादात गुंतलेले दिसत आहेत. ते अफान नावाच्या विद्यार्थ्याला ओरडताना ऐकू येतात, “तू दहशतवादी आहेस… काय खातोस? आज मी खूप शांत राहीन असं वाटलं होतं. तुला लाज वाटत नाही का? तू एक निरुपयोगी माणूस आहेस.”

वर्गात उपस्थित असलेल्या विद्यार्थ्यांच्या म्हणण्यानुसार, प्राध्यापकाने ‘दहशतवादी’ हा शब्द किमान १३ वेळा वापरला. साक्षीदारांच्या दाव्यानुसार, त्यांनी इतरही गंभीर वक्तव्ये केली, ज्यात “इराण युद्ध तुमच्यासारख्या लोकांमुळे झाले,” आणि “ट्रम्प तुम्हाला संपवतील,” यांचा समावेश होता. या व्हिडिओवर सार्वजनिक आणि राजकीय वर्तुळातून तीव्र टीका झाल्यानंतर, पीईएस विद्यापीठाच्या कुलपतींनी व्यवस्थापनाने तात्काळ कारवाई केल्याची पुष्टी केली. निलंबनाची पुष्टी करताना, पीईएस विद्यापीठाचे कुलपती जवाहर दोरेस्वामी म्हणाले की, अशा कृत्यांबाबत संस्थेचे ‘शून्य-सहिष्णुता’ धोरण आहे.

See more

Muralidhar Deshpande, PES University Professor, referred to the Muslim Student Affan as a “TERRORIST” at least 13 times during a class. Sanghi Mindset has INFECTED even the Top Universities of India. pic.twitter.com/DSc0ssOKcQ — Dr Ranjan (@DocRGM_) March 28, 2026

एक विवाह ऐसा भी! तीन वर्षांपूर्वी महिलेने नदीसोबत केलं लग्न, आता साजरी करतेय एनिव्हर्सरी… अनोख्या लव्हस्टोरीचा Video Viral

दोरेस्वामी म्हणाले, “आम्ही प्रत्येक वर्गात सीसीटीव्ही कॅमेरे बसवले आहेत आणि व्हिडिओची सत्यता पडताळण्यासाठी आम्ही आमच्या तांत्रिक पथकाला सूचना दिल्या आहेत. आम्ही संबंधित प्राध्यापकाला तात्काळ निलंबित केले असून, एक शिस्तपालन समिती पुराव्यांची तपासणी करेल.” निष्पक्ष तपास सुनिश्चित करण्यासाठी विद्यापीठाने आपल्या तांत्रिक पथकाला वर्गातील सीसीटीव्ही फुटेज आणि मोबाईल रेकॉर्डिंगची सत्यता पडताळण्याचे कामही सोपवले आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.