अंत्यसंस्कार सुरू असतानाच जळत्या चितेत अचानक झाला भयंकर स्फोट, थरारक Video Viral
काय घडलं व्हिडिओत?
व्हिडिओच्या सुरुवातीलाच आपल्याला स्मशानभूमीतील काही दृष्ये दिसून येतात. स्मशानभूमीत चिता जळत आहे आणि त्यातून धुराचे लोट बाहेर पडत आहेत. मात्र काही सेकंदातच संपूर्ण चित्र पालटते आणि जे घडते ते सर्वांना थक्क करुन टाकते. चिता जळत असतानाच तिथे एक मोठा स्फोट होतो आणि पाहणारे डोळे मोठे करुन दृष्य पाहतंच राहतात. तिथे उपस्थित काही लोक हे दृष्य आपल्या कॅमेरातही कैद करतात, ज्याचाच व्हिडिओ आता सोशल मिडियावर शेअर करण्यात आला आहे. यावेळी सुदैवाने चितेजवळ कोणी उभे नसल्याने स्फोटात कुणालाही दुखापत झाली नाही.
दरम्यान जळत्या चितेत होणारा हा स्फोट काही चमत्कार नसून यामागे वैज्ञानिक कारणही दडलेले असू शकते. तज्ञांच्या मते, चिता रचताना मृतदेहाजवळ हवा किंवा वायू असलेली कोणतीही वस्तू ठेवल्यास, प्रचंड उष्णतेमुळे तिचा स्फोट होऊ शकतो. त्याच वेळी, बांबू किंवा लाकडामध्ये अनेकदा हवा अडकते. जेव्हा ज्वालांचे वाफेत रूपांतर होते, तेव्हा प्रचंड दाब निर्माण होतो, ज्यामुळे स्फोट घडून येतो. याव्यतिरिक्त, चितेवर जास्त प्रमाणात तूप, कापूर किंवा इतर ज्वलनशील पदार्थ टाकल्यास अचानक ज्वाला भडकून स्फोटासारखी परिस्थिती देखील निर्माण होऊ शकते.
या घटनेचा व्हिडिओ @kati_kappari नावाच्या इंस्टाग्राम अकाऊंटवरुन शेअर करण्यात आला आहे. अनेक यूजर्सने व्हिडिओवर कमेंट्स करत यातील दृष्यांवर आपले मत व्यक्त केले आहे. एका यूजरने म्हटले की, “जाता जाता धमाका करुन गेला”, दुसऱ्या युजरने लिहिले आहे, “अरे बापरे असं घडताना मी पहिल्यांदाच पाहिलं”, आणखी एका यूजरने लिहिले आहे, “अनेकांना वाटतंय की यामुळे कवटी फुटली असेल पण हा स्फोट चितेच्या मध्यभागी झाला”.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
.png "Videos"){kind=small}
