बाईईsss हा काय प्रकार! रिलसाठी महिलेने जळती चूल डोक्यावर ठेवली अन् त्यावर भाजली चपाती; अजब गजब प्रकारचा Video Viral
काय घडलं व्हिडिओत?
जुन्या काळात जेवण हे चूलीवर बनवले जात होते. आजही गावाकडे गॅसऐवजी अधिकतर चूलीवरच जेवण शिजवले जाते. अशात व्हायरल होत असलेला हा व्हिडिओ देखील एका गावाकडचा असून यात महिलेने जमिनीवर नाही तर डोक्यावर चूल पेटवल्याचे दिसून आले आहे. व्हिडिओमध्ये आपण पाहू शकता यात महिलेच्या डोक्यावर जळती चूल असून त्यावर तवा देखील ठेवलेला असतो. यात स्पष्ट पाहिल्यास समजते की, एक लहान मुलगी या चूलीवर चपाती भाजत आहे.
सर्वात आश्चर्याची बाब म्हणजे यावेळी महिलेच्या चेहऱ्यावर भितीची एक रेषही दिसून येत नाही. ती डोक्यावर जळती चूल ठेवून गवत गोळा करण्यात मग्न असते. यूजर्सने मात्र व्हिडिओ व्हायरल होताच यावर टिका व्यक्त केली आहे. व्हायरल होण्याची इच्छा प्रत्येकालाच असते पण यासाठी असा धोकादायक मार्ग निवडणे फार चुकीचे आहे. आपण आपल्या कला प्रदर्शनानेही लोकांचे लक्ष आपल्याकडे वेधून घेऊ शकता. गरजेचं नाही की व्हायरल होण्यासाठी फक्त आपला जीवच दावणीला लावायला हवा.
हा व्हायरल व्हिडिओ @rabinadevi55 नावाच्या इंस्टाग्राम अकाऊंटवरुन शेअर करण्यात आला आहे. व्हिडिओ इंटरनेटवर चांगलाच शेअर केला जात असून अनेकांनी व्हिडिओच्या कमेंट सेक्शनमध्ये महिलेच्या प्रतापावर आपले मत व्यक्त केले आहे. एका यूजरने म्हटले की, “पण हे करण्यामागचं नक्की कारण काय?”, दुसऱ्या युजरने लिहिले आहे, “चूल जरा जरी हलली तर महिलेचा खेळ खल्लास होईल” आणखीन एका युजरने लिहिले आहे, “अशा लोकांनी पोलिसांनी कोठडीत टाकायला हवं”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
