वाढदिवसाचा आनंद क्षणात धुळीला मिळाला! कँडल लावताच उत्सवमूर्तीच्या तोंडावर फुटला बर्थडे केक… Video Viral

Funny Birthday Celebration Video : केक फुटला आणि हवेत आनंदही गेला उडून... अनोख्या बर्थडे सेलिब्रेशनचा व्हिडिओ सोशल मिडियावर व्हायरल होत असून यातील दृश्यांनी सर्वांनाच हसू अनावर केलं आहे.

• वाढदिवस साजरा करताना केकला मेणबत्ती लावताच अचानक स्फोट झाला.
• केकचे तुकडे सर्वत्र उडाले आणि वाढदिवसाच्या व्यक्तीच्या चेहऱ्यावरही पडले.
• हा व्हिडिओ प्रँक असल्याचा संशय असून सोशल मीडियावर जोरदार व्हायरल झाला.

सोशल मिडियाच्या दुनियेत कधी काय घडून येईल ते सांगता येत नाही. इथे अनेक मजेदार दृष्ये आणि रंजक घटना शेअर केल्या जातात. अलिकडे एक अनोखं बर्थडे सेलिब्रेशन इंटरनेटवर खूप जास्त व्हायरल होत आहे ज्यात सेलिब्रेशनचा आनंद क्षणातच धुळीत मिळाल्याचे दिसून आले. व्हिडिओतील दृष्यांनी आता अनेकांना थक्क केलं आहे तर काहींना हसू अनावर केलं. पण नक्की व्हिडिओत घडलं तरी काय ते चला सविस्तर जाणून घेऊया.

लवकरच मोठं संकट ओढवणार? Viral Video मध्ये असं काय दिसलं ज्याने संपूर्ण इंटरनेट हादरलं…

काय घडलं व्हिडिओत?

सध्या सोशल मिडियावर वेगाने व्हायरल होत असलेल्या या व्हिडिओमध्ये व्यक्तीच्या वाढदिवसाचा आनंद साजरा होत असल्याचे दिसते. उत्सवमूर्ती व्यक्ती ज्याचा वाढदिवस आहे तो खुर्चीवर बसलेला असतो. त्याच्या डोक्यावर कागदाचा एक क्राऊन देखील घातल्याचे दिसते. अशातच एक नातेवाईक केकवर मेणबत्ती पेटवण्यासाठी पुढे येतात. जशी ही मेणबत्ती केकवर पेटवली जाते त्याच्या पुडच्याच क्षणी केकचा मोठा विस्फोट होते आणि त्याचे तुकडे सर्वत्र पसरतात. इतकेच काय तर ज्याचा वाढदिवस आहे त्या व्यक्तीाच्या चेहऱ्यावरही संपूर्ण केकचे शिंतोडे उडतात. आता कसं घडलं याची खात्रीशीर माहिती नसून हा एक प्रँक असल्याचे यूजर्सचे म्हणणे आहे.

मुळात केक सहसा फुटत नाही अशात मेणबत्ती लावताच फुटलेला हा केक खरंतर खोटा असावा असा अनेकांचा समज आहे. खरे कारण मात्र व्हिडिओत स्पष्ट करण्यात आलेले नाही. दरम्यान सेलिब्रेशनवेळी अचानक घडलेली ही घटना आता यूजर्सना हसू अनावर करत आहे. लोक निरनिरळ्या प्रतिक्रिया व्यक्त करुन वाढदिवशी घडलेल्या या घटनेची खिल्ली उडवत आहेत.

See more

VIRAL VIDEO: विज्ञान जग थक्क! केरळच्या भरणी उत्सवात परदेशी व्लॉगरचा दैवीय संचाराचा थरारक अनुभव; कॅमेऱ्यात कैद झालेला क्षण व्हायरल

दरम्यान हा व्हिडिओ @vikramgfans नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “बर्थडे केक नाही हा तर निघाला बर्थडे बाँम्ब” तर दुसऱ्या युजरने लिहिले आहे, “तुम्बाड चित्रपटातील हस्तरसारखा त्याचा चेहरा झाला आहे” आणखीन एका युजरने लिहिले आहे, “म्हणून कुठल्याही दुकानातून केक खरेदी करायचा नाही”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.