Quiz : डोकं चालवा-कोड सोडवा; बुद्धीला द्या जोर… लढवा शक्कल अन् चालवा तुमची अक्कल

कोड्यांचं विश्व फक्त तुमचा मोकळा वेळ घालवत नाही तर तुमच्या बुद्धीलाही चालना देण्याचे काम करते. लहानपणी अनेकदा तुम्ही कोडी सोडवली असतील, आताही हिम्मत करा आणि ही मजेदार कोडी सोडवून दाखवा.

(फोटो सौजन्य: Anyrgb)

Follow Us:

Follow Us:

• अशी कोणती गोष्ट आहे
  जिला माणूस लपवून चालतो,
  पण स्त्रिया दाखवून चालतात?
  – पर्स

• अशी कोणती जागा आहे जिकडे रस्ता आहे
  पण गाडी नाही जंगल आहे पण झाड नाही,
  आणि शहर आहे पण पाणी नाही
  – नकाशा

• दोन भाऊ शेजारी,
  भेट नाही जन्मांतरी…
  – डोळे

• लग्नाआधी मुलगी अशी कोणती गोष्ट आहे
  जी घालू शकत नाही?
  – मंगळसूत्र

• असा कोण आहे जो तुमच्या नाकावर बसून
  तुमचे कान पकडतो?
  – चष्मा

• असं काय आहे
  ज्यामध्ये सर्व काही लिहिलेले असते
  पण ते कोणीही ते वाचू शकत नाही?
  – भाग्य

• अशी कोणती वस्तू आहे
  जी सर्व मुले खातात
  परंतु त्यांना की आवडत नाही?
  – पालकांचा मार किंवा ओरडा

• मी तरुण असतो तेव्हा उंच असतो
  आणि जेव्हा मी म्हातारा होतो
  तेव्हा मी ठेंगणा होतो,
  ओळखा पाहू मी कोण?
  – मेणबत्ती किंवा पेन्सिल

• लोक मला खाण्यासाठी विकत घेतात,
  पण ते मला कधीही खात नाहीत,
  ओळखा पाहू मी कोण?
  – प्लेट आणि चमचा

• प्रश्न असा आहे की उत्तर काय आहे?
  – दिशा

• एवढस कार्ट घर कसं राखतं?
  – कुलूप

• सुपभर लाह्या, त्यात एक रुपया?
  – चंद्र आणि चांदण्या

• पाटील बुवा राम राम,
  दाढी मिशा लांब लांब?
  – कणीस

• दोन बहिणी एकच रंगाच्या,
  घट्ट यांचे नाते एक बहिण हरवली तर
  दुसरी कामी न येते…
  – चप्पल

• अशी कोणती गोष्ट आहे
  जी पाणी पिल्याबरोबर नष्ट होते.
  – तहान

• अशी कोणती वस्तू आहे
  जी फ्रीज मध्ये ठेवूनही गरमच राहते.
  – गरम मसाला

• एका राजाची अद्भुत राणी,
  दमादमाने पिते पाणी
  – दिवा

• रंगाने काळी आहे,
  ती प्रकाशात दिसते पण अंधारात दिसत नाही
  मला सांगा की ते काय आहे?
  – सावली

• असे काय आहे जेव्हा आपण जागे असतो
  तेव्हा ते पण जागे राहतात,
  आपण झोपल्यावर ते ही झोपी जातात
  – पापण्या

• असं काय आहे जे पती पत्नीला देऊ शकतो?
  पण बायको आपल्या नवऱ्याला देऊ शकत नाही.
  – आडनाव

• चार खंडांचा एक शहर,
  चार विहीरी बीना पानी,
  18 चोर त्या शहरी 1 राणी,
  आला 1 शिपाई
  सगळ्यांना मारुन मारून विहीरीत टाकी…
  – कॅरम बोर्ड गेम

• दोन अक्षरी नाव आहे
  नेहमी सर्दी असते नाकावर
  कागद माझा रुमाल आहे
  काय माझे नाव आहे…?
  उत्तर – पेन

Web Title: Give strength to your intellect fight your luck and use your common sense read and solve this marathi kodi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com