‘५ लाख घ्या, पण भावाला वाचवा…’; भावाच्या डोळ्यांसमोर कांवडिया गंगेत बुडाला, हृदयद्रावक Video Viral

कांवड यात्रेदरम्यान उत्तराखंडच्या देवप्रयागमध्ये गंगेच्या प्रवाहात एक कांवडिया वाहून गेल्याची हृदयद्रावक घटना समोर आली आहे. भावाला वाचवण्यासाठी त्याच्या भावाने केलेली आर्त विनवणी कॅमेऱ्यात कैद झाली असून, या घटनेचा व्हिडिओ सोशल मीडियावर व्हायरल होत आहे.

• देवप्रयागमधील घाटावर गंगेत आंघोळ करताना कांवडिया अचानक पाण्याच्या जोरदार प्रवाहात अडकला.
• भावाला वाचवण्यासाठी मोठ्या भावाने घटनास्थळी उपस्थित लोकांकडे मदतीची आर्त विनवणी केली.
• अनेक प्रयत्नांनंतरही कांवडियाला वाचवता आले नाही; घटनेचा व्हिडिओ सोशल मीडियावर चर्चेत आहे.

कांवड यात्रेदरम्यान एक व्यक्ती गंगेच्या पाण्यात बुडाला आणि भाऊ त्याच्या मदतीसाठी विनवणी करु लागला. या हृदयद्रावक घटनेचा व्हिडिओ सध्या सोशल मिडियावर व्हायरल होत असून भावाची हतबदता पाहून अनेकांच्या अंगावर काटा आला आहे. उत्तराखंडच्या देवप्रयागमध्ये ही घटना घडून आली आहे. मागील काही काळापासून कांवड यात्रेसाठी देशाच्या कानाकोपऱ्यातून लोक गंगेचे पाणी घेण्यासाठी उत्तरांखंडमध्ये दाखल होत आहेत. आतापर्यं ४ करोड लोक गंगेचे पाणी घेऊन हरिद्वार येथे पोहचले असून दुसरीकडे एका भाविकांचा गंगेच्या पाण्यात बुडून मृत्यू झाला आहे. यादरम्यान पिडिताचा भाऊ मदतीसाठी हतबल होऊन विनवणी करु लागला ज्याचे दृष्य सोशल मिडियावर शेअर करण्यात आले आहे.

अगं बाईई! नंदी चालवतोय बाईक? कांवड यात्रेत शिवभक्ताचा अनोखा जुगाड पाहून यूजर्स झाले थक्क; Video Viral

माहितीनुसार, ही घटना शनिवारी देवप्रयागमधील एका घाटावर घडून आली. व्यक्ती नदीत आंघोळ करत असताना अचानक पाण्याच्या प्रवाहात अडकला. प्रवाह त्याला वाहून नेत असताना, त्याचा मोठा भाऊ काठावर उभा राहून मदतीसाठी ओरडत होता आणि लोकांना त्याला वाचवण्याची विनवणी करत होता. तो वारंवार ओरडत होता, “पाच लाख रुपये घ्या, पण कोणीतरी माझ्या भावाला वाचवा…”

व्हिडिओ व्हायरल

या घटनेचा व्हिडिओ सोशल मिडियावर शेअर करण्यात आला आहे ज्यात एक व्यक्ती भावाला वाचवण्यासाठी मदतीची मागणी करताना दिसला. व्हिडिओत तुम्ही पाहू शकता यात भावाची हतबलता दिसून येते. तरुण आपल्या लहान भावाला वाचवण्यासाठी धडपडत असल्याचे, रडत असल्याचे आणि लोकांना विनवणी करत असल्याचे दिसते. “पाच लाख रुपये घ्या, फक्त माझ्या भावाला पकडा, त्याला वाचवा,” असे तो हताशपणे सर्वांना सांगत होता. नदीचा प्रवाह खूप वेगवान होता. मदतीसाठी सर्व हाका आणि प्रयत्न करूनही, त्या कावडयाला वाचवता आले नाही आणि त्याचा पाण्यात बुडून मृत्यू झाला.

“Take ₹5 Lakh, Just Save My Brother…” A Brother’s Desperate Plea as Kanwariya Is Swept Away in the Ganga A heartbreaking video has emerged from Tondeswar Ghat in Devprayag, where a Kanwariya was reportedly swept away while bathing in the Ganga amid a strong monsoon current.… pic.twitter.com/okTEB0AuCd — Kumaon Jagran (@KumaonJagran) August 9, 2026

रेल्वे ट्रॅकवर अडकला होता अवजड ट्रक; भारतीय लष्कराचे जवान धावून आले अन् टळला मोठा अपघात; Video Viral

दरम्यान या घटनेचा व्हिडिओ @KumaonJagran नावाच्या एक्स अकाऊंटवर शेअर करण्यात आला आहे. व्हिडिओच्या कॅप्शनमध्ये घटनेची संपूर्ण माहिती देण्यात आली असून अनेक यूजर्सने यावर आपले मत व्यक्त केले आहे. यात एका यूजरने म्हटले की, “डोंगराळ भागाबद्दल कोणतीही माहिती नसताना मुसळधार पावसात तिथे जाऊन आनंद लुटणे, हा लोकांचा मूर्खपणा आहे”, दुसऱ्या युजरने लिहिले आहे, “आपण आयुष्याला इतके गृहीत का धरतो? पाण्याबाबत आणि त्यातून उद्भवणाऱ्या धोक्यांबाबत भारतीय लोक खूपच बेफिकीर आहेत. या प्रचंड प्रवाहांत एखादा उत्तम पोहणाराही बुडू शकतो. अगदी शांत वाटणारे पाणीही धोकादायक असते. ही दुर्दैवी बाब आहे”, आणखी एका यूजरने लिहिले आहे, “पावसाळ्यात नदीच्या वर्तणुकीची काहीही कल्पना नसलेल्या त्या गावढळ लोकांना वाटले की, हे सर्व केवळ एक थट्टा-मस्करी आहे”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.