एक Kiss अन् मृत्यूला बळी पडला व्यक्ती! किंग कोब्राचे चुंबन घेतानाच घडला अनर्थ प्रकार; घटनेचा चित्तथरारक Video Viral

Snake Bite Video : किंग कोब्राला किस करणं चांगलंच नडलं! तोंडातच मारला दंश अन् क्षणातच मृत्यूला पडला बळी. हरियाणातील या घटनेने सध्या सर्वांचाच थरकाप उडवून ठेवला आहे.

• व्यक्तीने किंग कोब्राला किस करु पाहिलं.
• कोब्राने लगेचच फणा काढला आणि तोंडावरच दंश केला.
• या घटनेत व्यक्तीचा जीव गेल्याचे वृत्त आहे.

जगातील सर्वात धोकादायक प्राण्यांपैकी एक म्हणजे किंग कोब्रा. जमिनीवर सरपटणारा हा प्राणी दिसायला लहान असला तरी त्याचा एक दंश आपल्याला मृत्यूच्या विळख्यात अडकवू शकतो. हा एक असा प्राणी आहे ज्याला पाहताच फक्त माणसंच नाही तर मोठमोठेही प्राणीही उलटे पाय धरुन पळू लागतात. अशातच अलिकडे सोशल मिडियावर एक नवीन व्हिडिओ शेअर करण्यात आला आहे ज्यात एक व्यक्ती किंग कोब्रासोबत धोकादायक स्टंट करताना दिसून आला. मुख्य म्हणजे हा स्टंट त्याला इतका महागात पडला की यात त्याला आपला जीवच गमवावा लागला. व्हिडिओमध्ये नक्की काय घडून आलं ते चला सविस्तर जाणून घेऊया.

कष्टाचं सोनं झालं! मेहनतीच्या पैशाने मुलाने घरी आणला पहिला फ्रिज, आई-वडिलांचा आनंद पाहून यूजर्स झाले भावूक; Video Viral

काय घडलं व्हिडिओत?

सदर घटना ही हरियाणातील कर्नाल येथे घडून आल्याचे सांगण्यात येत आहे. व्यक्तीला साप पकडण्याची आणि त्यांच्यासोबत खेळण्याची फार आवड होती. गावात कुठेही साप दिसला की, तो लगेच धावत जाऊन त्याला पकडायचा. यावेळीही तशीच परिस्थिती निर्माण झाली, पण यावेळी मात्र कोब्रा जास्तच घातक निघाला. सोशल मिडियावर वेगाने व्हायरल होत असलेल्या या व्हिडिओमध्ये आपण पाहू शकता यात, व्यक्ती कोब्राचे तोंड आपल्या तोंडात टाकताना दिसतो. दृष्य पाहून असे वाटते जणू तो किंग कोब्राचे चुंबनच घेत आहे आणि अशातच पुढे धक्कादायक घटना घडते.

कोब्राला काही व्यक्तीने त्याला पकडलेले आवडले नाही ज्यामुळे त्याने पुढच्याच क्षणी व्यक्तीच्या तोंडावरच त्याला जोरदार दंश केला. व्हिडिओमध्ये या दंशानंतर व्यक्ती नाॅर्मल दिसत असला तरी सांगण्यात येत आहे की काही वेळातच त्याची प्रकृती फार खालावली. कुटुंबियांनी त्याला रुग्णालयात दाखल केले पण इथेच त्याचा मृत्यू झाला. ही घटना आपल्याला शिकवते की स्वत:मधील साहस कधीही निरर्थक गोष्टीवर वाया घालवू नये. कधीकधी आपले हेच धैर्य आणि आपल्यावरचा अतिआत्मविश्वास आपल्या जीवास घातक ठरु शकतो.

See more

📍Karnal, Haryana: A man lost his life after attempting a dangerous stunt with a cobra, putting the snake’s head inside his mouth. The venomous snake bit him during the act, and the incident has gone viral on video. pic.twitter.com/md73uyeR4R — Deadly Kalesh (@Deadlykalesh) April 6, 2026

टक्करवर टक्कर! स्कॉर्पिओ गाड्यांनी लढले अनोखे युद्ध, मित्र भेटताच रस्त्यावर सुरु झाला अनोखा राडा; गुरुग्राममधील Video Viral

दरम्यान घटनेचा हा व्हिडिओ @Deadlykalesh नावाच्या एक्स अकाऊंटवर शेअर करण्यात आला आहे. व्हिडिओच्या कॅप्शनमध्ये घटनेची माहिती देण्यात आली असून व्हिडिओ इंटरनेटवर आता चांगलाच शेअर केला जात आहे. अनेक यूजर्सनेही व्हिडिओवर कमेंट करत घटनेवर आपल्या प्रतिक्रिया व्यक्त केल्या आहेत. एका यूजरने म्हटले की, “मूर्खपणाचे खेळ खेळाल, तर त्याचे परिणाम जीवघेणे ठरतील.”, दुसऱ्या युजरने लिहिले आहे, “खरंच!!! लोकांमध्ये इतक्या पातळीचा मूर्खपणा असतो?” आणखीन एका युजरने लिहिले आहे, “त्यांच्या मृत्यूने आता लोकांना शिकवण मिळेल”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.