समुद्राच्या तळाशी प्रेमाची कबुली, प्रियकराने अनोख्या अंदाजात प्रेयसीला केलं प्रपोज; Video Viral

Underwater Proposal Video : पाण्याखाली माशांच्या सानिध्यात तरुणाने प्रेयलीला अनोख्या अंदाजात केलं प्रपोज. याचा व्हिडिओ सध्या सोशल मिडियावर व्हायरल होत आहे.

• जेम्स वॉल्शने पाण्याखाली ‘Will You Marry Me?’ असा बोर्ड दाखवत प्रेयसीला लग्नाची मागणी घातली.
• या खास प्रपोजलसाठी लिंकनशायरमधील स्केगनेस ॲक्वेरिअममधील शार्क टँकची निवड करण्यात आली.
• प्रेयसीने होकार देताच दोघांनी पाण्याखाली एकमेकांना मिठी मारली. हा खास क्षण सोशल मीडियावर व्हायरल झाला.

प्रेम हे आता प्रेमापुरते मर्यादित राहिले नसून तुम्ही ते कशाप्रकारे व्यक्त करता हे देखील तितकेच महत्त्वाचे ठरत आहे. अलिकडे प्रेमाची कबुली देण्यासाठी एका प्रियकराने अनोखी शक्कल लावल्याचे दिसून आले. साधरणत: प्रेम व्यक्त करण्यासाठी लोक कँडल लाईट डिनर, गार्डन किंवा प्री बुक हाॅटेल्सची निवड करतात पण इथे व्यक्तीने समुद्राच्या तळाची निवड केली. होय, तुम्ही बरोबर ऐकलंत, व्हायरल व्हिडिओत तरुणाने चक्क पाण्याखाली जाऊन अंडर व्हाॅटर प्रपोज केल्याचे दिसून आले. त्याची ही अनोखी कल्पना यूजर्सना भारीच आवडली असूम सोशल मिडियावर याचे भरभरुन काैतुक केले जात आहे.

भक्तीची कमाल अन् अफलातून बॅलन्स! डोक्यावर देवीची मूर्ती ठेवून सायकलवर स्वार झाला तरुण; चकित करणारा Video Viral

इंग्लंडमधील बकिंगहॅमशायर येथील जेम्स वॉल्शने त्याची प्रेयसी पेज कुकला लग्नाची मागणी घालण्यासाठी जगातील सर्वात अनोख्या ठिकाणांपैकी एका ठिकाणाची निवड केली. फोटोत पाण्याखाली माशांच्या सानिध्यान त्याने WILL YOU MARRY ME असा बोर्ड हातात घेऊन प्रेयसीला प्रपोज केल्याचे दिसले. यासाठी त्य़ाने लिंकनशायरमधील स्केगनेस ॲक्वेरिअममधील (Skegness Aquarium) शार्क टँकची निवड केली . माहितीनुसार, १० सप्टेंबर रोजी हे आगळे-वेगळे प्रपोजल करण्यात आले. जेम्सने ॲक्वेरिअममधील कर्मचाऱ्यांमा आधीच याची माहिती दिली होती. ते दोघे वेटसूट आणि स्कूबा गियर घालून पाण्यात पोहत असताना जेम्सने हातात एक बोर्ड घेऊन पेज कुकला माझ्याशी लग्न करशील का असे म्हटले. पेज कुक याने खुश झाली आणि तिने लगेच हो असे उत्तर दिले. त्यानंतर त्या दोघींनी पाण्याखाली एकमेकींना मिठी मारली, ज्यामुळे तो क्षण आणखीनच अविस्मरणीय ठरला.

See more

 

अंत्यसंस्कार सुरू असतानाच जळत्या चितेत अचानक झाला भयंकर स्फोट, थरारक Video Viral

हा व्हिडिओ सोशल मिडियावर चांगलाच व्हायरल असून तरुणाच्या अनोख्या प्रपोजलचे यूजर्सने काैतुक केले आहे. हा व्हिडिओ @Skegness Aquarium नावाच्या फेसबुक अकाऊंटवरुन शेअर करण्यात आला आहे. अनेक यूजर्सने व्हिडिओवर कमेंट्स करत यावर आपल्या प्रतिक्रिया व्यक्त केल्या आहेत. यात एका यूजरने म्हटले की, “व्वा, म्हणजे त्याने फिश टँकमध्ये जाऊन प्रपो केलं”, दुसऱ्या युजरने लिहिले आहे, “मासेही म्हणत असेल देवा हे काय काय बघाव लागतंय”, आणखी एका यूजरने लिहिले आहे, “हे जरा जास्तच अनोखं प्रपोजल होतं”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.