शेवटी आईच ती…! पिल्लाच्या भेटीसाठी कासाविस झाली मांजर, भिंतीवरुन खाली कोसळली अन् तिची धडपड पाहून यूजर्स झाले भावूक

आईच्या मायेपुढे कोणतीही अडचण मोठी नसते. पिल्लाला भेटण्यासाठी एका आई मांजरीने केलेली जीवाची धडपड पाहून यूजर्स भावूक झाले. व्हिडिओ चीनमधून समोर येत असून यातील दृष्यांनी यूजर्सना भावूक केलं आहे.

• पिल्लांना भेटण्यासाठी आई मांजरीने उंच भिंत चढण्याचा वारंवार प्रयत्न केला.
• अनेकदा खाली पडूनही तिने हार मानली नाही; उपस्थित लोकांनीही तिची मदत केली.
• आईच्या मायेचा हा भावूक व्हिडिओ सोशल मीडियावर लाखो लोकांची मने जिंकत आहे.

असं म्हणतात या जगात आई इतकं निस्वार्थी प्रेम कुणीही करु शकत नाही. जन्मापासून मुलाची आईसोबत नाळ जोडली जाते. मुलाला साधं खरचटलं तरी पहिली आईच असते जिचा जीव तिच्या मुलाच्या काळजीसाठी कासाविस होतो. मुलावर कोणते संकट जरी ओढवले तरी आईच असते जी सर्व संकटांमधून मुलाला सुखरुप बाहेर काढते. आईचे हे प्रेम फक्त माणसांमध्येच नाही तर प्राण्यांमध्येही पाहायला मिळते. अलिकडे यासंबंधित एक व्हिडिओ सोशल मिडियावर शेअर करण्यात आला असून व्हिडिओतील दृष्यांनी यूजर्सना भावूक केलं आहे. चला व्हिडिओत नक्की काय घडलं ते सविस्तर जाणून घेऊया.

यमराज सुट्टीवर गेले का? जंगलात सिंहांच्या कळपातून साधू बिनधास्त चालत गेला, निडरता पाहून जंगलाचा राजाही थबकला; Video Viral

काय घडलं व्हिडिओत?

माहितीनुसार, हा व्हिडिओ चीन येथून समोर येत आहे. व्हिडिओमध्ये, एक मांजर आपल्या पिल्लांपर्यंत पोहोचण्यासाठी एक उंच विटांच्या भिंतीवर चढण्याचा प्रयत्न करताना दिसते. भिंत फार उंच असल्याने तिला भिंत चढण्यात फार त्रास होत असतो. मांजर अनेकदा भिंतीवर चढते, काहीसा घसरुन खाली पडते पण तरीही आपली जिद्द ती हरत नाही. बाळाच्या भेटीसाठी हिरकणीने ज्याप्रकारे रायगडावरील कडा उतरला, अगदी त्याचप्रमाणे मांजरही आपल्या पिल्लाच्या भेटीसाठी भिंतीवर चढताना दिसते. तिची धडपड पाहून तिथे उपस्थित लोकही मांजरीची मदत करण्यासाठी जवळ येतात.

व्हिडिओमध्ये, मांजर पूर्ण ताकदीने भिंत चढताना दिसत आहे. अनेकदा ती भिंतीवर चढते पण हलक्याश्या फरकाने तिचा तोल ढालळतो आणि ती खाली पडते. असे असूनही, ती हार मानत नाही आणि पुन्हा पुन्हा प्रयत्न करु लागते. खाली उभे असलेले काही लोक तिला इजा होऊ नये म्हणून एक मोठे ब्लँकेट धरून ठेवतात जेणेकरुन ती खाली पडलीच तर त्या ब्लँकेटवर पडेल. मांजरीचा हा प्रयत्न अखेर यशस्वी झाला की नाही तिची तिच्या पिल्लासोबतची भेट तर व्हिडिओत दाखवण्यात आली नाही पण व्हिडिओतील तिची धडपड पाहून यूजर्सचे डोळे भरुन आले आहेत.

बिल्ली अपने बच्चों तक पहुँचने के लिए ऊँची दीवार पर चढ़ गई। एक दिल दहला देने वाला सीन वायरल हो गया है, जिसमें एक बिल्ली बार-बार गिरती रही। फिर भी वह दूसरी तरफ अपने बच्चों तक पहुँचने के लिए ऊँची ईंट की दीवार पर चढ़ने की कोशिश करती रही। राहगीर नीचे एक बड़ा कंबल पकड़े खड़े थे और… pic.twitter.com/A7rOGwXZJM — Sidd (@SirAbdullahSidd) August 6, 2026

‘१० मिनिटं माझे बाबा व्हाल का?’ चिमुकल्याने रायडरकडे केली अनोखी मागणी, कारण ऐकून यूजर्सच्या डोळ्यात आले अश्रू; Video Viral

शेवटी आईच असते जी आपला जीव धोक्यात घालून मुलाचे रक्षण करते. याचे जिवंत उदाहरण आपल्याला आताच्या व्हिडिओतही पाहायला मिळेल. हा व्हिडिओ @SirAbdullahSidd नावाच्या एक्स अकाऊंटवर शेअर करण्यात आला आहे. व्हिडिओला आतापर्यंत ६६ लाखाहून अधिकचे व्यूज मिळाले असून अनेकांनी व्हिडिओतील दृष्यांवर आपले मत व्यक्त केले आहे. एका यूजरने म्हटले की, “आई मुलासाठी योद्धाच असते”, दुसऱ्या युजरने लिहिले आहे, “आईचं प्रेम असं असतं की ती आपल्या मुलासाठी कोणत्याही थराला जाऊ शकते”, आणखी एका यूजरने लिहिले आहे, “आपल्या ध्येयाच्या जवळ जाऊन ती अपयशी ठरत आहे”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.