Nagpur Accident : वाढदिवसाच्या पार्टीला जात होते, वाटेतच मृत्यूने दिली भेट, अपघाताचा थरारक Video Viral

Nagpur Accident Video : नागपुरात घडलेल्या भीषण कार अपघाताचा व्हिडिओ सध्या सोशल मीडियावर व्हायरल होत आहे. वाढदिवसाच्या पार्टीसाठी निघालेल्या तिघा मित्रांच्या प्रवासाला अचानक धक्कादायक वळण लागले आणि घटनेचे संपूर्ण दृष्य जवळील सीसीटीव्ही कॅमेरात कैद झाले.

• पहाटेच्या सुमारास घडलेल्या या अपघाताचा थरारक क्षण CCTVमध्ये कैद झाला.
• मोकळ्या रस्त्यावर काही सेकंदांतच परिस्थिती बदलली अन् मोठा अपघात झाला.
• घटनेनंतर पोलिसांकडून प्रकरणाचा तपास सुरू करण्यात आला आहे.

१२ ऑगस्ट २०२६ रोजी नागपूरमध्ये एक भीषण अपघात घडून आला. या अपघातात दोन मित्रांचा जागीच मृत्यू झाला असून एक मित्र गंभाररित्या घायाळ असल्याची माहिती समोर येत आहे. वाढदिवसाच्या पार्टीसाठी तिघेही गाडीतून प्रवास करत होते पण वाटेतच दोघांचा मृत्यू झाला. माहितीनुसार, गाडीवरील नियंत्रण सुटल्याने कार रस्त्याच्या कडेला उभ्या असलेल्या ट्रकला जाऊन धडकली ज्यात दोघांचा मृत्यू तर एक जखमी झाला. सकाळी ५ वाजताच्या सुमारास ही घटना घडली. घटनेचे दृष्य रस्त्यावरील सीसीटीव्ही कॅमेरात कैद झाले असून हे फुटेज आता सोशल मिडियावर चांगलेच व्हायरल होत आहे. चला सविस्तर माहिती जाणून घेऊया.

तोंडाने काढला गाडीचा आवाज अन् बनला ड्रायव्हिंग लायसन्स! अफगाणीस्तानच्या ड्रायव्हिंग टेस्टचा Video Viral

काय आहे प्रकरण?

नागपूरच्या कलमना पोलीस ठाण्याच्या हद्दीतील भारतवाडा चौकाजवळ संपूर्ण प्रकार घडून आला. तिन्ही मित्र एका एका इलेक्ट्रिक कारमधून प्रवास करत होते. याचा व्हिडिओ @motordave2 नावाच्या एक्स अकाऊंटवर शेअर करण्यात आला आहे ज्यात आपल्याला अपघाताचा संपूर्ण घटनाक्रम पाहायला मिळेल. व्हिडिओमध्ये आपण पाहू शकता यात भरधाव वेगाने जाणारी गाडी दिसते. रस्ता मोकळा असतो आणि रस्त्याच्या कडेला एक ट्रक उभा असतो. अशात काही सेकंदातच वेगाने धावणारी गाडी ट्रकच्या दिशेने जाते आणि ट्रकला जोरदार धडक देते. धडक इतकी जोरदार होती की कार उलटली आणि तिचे मोठ्या प्रमाणावर नुकसान झाले. इंटरनेटवर सध्या या घटनेचे दृष्य वेगाने शेअर केले जात आहे.

Nagpur 🚨⚠️ Tata Curvv EV, driven by “minors” (16 & 17 year old)…overspeeding around 5:30am on curve with loose sand/mud…lost control, rear ended parked lorry…2 dead, 1 injured.@DriveSmart_IN @RSGuy_India pic.twitter.com/VdFlFntMTL — Dave (Road Safety: City & Highways) (@motordave2) August 13, 2026

अचानक डोंगराचा कडा कोसळला अन् बसवर आदळला भलामोठा दगड; VIDEO पाहून अंगावर शहारे येतील

विना परवाना गाडी चालवत होता…

प्राथमिक तपासात समोर आलं आहे की, गाडीत प्रवास करणारे तिन्ही मित्र हे अल्पवयीन होते. सांगितले जात आहे की, गाडी चालवणारा मिहिर (वय १७ वर्षे) गंभीररित्या जखमी असून रुग्णालयात त्याच्यावर उपचार सुरु आहेत. गाडी चालवण्याचा परवाना नसतानाही तो गाडी चालवत होता. गाडीवरील नियंत्रण हटले आणि हा सर्व प्रकार घडून आला. भौमिक लारोकर (वय १६ वर्षे) आणि संजय मेलवाणी (वय १७ वर्षे) यांचा या अपघातात मृत्यू झाला आहे. पोलिस सध्या प्रकरणाचा तपास करत असून लवकरच पुढील कायदेशीर कारवाई केली जाईल. या घटनेमुळे मृत्यू पावलेल्या दोन्ही अल्पवयीन मुलांच्या कुटुंबावर शोककळा पसरली आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.