‘करवा चौथ’ चे व्रत विवाहित महिला आपल्या पतीच्या दीर्घायुष्यासाठी करतात. मात्र काल करवा चौथच्या दिवशीच एका पत्नी समोर पतीचं आणि त्याच्या प्रेयसीचं लफडं समोर आलं आहे.
गाझियाबाद येथे ही घटना घडली. विवाहित महिला खरेदीसाठी आपल्या आई सोबत बाजारात गेली होती. त्याच ठिकाणी या महिलेचा पती आपल्या गर्लफ्रेंडला घेऊन करवा चौथच्या शॉपिंगला गेला होता. विवाहित महिलेने बाजारात पती आणि त्याच्या प्रेयसीला पहिले आणि मग बाजारात एकच गोंधळ सुरु झाला. आईसोबत खरेदी करण्यासाठी आलेल्या पत्नीने तिच्या इतर बहिणींना देखील बोलावले पती आणि प्रेयसीला जबर मारहाण केली. ही माहिती मिळाल्यानंतर पोलीस घटनास्थळी पोहोचले आणि त्यांनी पतीला अटक केली, तर प्रेयसीला इशारा देऊन सोडून देण्यात आले आहे.
गाजियाबाद तुराब नगर मार्केट में करवा चौथ पर प्रेमिका को शॉपिंग कराने आया था पति पीछे से पहुंची पत्नी ने बरसाई चप्पल!#Ghaziabad @Uppolice@JavedMustafa_ @Live_Gyan pic.twitter.com/WAauq6IKVy
— SURAJ KUMAR (@surajkumarmahak) October 13, 2022
पोलिसांनी दिलेल्या माहितीनुसार, गाझियाबाद (गाझियाबाद) येथील सिहानी चुंगी भागातील कौशल नगरमध्ये राहणाऱ्या विवाहित महिलेचा विवाह प्रताप नावाच्या तरुणाशी ४ मार्च २०१७ रोजी झाला होता. काही दिवसानंतर या जोडप्यामध्ये वाद झाला, त्यानंतर पत्नी आपल्या माहेरी गेली आणि तिच्या कुटुंबीयांसोबत राहू लागली. पत्नीने दिलेल्या माहितीनुसार, गेल्या ३ वर्षांपासून ती आपल्या मुलासोबत आपल्या माहेरी राहत आहे. तिने घरगुती हिंसाचाराच्या आरोपाखाली तिने पतीविरोधात गुन्हा दाखल केला आहे.
पत्नीने पोलिसांना सांगितले की, ती आपल्या आईसोबत तुराबनगर बाजारात खरेदी करण्यासाठी आली होती. तिने आपल्या नवऱ्याला आपल्या गर्लफ्रेंडसोबत बाजारात करवा चौथची (Karva Chauth) खरेदी करताना पाहिलं. त्याला पाहताच तिने आपल्या पतीला पकडले. यानंतर आई आणि बहिणींसोबत मिळून तिने पती आणि प्रेयसीला बेदम मारहाण केली. सध्या हा घटनेचा व्हिडीओ सोशल मीडियावर व्हायरल होत आहे.
.png "Videos"){kind=small}
