Perseid Meteor Shower 2026: आकाशात होणार उल्कांचा वर्षाव! तासाभरात दिसणार तब्बल १०० उल्का, जाणून घ्या तारीख

आकाशप्रेमींसाठी ऑगस्ट महिन्यात खास पर्वणी असणार आहे. पर्सेइड उल्कावर्षावाचा अद्भुत नजारा १२ ऑगस्टच्या रात्रीपासून १३ ऑगस्टच्या सकाळपर्यंत पाहता येणार असून, निरभ्र आकाशात तासाभरात अनेक उल्का दिसू शकतात.

• १२ ऑगस्टची रात्र उल्कावर्षाव पाहण्यासाठी खास मानली जात आहे.
• अमावस्येमुळे चंद्रप्रकाश कमी असल्याने उल्का अधिक स्पष्ट दिसण्याची शक्यता आहे.
• लडाख, स्पिती व्हॅली आणि थर वाळवंटासारखी कमी प्रकाशप्रदूषणाची ठिकाणे यासाठी उत्तम मानली जातात.

रात्रीच्या अंधारात आकाशातून अचानक जाणाऱ्या उल्कांच्या रेषा पाहणे हा एक वेगळा अनुभव असतो. लहानपणापासून ते मोठे होईपर्यंत आजही आकाशात हे दृष्य दिसले की आपली नजर त्याकडे खिळून राहते. या वर्षीचा पर्सेइड उल्कावर्षाव खगोलशास्त्रज्ञांसाठी फास खास मानला जात आहे. नासाच्या रिपोर्टनुसार, हा उल्कावर्षाव स्विफ्ट-टटल धूमकेतूच्या अवशेषांपासून तयार होतो, जे पृथ्वीच्या वातावरणात प्रवेश करताच जळू लागतात. यादरम्यान प्रकाशाच्या काही खास रेषा तयार होतात ज्यांना उल्का असं म्हटलं जातं. रॉयल ॲस्ट्रॉनॉमिकल सोसायटीच्या डॉ. बेकी स्मेथर्स्ट यांनी वर्षातील सर्वोत्तम खगोलशास्त्रीय रात्रींपैकी एक असे याचे वर्णन केले आहे.

भाईंदर-नायगाव रेल्वे पुलावर जीवघेणा स्टंट; वरून धावते रेल्वे अन् पुलाखाली तरुणांचा नको तो प्रकार, व्हायरल VIDEO ने खळबळ

नासाच्या मते, खगोलशास्त्रज्ञ जिओव्हानी शियापारेली यांनी १८६५ मध्ये या धूमकेतूला पर्सेइड्स उल्कावर्षावाचा स्रोत असे म्हटले होते. या धूमकेतूची शोध १८६२ मध्ये लुईस स्विफ्ट आणि होरेस टटल यांनी लावला होता. याला सूर्याचा एका फेरा पूर्ण करायला तब्बल १३३ वर्षांचा कालावधी लागतो आणि १९९२ मध्ये त्याने शेवटची सूर्यमालेच्या आतील भागाला भेट दिली होती.

लक्षात घ्या, उल्का-वर्षा स्विफ्ट-टटल (Swift-Tuttle) हा धूमकेतूने मागे सोडलेल्या अवशेषांमुळे होतो. याचे क्रेंद्र फार मोठे असते आणि याचा व्यास १६ मील (२६ किमी) इतका असतो. यावेळी १२ ऑगस्टच्या रात्रीपासून ते १३ ऑगस्टच्या सकाळपर्यंतचा काळ पीक नाइट्स म्हणून ओळखला जातो. हा काळ उल्का वर्षाव पाहण्यासाठी एकदम सर्वोत्तम मानला जातो. यावेळी चंद्र अमावस्येत असेल ज्यामुळे आकाशावर संपूर्णपणे काळ्या रंगाची चादर पसरलेली पाहायला मिळेल. याकाळात तुम्हाला हलके तारे देखील चमकताना सहज दिसू शकतात. सांगितले जात आहे की, याकालात भरपूर उल्कापिंड दिसून येणार आहेत.

जर तुमचे नशीब चांगले असले आणि हवामान निरभ्र असेल, यासोबतच जर तुम्ही पोल्युशन फ्रि परिसरात राहत असाल तर तुम्हाला एका तासात ५० ते १०० हून अधिक उल्का दिसू शकतात. यावर्षी त्यांना पाहण्यासाठी परिस्थिती फार अनुकूल आहे कारण त्यावेळी अमावस्या असणार आहे, म्हणजेच चंद्राचा प्रकाश नसणार आहे ज्यामुळे उल्का सहजपणे दृष्यमान होऊ शकतात.

‘५ लाख घ्या, पण भावाला वाचवा…’; भावाच्या डोळ्यांसमोर कांवडिया गंगेत बुडाला, हृदयद्रावक Video Viral

उल्का पाहण्यासाठी भारतातील सर्वोत्तम ठिकाणे

उल्का पाहण्यासाठी निरभ्र आकाश अनुकूल मानले जाते. भारतात हानले, लडाख, उंच प्रदेशातील पर्जन्यछायेचे प्रदेश , स्पिती व्हॅली आणि राजस्थानमधील थर वाळवंटाचा शुष्क विस्तार ही ठिकाणे उल्का पाहण्यासाठी सर्वाेत्तम मानले जातात.