Raigad News: दुष्काळावर मात करण्यासाठी ग्रामस्थांचा पुढाकार; पेणच्या पाबळ खोऱ्यात उभारले ६० ते ७० फुटांचे बंधारे

सरकारी योजनांची वाट न पाहता ग्रामस्थ आता सरसावले आहेत. पेणच्या पाबळ खोऱ्यात गावकऱ्यांनी ६० ते ७० फुटांचे बंधारे उभारले आहेत. पाणीटंचाई रोखण्यासाठी साकव संस्थेने पुढाकार घेतला आहे.

• सिमेंट गोणींचा वापर करून नदी पात्रात बंधारे बांधण्याचा निर्णय
• बंधारे बांधण्याचे काम जोरदार सुरू
• चाफेगणी येथे सुमारे ६० ते ७० फूट लांबीचे मजबूत बंधारे बांधून पाणी अडविले

पेण: पेण तालुक्यातील पाबळ खोरे हे नदी नाले व डोंगर खोऱ्याने वेढलेला परिसर आहे असून येथे मोठ्या प्रमाणात आदिवासी व कुणबी समाज परंपरागत राहत आलेला आहे. या खोऱ्यात वाघेरा तसेच काकण कोंड व मोहाडीच्या पायथ्यापासून वाहत येणारी नदी असून या तीन नद्या पुढे निगडा नदीच्या स्वरूपात अंबा नदीला म्हणजेच धरमतर खाडीला मिळतात.

Chandrapur News: पतंग उडवताना सावधान! नायलॉन मांजा वापरल्यास २५ हजारांचा दंड; चंद्रपूर जिल्हाधिकाऱ्यांचा मोठा निर्णय

महाराष्ट्रात अनेक जिल्ह्यात दुष्काळाचे सावट

सध्या महाराष्ट्रात अनेक जिल्ह्यात दुष्काळाचे मोठे सावट आहे. शासनाने पाणी जपून वापरण्याबरोबर पाणी आडवा पाणी जिरवा हे आवाहन केले आहे, या आवाहनाला प्रतिसाद देत साकव संस्थेने येथील गाववाड्यांमध्ये अरुण शिवकर यांच्या मार्गदर्शनाखाली बैठका घेऊन वाहत येणाऱ्या मोठ्या नाले व नद्यांचे पात्र सिमेंट गोणींचा वापर करून नदी पात्रात बंधारे बांधण्याचा निर्णय घेतला असल्याचे साकव संस्थेचे अध्यक्ष पांडुरंग तुरे यांनी सांगितले.

संपूर्ण खोऱ्यामध्ये पाणीच पाणी

पूर्वी शासनाची रोजगार हमी योजना कार्यान्वित होती तसेच नव्याने आलेल्या रामजी योजनेत मध्येदेखील हे काम अंतर्भूत नसल्याने आदिवासींचे शिष्टमंडळ ज्ञानेश्वर शिर्के, सुभाष मांडवकर, काशिनाथ पारधी व खूमा दोरे तसेच उमेश दौरे यांच्या नेतृत्वाखाली जे एस डब्ल्यू कंपनीचे सीएसआर प्रमुख तेलंग यांना भेटले व त्यांनी त्यांच्यापुढे बंधारे बांधण्याची योजना ठेवली त्यांनी त्याचा योग्य विचार करून ही योजना मंजूर करून घेतली. त्यानुसार बंधारे बांधण्याचे काम जोरदार सुरू असून पूर्ण खो-यामध्ये पाणीच पाणी झालेले आहे.

कामाची पाहणी होणार

या कामाची माहिती जिल्हा परिषद कृषी सभापती वैकुंठ शेठ पाटील त्याचबरोबर माजी खासदार धैर्यशील दादा पाटील तसेच उपविभागीय अधिकारी मा. प्रवीण पवार व तहसीलदार मा शेजळ साहेब व तालुका कृषी अधिकारी वाडकर यांना कळविले आहे. लवकरच या प्रतिनिधींचा दौरा पाबळ खोऱ्यातील साकव संस्थेने साकार केलेल्या बंधारे बांचा व या दृष्टीकोन निवारणासाठी केलेल्या कामाची पाहणी करणार आहेत.

Mumbai Local case: महिलांचा रेल्वे प्रवास सुरक्षित कधी होणार? नायगावच्या घटनेनंतर महिला सुरक्षेचा मुद्दा ऐरणीवर

६० ते ७० फूट लांबीचे मजबूत बंधारे बांधून पाणी अडविले

त्याप्रमाणे वरप ग्रामपंचायत क्षेत्रातील धायरवाडी, बोरीचा माळ, पाहिरमाळ, चिचदाडी व पाबळ ग्रामपंचायत क्षेत्रातील जांबोशी, कोंडवी, बरडावाडी, पाबळ व जीर्ण खोऱ्यातील चाफेगणी येथे सुमारे ६० ते ७० फूट लांबीचे मजबूत बंधारे बांधून पाणी अडविले आहे, दुसऱ्या टप्यात झापडी मोहाडी गवळवाडी उसर कुरनाड येथे बंधारे बांधले जाणार आहेत त्याप्रमाणे जोरदार तयारी सुरू असल्याचे उमेश दोरे व गजानन भोईर या कार्यकत्यांनी सांगितले. निर्धारित योजनेला प्रत्येक गावच्या वाड्यांच्या प्रमुखांनी व ग्रामस्थांनी चांगली साथ दिली आहे.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)