‘सिंघम’ स्टाईलमध्ये पोलिसांची ॲक्शन! गुटखा तस्करांच्या कारच्या छतावर लटकत केला थरारक पाठलाग; Video Viral

Video Viral : तामिळनाडूमध्ये प्रतिबंधित गुटख्याची तस्करी करणाऱ्या आरोपींना पकडण्यासाठी पोलिसांनी थरारक पाठलाग केला. आरोपींच्या कारच्या छतावर लटकून हेड कॉन्स्टेबलने तब्बल ३० किलोमीटर प्रवास केला. या घटनेचा VIDEO सोशल मीडियावर व्हायरल होत आहे.

• गुटखा तस्करांच्या कारच्या छतावर लटकून पोलिसांचा ३० किमी थरारक पाठलाग
• आरोपींची कार चारही बाजूंनी घेरून पोलिसांनी केली कारवाई
• कारमधून १७० किलो गुटखा जप्त; VIDEO सोशल मीडियावर व्हायरल

रविवारी सकाळी कोची-सालेम राष्ट्रीय महामार्गावर एका बाॅलिवूड थ्रिलर चित्रपटात घडून यावा असा सीन सत्यात घडताना दिसून आला. कोयंबतूरमधील कोविलपलायम पोलीस ठाण्याचे हेड कॉन्स्टेबल एम. वेलमुरुगन यांनी कर्नाटकातून तामिळनाडूमध्ये प्रतिबंधित गुटख्याची तस्करी करणाऱ्या टोळीला पकडण्यासाठी शर्यतीची मेहनत घेतली. आपल्या जीवाची पर्वा न करता ते आरोपींच्या कारच्या छतावर जाऊन चढले आणि साधरण ३० किमीपर्यंत त्यांनी लटकतच गाडीचा पाठलाग केला. या चित्तथरारक दृष्यांचा व्हिडिओ आता सोशल मिडियावर शेअर करण्यात आला असून व्हिडिओ इंटरनेटवर चांगलाच चर्चेत आहे. चला सविस्तर माहिती जाणून घेऊया.

सीटवर डोकं तर हवेत पाय… सायकलस्वाराने भररस्त्यात करुन दाखवला अनोका कर्तब, पाहून यूजर्स अवाक्; Video Viral

काय घडलं व्हिडिओत?

सदर घटना ही रविवारी ५.४५ ते ६.३० वाजताच्या सुमारास घडली. उपनिरीक्षक व्ही. विग्नेश आणि हेड कॉन्स्टेबल वेलमुरुगन यांचा समावेश असलेले एक पथक विलांकुरिची आणि कलापट्टी दरम्यान वाहनांची तपासणी करत होते. यादरम्यान बंगळूरहून येणाऱ्या एका संशयास्पद कारला रस्त्यातच थांबवण्यात आले. पोलिस गाडीची झडती घेत असताना आरोपींना त्यांना दूर ढकलले आणि गाडी सुरु करत ते फरार झाले. यावेळी आरोपींना पकडण्यासाठी कॉन्स्टेबल वेलमुरुगन यांनी गाडीवर चढून आरोपींचा पाठलाग करण्याचा निर्धार बनवला. रस्त्यावर सुरु असलेला हा थरार इतर चालकांनी पाहिला आणि त्यांनी हे दृष्य आपल्या फोनच्या कॅमेरात कैद करण्यास सुरुवात केली.

🚨 COP RIDES ON TOP OF MOVING CAR DURING 40-KM CHASE IN COIMBATORE Kovilpalayam Police chased a car for nearly 40 km after receiving information about suspected smugglers travelling through the Vilankurichi area. During the pursuit, a policeman reportedly climbed onto the roof… pic.twitter.com/ecVxLbPS5L — contentkikamii (@contentkikamii) September 27, 2026

‘किस’ करायला गेला अन् ‘रिजेक्ट’ झाला! किंग कोब्राने तरुणाला दाखवला ‘ठेंगा’; VIDEO पाहून नेटकरी हसून हसून बेजार!

सुमारे ३० किलोमीटरपर्यंत सुरु असलेला हा थरार तिरुप्पूर सीमेजवळील थेक्कलूर येथे संपला. घटनेची माहिती मिळताच रुग्णवाहिका आणि पोलिसांच्या अन्य गाड्यांनी आरोपीच्या गाडीचा पाठलाग करण्यास सुरुवात केली. पोलिस आणि रुग्णवाहिका चालकांनी कारला चारही बाजूंनी घेरले ज्यानंतर आरोपींनी आत्मसमर्पण केले. पळण्याचा प्रयत्न करत असताना दोन आरोपींच्या हाताला फ्रॅक्चर झाला. पोलिसांनी तब्बल १७० किलोग्रॅमचा माल गाडीतून जप्त केला असून आरोपींवर कायदेशीर कारवाई केली जाणार आहे.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.