लवकरच मोठं संकट ओढवणार? Viral Video मध्ये असं काय दिसलं ज्याने संपूर्ण इंटरनेट हादरलं…

इस्रायलमधील तेल अवीव येथे आकाशात हजारो कावळ्यांचा थवा एकत्र घिरट्या घालत असल्याचा व्हिडिओ सोशल मीडियावर व्हायरल झाला आहे. या विचित्र दृश्यामुळे लोकांमध्ये भीती आणि विविध तर्कवितर्क पसरले आहेत.

• अझिएली टॉवर्सभोवती हजारो कावळे घिरट्या घालताना दिसले.
• या दृश्याचा व्हिडिओ इंटरनेटवर व्हायरल होऊन लाखो लोकांनी पाहिला.
• अनेकांनी याला येणाऱ्या संकटाचे किंवा धार्मिक संकेताचे चिन्ह मानले आहे.

इराण इस्रायलमध्ये होत असलेला युद्धाचा परिणाम संपूर्ण जगावर होत असल्याचे दिसून येत आहे. दोन्ही देशांचे यात मोठे नुकसान झाले असून अलिकडेच इस्रायलची राजधानी तेल अवीवमधील एक दृष्य सोशल मिडियावर शेअर करण्यात आले आहे. मंगळवारी याचा व्हिडिओ इंटरनेटवर शेअर करण्यात आला आणि तो लगेचच व्हायरल झाला. व्हिडिओमध्ये, आकाशात हजारो कावळ्यांचा थवा अचानक एकाच जागी घिरट्या घालत होता. प्रसिद्ध अझिएली टॉवर्ससारख्या उंच इमारतींभोवती हजारो कावळ्यांनी वेढा घातल्याचे पाहून संपूर्ण दृष्याला एक नाट्यमय स्वरुप मिळाले. अनेकांनी हे दृष्य आपल्या फोनच्या कॅमेरात कैद केले. व्हिडिओ व्हायरल होताच आता अनेकांनी हे दृष्य येणाऱ्या आपत्तीचा इशार असल्याचे म्हटले. इंटरनेटवर याला ‘महाविनाशाचे चिन्ह’ म्हणून संबोधले जात असून, लोक महाविनाशाच्या शक्यतेने पूर्णपणे भयभीत झाले आहेत. लोकांमध्ये भीती आणि तर्कवितर्काचे वातावरण पसरले आहे.

तलावात डुबकी मारताच अजगराने व्यक्तीच्या शरीराला वेढले, गळ्याभोवती घातला पिंगा अन्… घटनेचा थरारक Video Viral

आकाशात कावळ्यांचा थवा अस्वस्थ होऊन घिरट्या मारत आहे हे पाहून अनेकांनी याला धोक्याचे चिन्ह असल्याचे म्हटले तर काहीजण याला प्रलयपूर्वीची चेतावणी असल्याचे संबोधत आहेत. काहींचा तर असा विश्वास आहे की, याचा संबंध धार्मिक भविष्यवाण्यांशी जोडलेला आहे. बायबलच्या बुक ऑफ रेवोलुशन १९:१७ चा संदर्भ देत काहींनी तर असा दावा केला की, आकाशात सूर्यामध्ये उभा असलेला देवदूत पक्ष्यांना बोलावत आहे. त्यांना एक ठिकाणी बोलवून ‘देवाच्या महान मेजवानीत’ सहभागी होण्यास सांगत आहे.

See more

Footage showing thousands of crows flying across the Tel Aviv skyline is going viral! This is considered by many to be a “harbinger of doom” as it is often followed by total catastrophe. An extremely rare sight that no country ever wants to see. pic.twitter.com/F5iqHHYgNO — The AI Robot Guy on X (@HousebotGuy) March 25, 2026

रस्त्यावर रोमान्स करणं पडलं महागात! किस करताना तोला गेला अन् थेट पडले खड्ड्यात; VIDEO पाहून नेटकऱ्यांना हसू आवरेना

तर अनेक प्रत्यक्षदर्शीनी या भयावह दृश्याला इस्रायलमधील सध्याच्या परिस्थितीशी जोडले आहे, जिथे इराणसोबत तणाव सुरू आहे, आणि असा युक्तिवाद केला आहे की हे दृश्य एका येऊ घातलेल्या आपत्तीची पूर्वसूचना आहे. व्हिडिओमध्ये गडद आकाशात भल्यामोठ्या इमारतींच्या वर कावळ्यांचा थवा घिरट्या मारताना दिसून येत आहे. त्यांच्या प्रचंड स्थलांतराचे प्रमाण पाहून रहिवासी आणि प्रत्यक्षदर्शी थक्क झाले.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.