मृत्यूचा थरार! तीन मैत्रिणींना कसे ओढले जाळ्यात एकदा पहाच, थरकाप उडवणारा Video Viral
मृत्यू ही एक अशी गोष्ट आहे जी माणसाच्या हातात नाही. आपला मृत्यू कधी आपल्याला समोर येऊन उभा राहील ते सांगता येत नाही. अशात कोणतीही गोष्ट करताना विशेष सावधांगीरी बाळगणे फार गरजेचे असते. सोशल मीडियावर आजवर असे अनेक व्हिडिओज व्हायरल झाले आहेत, ज्यात आपल्याला मृत्यूचा थरारक खेळ पाहता आला आहे. आपापली एक चूक आपल्याला मृत्यूच्या दारी पोहचवू शकते याचेच उत्तम उदाहरण तुम्ही आजच्या या व्हायरल व्हिडिओतून पाहू शकता.
सध्या सोशल मीडियावर एका धक्कादायक घटनेचा व्हिडिओ फार वेगाने व्हायरल होताना दिसून येत आहे. यात खासगी रिसॉर्टमध्ये गेलेल्या तीन मैत्रिणींना कसे एकाचे वेळी मृत्यूने घेरले, ते दिसत आहे. स्विमिंग पूलमध्ये एकाच वेळी या तिघी मैत्रिणीचा मृत्यू होतो आणि दुर्दैवी घटना जवळील कॅमेरात कैद केली जाते. आता तरुणींच्या मृत्यूचाच थरारक व्हिडिओ आता सोशल मीडियावर व्हायरल होत आहे. व्हिडिओतील दृश्ये इतकी भीतीदायक आहेत की पाहूनच कोणच्याही अंगावर काटा येईल.
व्हायरल बातम्या वाचण्यासाठी इथे क्लिक करा
काय आहे प्रकरण?
माहितीनुसार, मंगळुरूमध्ये एका खासगी मालकीच्या रिसॉर्टमध्ये स्विमिंग पूलमध्ये बुडून तीन मुलींचा मृत्यू झाला आहे. ही दुर्घटना घडली ते रिसॉर्ट मंगळुरूच्या उचिला बीचजवळ आहे. निशिता एमडी (21), पार्वती (20) व कीर्तना (21) अशी या मुलींची नावे आहेत. या घटेनमुळे मुलींच्या कुटुंबियांना मोठा धक्का बसला आहे. या मुली म्हैसूरच्या असल्याचे सांगितले जात आहे. यात तुम्हाला मृत्यू कसा व्यक्तीला आपल्या जाळ्यात ओढतो ते दिसून येते.
पोलिसांनी दिलेल्या माहितीनुसार, तिन्ही मुलींपैकी निशिता नावाची मुलगी जेव्हा स्विमिंग पुलमध्ये उतरली तेव्हा ही सर्व दुर्घटना घडून आली. पार्वती नावाच्या मुलीने तिला वाचवण्याचा प्रयत्न केला. त्यांनतर कीर्तनानं मदतीसाठी उडी पूलमध्ये मारली. मात्र दुर्दुवाने तिघींचाही यात बुडून मृत्यू झाला. यापैकी तिघीनांही पोहता येत नव्हते. रिसॉर्टमधील सीसीटीव्ही फुटेजमध्ये तरुणी स्वत:ला वाचवण्याचा आणि मदतीसाठी हाका मारण्याचा आटोकाट प्रयत्न करताना दिसत आहेत; परंतु त्यांच्या ओरडण्याला कोणीही प्रतिसाद देताना दिसले नाही. फुटेजमध्ये असे दिसून आले आहे की, पूलच्या आजूबाजूचा परिसर निर्जन होता.
Karnataka: Three Young Women Drown in Swimming Pool at Ullal Resort In a tragic incident at the Vazco Resort in Ullal, Karnataka, three young women — Keerthana (21), Nishitha (21), and Parvathi (20) — drowned while swimming in the pool. pic.twitter.com/in0EOOz3YS — Informed Alerts (@InformedAlerts) November 18, 2024
व्हायरल बातम्या वाचण्यासाठी इथे क्लिक करा
मंगळूर पोलीस ठाण्यात मुलींचा मृत्यू अपघाती बुडून झाल्याचे नमूद करण्यात आले आहे. मुलींच्या मृत्यूचा हा थरारक व्हिडिओ @InformedAlerts नावाच्या एक्स अकाऊंटवरून शेअर करण्यात आला आहे. व्हिडिओच्या कॅप्शनमध्ये घटनेविषयीची माहिती देण्यात आली आहे. विशेष म्हणजे, घटनेवेळी सात कर्मचारी रिसॉर्टमध्ये उपस्थित असूनही कोणीही मुलींच्या हाकेला ओह दिला नाही ज्यामुळे रिसॉर्टच्या सुरक्षेवर प्रश्न निर्माण झाले आहेत.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.
.png "Videos"){kind=small}
