कोल्ड ड्रिंकने भरलेला ट्रक रस्त्यावर पलटला अन् मदतीऐवजी लोकांनी सुरु केली लूटमार; घटनेचा Video Viral

Post Accident Video : हव्यासापायी मदतीची आर्त किंकाळी गेली दडपून... सॉफ्ट ड्रिंक्सच्या काही बाटल्यांसाठी लोकांनी केलेल्या लुटमारीचा व्हिडिओ व्हायरल होत असून युजर्सने यावर टीका व्यक्त केली आहे.

• आंध्र प्रदेशात ट्रक पलटल्यावर लोकांनी मदतीऐवजी साॅफ्ट ड्रिंकची लूट केली.
• जखमी ड्रायव्हरची विनंती दुर्लक्षित; कुणीही मदतीला पुढे आले नाही.
• पोलिस आल्यानंतर परिस्थिती नियंत्रणात; पण तोपर्यंत मोठं नुकसान झाले.

सोशल मिडियावर अनेक गोष्टी व्हायरल होत असताना अलिकडे एका अपघाताचे दृष्य शेअर करण्यात आले आहे. व्हिडिओमध्ये आंध्र प्रदेशातील नेल्लोर जिल्ह्यातील राष्ट्रीय महामार्गावर घडलेल्या अपघातानंतरचे दृष्य दाखवण्यात आले. टायर फुटल्यामुळे किंवा नियंत्रण सुटल्यामुळे साॅफ्ट ड्रिंकने भरलेला ट्रक रस्त्यावर पलटला आणि लोकांनी मदतीऐवजी ट्रकमधील माल लुटण्यावर अधिक भर दिला. सांगण्यात येत आहे की, अवघ्या १० मिनिटांत ट्रकमधील संपूर्ण माल लुटण्यात आला. दरम्यान यातील एकानेही ट्रक चालकाची मदत केल्याचे कुठेच व्हिडिओत दिसून आले नाही ज्यामुळे सोशल मिडियावर खंत व्यक्त केली जात आहे.

शवयात्रा आहे की डीजे पार्टी? मृताची शवपेटी घेऊन लोकांनी फिल्मी गाण्यांवर केला डान्स; घटनेचा Video Viral

काय घडलं व्हिडिओत?

सदर घटनेचा व्हिडिओ आता सोशल मिडियावर वेगाने शेअर केला जात असून यातील दृष्यांनी इंटरनेटवर चर्चेला उधाण आले आहे. व्हिडिओमध्ये बाटल्या अपघातानंतर लोकांचा जमाव बाटल्या गोळा करताना दिसले. ट्रक ड्रायव्हर आणि स्वच्छता कर्मचाऱ्याने वारंवार विनंती करूनही, जमावाने त्यांच्याकडे दुर्लक्ष केले, ज्यामुळे ते दोघेही पूर्णपणे हतबल झाले. अपघातास्थळी लोक साॅफ्ट ड्रिंक्सच्या बाटल्या लुटण्यासाठी अगदी बेफाम झाल्याचे दिसले. काही वेळाने जेव्हा पोलिसांनी जमावाला दूर केले तेव्हा परिस्थिती नियंत्रणात आली. परंतु तोपर्यंत बराच माल आधीच लुटला गेला होता. या घटनेत मालकाचे मोठे नुकसान झाल्याचे स्पष्ट होते.

दरम्यान हा व्हिडिओ @theskindoctor13 नावाच्या एक्स अकाऊंटवरून शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘आंध्र प्रदेशातील नेल्लोर येथे एका ट्रकचा अपघात होऊन तो उलटला; यावेळी, जखमी चालकाने वारंवार विनंती करूनही, लोकांनी शीतपेयांच्या बाटल्यांची लूट केली. भारतात अशा प्रकारच्या घटना काही दुर्मिळ नाहीत. या सामूहिक वर्तणुकीचे स्पष्टीकरण काय? अशी असंवेदनशीलता, ती तरी कशासाठी? केवळ काही शेकडो रुपयांसाठी?’.

See more

A lorry overturned in Nellore, Andhra Pradesh, and people looted cold drink bottles despite the injured driver pleading with them not to. Such incidents are not uncommon in India. What explains this mass behaviour? Such insensitivity, for what? A few hundred rupees? pic.twitter.com/4b91I6kEjw — THE SKIN DOCTOR (@theskindoctor13) March 20, 2026

संघर्षातही आनंद आहे…! डोक्यावर विटा घेऊन महिलेने फाल्गुनी पाठकच्या गाण्यावर केला जबरदस्त डान्स; Video Viral

व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “गरिबी भावांनो गरिबी” तर दुसऱ्या युजरने लिहिले आहे, “जेव्हा एखादा जखमी चालक मदतीसाठी याचना करत असतो आणि लोक माणुसकीऐवजी ‘थम्स अप’ला पसंती देतात… तेव्हा ती गरिबी नसते, तर ती ‘योग्य-अयोग्य’ या विवेकबुद्धीचा झालेला ऱ्हास असतो. अत्यंत खेदजनक अवस्था” आणखीन एका युजरने लिहिले आहे, “जेव्हा सहानुभूती लयाला जाते आणि संधीसाधूपणा वरचढ ठरतो, तेव्हा हेच घडते. एक माणूस जखमी झाला आहे आणि मदतीसाठी आर्त विनवणी करत आहे; तरीही लोक इतके स्वार्थी बनले आहेत की, त्यांच्यातील माणुसकीच नष्ट झाली आहे. त्यांना याची लाज वाटली पाहिजे”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.