हिमाचली मुलीने जिंकले सर्वांचे हृदय, गाईला सुखरूप घरी आणण्यासाठी नवजात वासराला पाठीवर बसवलं अन्… क्युट Video Viral

Heart Touching Video : गाईला सुखरूप घरी घेऊन येण्यासाठी मुलीने नवजात वासराला खांद्यावर उचलत पार केला डोंगर. वासरू लहान मुलासारखा मुलीला बिलगला आणि गाईने मागूनच दिले स्मितहास्य.

• हिमाचल प्रदेशातून एक हृदयस्पर्शी व्हिडिओ समोर आला आहे
• व्हिडिओत मुलीने नवजात वासराला खांद्यावर पकडून डोंगर पार केल्याचे दिसते
• व्हिडिओतील सुंदर दृश्य आता युजर्सचे मन जिंकत आहेत

सोशल मीडियावर सध्या एक हृदयस्पर्शी व्हिडिओ खूप जास्त व्हायरल होत आहे. व्हिडिओची खासियत म्हणजे यातील मुलीची उदारता. हिमाचल प्रदेश भारतातील एक असे राज्य जिथे जनावरांवर प्रचंड माया दाखवली जाते आणि याचेच एक जिवंत उदाहरण सध्या इंटरनेटवर शेअर करण्यात आले आहे. व्हिडिओत एक मुलगी गाईच्या नवजात वासराला आपल्या खांद्यावर उचलून डोंगर पार करताना दिसून आली. यावेळी गौमाता तिच्या मागे मागे चालताना दिसून आली. वासराला आणि त्याच्या आईला सुखरूप घरी पोहचवण्यासाठी मुलीने घेतलेली धडपड पाहून सर्वच खुश झाले. याचा व्हिडिओ इंटरनेटवर वेगाने व्हायरल होत असून यात काय घडलं ते चला सविस्तर जाणून घेऊया.

ताईयांग पर्वतावर चढवली गेली सोलर पॅनेल्सची चादर, चीनच्या नव्या उपक्रमाने सर्वत्र उडवली खळबळ; Video Viral

काय घडलं व्हिडिओत?

सोशल मीडियावर एक हृदयस्पर्शी व्हिडिओ व्हायरल होत आहे, ज्यामध्ये एक तरुणी डोंगरावरून खाली उतरण्यासाठी धडपडत असलेल्या वासराला आपल्या पाठीवर बसवून घेऊन जाताना दिसून आली. व्हिडिओत सांगितल्याप्रमाणे, मुलीचे नाव रेखा कैथ असे आहे. ती नवजात वासराला पाठीवर घेऊन जात असते जेणेकरून गाय तिच्या मागे सुरक्षितपणे घरी परत येईल. डोंगराळ भागात चित्रित केलेला हा व्हिडिओ पहाडी महिलांच्या शांत शक्ती आणि करुणेचे दर्शन घडवतो, ज्या अनेकदा सहजतेने आणि सहानुभूतीने कठीण परिस्थितीतून मार्ग काढतात.

पुढे असेही सांगण्यात आले आहे की, हिमाचल प्रदेशासारख्या प्रदेशात, पशुधन हे केवळ ग्रामीण जीवनाचा भाग नाही तर इथे त्यांना कुटुंबासारखे वागवले जाते. हे दृश्य त्या चिरस्थायी नात्याचे एक सुंदर प्रतिबिंब आहे. मुलीच्या धाडसाने, करुणेने आणि मानवतेने सर्वांची मने जिंकली. धोकादायक आणि खडतर प्रदेश असूनही, तिने वासराला सुरक्षित ठिकाणी नेले. या उल्लेखनीय कृतीने लोकांना भावूक केले असून व्हिडिओ सध्या वेगाने इंटरनेटवर शेअर केला जात आहे.

See more

कामं नाही, पासपोर्टही जप्त… मलेशियात अडकलेल्या भारतीयासोबत क्रूर वागणूक, ‘तो’ धक्कादायक VIDEO VIRAL

हा व्हायरल व्हिडिओ @kiddaan नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “पुकी वासरू” तर दुसऱ्या युजरने लिहिले आहे, “खरं प्रेम” आणखीन एका युजरने लिहिले आहे, “गाईने तिच्यावर विश्वास ठेवला हे मला आवडलं”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.