होळीचं अजब-गजब सेलिब्रेशन! रंगाने भरलेल्या सिमेंट मिक्सरमध्ये व्यक्तीला टाकून गरागरा फिरवलं…; Video Viral

Holi Celebration Video : असं सेलिब्रेशन होणे नाही...! मित्रांनी चक्क रंगांनी भरलेल्या सिमेंट मिक्सरमध्ये व्यक्तीला टाकलं आणि मिक्सर चालू करून व्यक्तीला गरागरा फिरवलं. व्हिडिओतील दृष्ये पाहाल तर चक्रावून जाल.

• सोशल मीडियावर सध्या होळी सेलिब्रेशनचा एक वेगळाच व्हिडिओ जोरदार व्हायरल होत आहे.
• व्हिडिओतील दृष्ये इतके अजब आहेत की त्याने क्षणातच युजर्सच लक्ष वेधून घेतले.
• काहींनी हा प्रकार मजेशीर असल्याचे म्हटले, तर काहींनी यामध्ये सुरक्षेचा मोठा धोका असल्याचे सांगत चिंता व्यक्त केली.

होळी हा रंगांचा सण आहे. या सणानिमित्त एकमेकांना रंग लावून सण साजरा केला जातो. अनेकजण नाचत, मिष्टान्नांचा आस्वाद घेत, एकमेकांना रंग लावून होळीचा सण साजरा करतात. सण वेगवेगळ्या प्रकारे साजरा केला जाऊ शकतो पण अलिकडेच होळी सेलिब्रेशनचा एक अनोखा व्हिडिओ शेअर करण्यात आला आहे. व्हिडिओमध्ये, रंगांनी भरलेल्या सिमेंट मिक्सरमध्ये व्यक्तीला टाकून त्याला गरागरा फिरवत होळीचा सण साजरा करण्यात आला. होळीच्या या अजब-गजब सेलिब्रेशनला पाहून यूजर्स अवाक् झाले आणि लोकांनी वेगाने व्हिडिओला शेअर करण्यास सुरुवात केली. चला व्हिडिओत नक्की काय घडलं ते सविस्तर जाणून घेऊया.

काय घडलं व्हिडिओत?

इंटरनेटवर वेगाने व्हायरल होत असलेल्या या व्हिडिओमध्ये, रंगाने भरलेल्या एका सिमेंट मिक्सरमध्ये व्यक्ती बसलेला असल्याचे दिसते. मुख्य म्हणजे, या मिक्सरला जेव्हा फिरवण्यात येते तेव्हा रंगांसह व्यक्ती देखील गरागरा फिरु लागतो. आश्चर्याची गोष्ट म्हणजे, घाबरण्याऐवजी व्यक्ती आनंदाने हसत हसत त्या सिमेंट मिक्सरमध्ये गोलगोल फिरत राहतो. तरुणाच्या या अनोख्या होळी सेलिब्रेशनने यूजर्सना थक्क केले असून व्हिडिओवर अनेकांनी आपल्या प्रतिक्रिया व्यक्त केल्या आहेत. काहींनी व्हिडिओतील दृष्ये पाहून व्हिडिओवर हास्यास्पद प्रतिक्रिया व्यक्त केल्या आहेत तर काहींनी सुरक्षेवर प्रश्न उपस्थत केले आहेत. होळीचा सण आनंद आणि उत्साहाचे प्रतीक आहे, परंतु सुरक्षितता राखणे देखील तितकीच महत्त्वाची आहे हे लक्षात घ्यायला हवे.

See more

एक चूक पडली महागात! तारेवर चढताच सापाला लागला विजेचा झटका अन् मग जे घडलं… घटनेचा Video Viral

हा व्हिडिओ @leftirony नावाच्या एक्स अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “आता त्याला वाॅशिंग मशीनमध्ये टाकून धुवा” तर दुसऱ्या युजरने लिहिले आहे, “बिहार कधीही निराश करत नाही” आणखीन एका युजरने लिहिले आहे, “होळी अल्ट्रा प्रो मॅक्स”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.