(फोटो सौजन्य – Instagram)
काय घडलं व्हिडिओत?
सोशल मिडियावर वेगाने व्हायरल होत असलेल्या या व्हिडिओमध्ये, एक व्यक्ती महाकाय अजगरांच्या मधोमध आरामात झोपल्याचे दिसून येते. त्याच्या चारही बाजूला अजगरांचा सडा पडलेला असतो. मुख्य म्हणजे, हे सर्व अजगर जिवंत असतात आणि असे असतानाही व्यक्ती अजिबात घाबरत नाही. व्हिडिओमध्ये व्यक्तीचे तोंड सोडल्यास उरलेले संपूर्ण अजगरांच्या विळख्यात अडकल्याचे दिसते. हे सर्व दृश्य मनाला भिती देत असतानाच अचानक वर बसलेले अजगर देखील व्यक्तीच्या अंगावर पडतात. व्यक्ती तरीही शांत राहून कॅमेराकडे बघत आपले बालणे सुरुच ठेवतो. व्हिडिओतील ही दृश्ये खरोखर धोेकादायक आणि भितीदायक वाटत असून व्यक्तीच्या हिमतीवर आता लोकांनी आश्चर्य व्यक्त केले आहे.
View this post on Instagram
हा व्यक्ती अमेरेकीतील एक रहिवासी असून त्याचे नाव ब्रेवर असे आहे. तो कॅलिफोर्नियामध्ये प्रीहिस्टोरिक पेट्स नावाचे प्राणीसंग्रहालय चालवतो जिथे सर्व प्रकारचे सरपटणारे प्राणी ठेवले जातात. ब्रेवर धोकादायक प्राण्यांसोबत मजा करतानाचे व्हिडिओ सोशल मीडियावर नेहमीच शेअर करत असतो. हा व्हायरल व्हिडिओ @jayprehistoricpets नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “मला वाटतं स्वप्न जगण्याच्या आपल्या आवृत्त्या खूप वेगळ्या आहेत” तर दुसऱ्या युजरने लिहिले आहे, “व्वा, किती सुंदर आहेत, मला त्यापैकी किमान दोन तरी मिळतील का?” आणखीन एका युजरने लिहिले आहे, “व्यक्तीला सुसाईड करायचं होतं का?”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
