कष्टाचं सोनं झालं! मेहनतीच्या पैशाने मुलाने घरी आणला पहिला फ्रिज, आई-वडिलांचा आनंद पाहून यूजर्स झाले भावूक; Video Viral
काय घडलं व्हिडिओत?
व्हायरल होत असलेल्या या व्हिडिओतील तरुणाचे नाव सुजित असून तो एक व्लाॅगर आहे. सुजितने आपल्या कमावलेल्या पैशातून घरी एक खास वस्तू आणण्याचा निर्णय घेतला आणि त्यासाठी त्याने एक नवीन रेफ्रिजिरेटर खरेदी केला. शहरांमध्ये रेफ्रिजरेटर ही एक सर्वसामान्य गरज असली तरी, ग्रामीण भागातील घरात, जिथे त्याची कधीच अपेक्षा नव्हती, तिथे रेफ्रिजरेटरचे आगमन म्हणजे एका उत्सवापेक्षा कमी नसते. जेव्हा सुजितने नवीन रेफ्रिजरेटर उघडला, तेव्हा त्याच्या आई-वडिलांची प्रतिक्रिया पाहण्यासारखी होती. दोघांच्याही चेहऱ्यावर एक वेगळाच आनंद होता जो व्हिडिओत स्पष्ट दिसून आला. साध्या गोष्टीतही आई-वडिलांना मिळालेला तो निस्सिम आनंद पाहून यूजर्स भावूक झाले. शेवटी जगात आई-वडिलांना देता येणाऱ्या आनंदाहून मोठी अभिमानाची कोणती गोष्ट नाही तेच खरे.
हा व्हायरल व्हिडिओ @sujeet_vlogs_05 नावाच्या इंस्टाग्राम अकाऊंटवरुन शेअर करण्यात आला आहे. व्हिडिओ सोशल मिडियावर चांगलाच व्हायरल होत असून अनेक यूजर्सने यावर कमेंट्स करत व्हिडिओतील दृष्यांवर आपले मत व्यक्त केले आहे. यात एका यूजरने म्हटले की, “अभिनंदन भावा”, दुसऱ्या युजरने लिहिले आहे, “खूप अभिनंदन, तू आई-वडिलांना मोठा आनंद दिलास” आणखीन एका युजरने लिहिले आहे, “घरात जेव्हा नवीन गोष्ट येते तेव्हा खूप आनंद होतो”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
