बछड्यावर हात उचलताच सिंहीणी रागातच उठली, थेट जंगलाच्या राजालाच मारली थप्पड; मजेदार Video Viral

Lion Lioness Video : आईशी पंगा घेणं सिंहालाही पडलं महागात, बछड्याला फुंकारताच सिंहिणीने लगेच कानशिलात लगावली थप्पड. भित्र्या नवऱ्याची मजेदार गाथा आता इंटरनेटवर व्हायरल झाली आहे.

• सिंहाने खाल्ला सिंहिणीचा मार
• जंगलातील मजेदार दृश्ये कॅमेरात कैद
• व्हिडिओ सोशल मीडियावर व्हायरल होतोय

 

प्रेमात माणूस बायकोचा गुलाम होतो हा वाक्यप्रचार तर आपण अनेकदा ऐकला असेल. प्रेम ही एकमेव अशी गोष्ट आहे ज्यात व्यक्ती शक्ती असूनही खाली झुकला जातो. हे फक्त माणसांवरच लागू होत नाही तर प्राण्यांमध्येही हे दिसून येतो. आता हेच बघा ना, जंगलाचा राजा म्हणून ज्याची सर्वत्र ख्याती असा सिंह चक्क कुणाला तर त्याच्या बायकोला घाबरला. मोठमोठ्या प्राण्यांची शिकार करणाऱ्याने सिंहाने बायकोचा मार मात्र निमूटपणे सहन केला. चला व्हिडिओत नक्की काय घडलं ते सविस्तर जाणून घेऊया.

मित्राच्या लग्नासमोर कोण पोलिस आणि काय तुरुंग! हातात बेड्या घालून पठ्ठ्या भांगड्यात दंग; Video Video

काय घडलं व्हिडिओत?

सोशल मिडियावर सिंहाचा हा व्हिडिओ आता चांगलाच ट्रेंड करत आहे. यामध्ये जर आपण पाहिलं तर आपल्याला सिंहाच कुटुंब जंगलात विश्रांती करत असल्याचं दिसून येतं. याच दरम्यान सिंहाचं पिल्लू आपल्या वडिलांसोबत खेळण्याचा प्रयत्न करतो पण सिंह काही खेळण्याच्या मूडमध्ये नसल्याने तो त्याला घाबरवून दूर करण्याचा प्रयत्न करतो. हे सर्व दृश्य बाजूला बसलेली सिंहींण आपल्या डोळ्यांनी बघत असते. पिल्लाला सिंह घाबरवत आहे हे पाहून सिंहीण रागातच उठते आणि सिंहाच्या कानशिलात लगावते. सिंह देखील निमूटपणे आपली चूक मान्य करतो आणि निमूटपणे सिंहीणीचा मार खातो. जंगलातील हा मजेदार क्षण आता सोशल मिडियावर जोरदार शेअर केला जात आहे. सिंहाला असं सिंहीणीचा मार खाताना पाहून यूजर्स आता चांगलेच खुश झाले आहेत. सिंह देखील बायकोला हे पाहून सर्वांनाच आश्चर्याचा धक्का बसला आहे.

See more

एक चुकी अन् महिलेचा जीव लागला टांगणीला! मशीनला चिपकली, गोल गोल फिरली अन्… चित्तथरारक Video Viral 

हा व्हायरल व्हिडिओ @sadcattv नावाच्या एक्स अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “सिंह म्हणत असेल, माफ करा बॉस. तुम्ही बरोबर आहात. शेवटी तो आमचा छोटा मुलगा आहे ” तर दुसऱ्या युजरने लिहिले आहे, “म्हणूनच तुम्हाला दोन्ही पालकांची गरज आहे. ते एकमेकांनाही मदत करतात” आणखीन एका युजरने लिहिले आहे, “आईशी पंगा घेऊ नये”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.