इस प्यार को क्या नाम दे…! प्रियकरासोबत लग्न करायचं म्हणून ताई थेट विजेच्या खांब्यावर जाऊन बसल्या; घटनेचा Video Viral

Girl Stunt Video : बाईई हा काय प्रकार! प्रेमासाठी तरुणीने केला जीवाचा साैदा, प्रियकरासोबत लग्न लावून द्यावं म्हणून थेट विजेच्या खांब्यावर जाऊन बसली. अखेर पोलिसांनाच करावा लागला हस्तक्षेप.

• प्रियकरासोबत लग्न करण्यासाठी तरुणी विजेच्या खांब्यावर चढल्याचा धक्कादायक व्हिडिओ व्हायरल झाला.
• पोलिसांनी समजूत काढून बराच वेळ प्रयत्न केल्यानंतर तिला सुरक्षित खाली उतरवले.
• या धोकादायक कृत्यावर सोशल मीडियावर तीव्र प्रतिक्रिया उमटत असून लोकांनी अशा प्रकारांचा निषेध केला.

सोशल मिडिया एक असे प्लॅटफाॅर्म आहे जिथे कधी काय दिसून येईल याचा नेम नाही. इथे दररोज असंख्य व्हिडिओज व्हायरल होत असतात आणि यातील काही निवडक व्हिडिओज लोकांचे लक्ष वेधून घेतात. अलिकडेच सोशल मिडियावर एक धक्कादायक घटना समोर आली आहे ज्यात प्रेमासाठी मुलगी थेट विजेच्या खांब्यावर जाऊन बसल्याचे दृष्य दिसून आले. प्रेमासाठी तरुणीने उचलले हे धोकादायक पाऊल आता सर्वांनाच थक्क करत असून याचा व्हिडिओ इंटरनेवर वाऱ्याच्या वेगाने शेअर केला जात आहे. चला व्हिडिओत पुढे काय घडलं ते सविस्तर जाणून घेऊया.

पाण्यात उतरला अन् तिथेच अडकला! लोकांना वाटलं ड्रामा करतोय पण काही क्षणातच गेला व्यक्तीचा जीव… मृत्यूचा थरारक Video Viral

काय घडलं व्हिडिओत?

व्हिडिओ नक्की कुठला आहे हे अद्याप स्पष्ट केलं नसलं किंवा याची अधिकृत माहिती मिळाली नसली तरी यातील दृष्यांनी मात्र इंचरनेट यूजर्सना हादरवून सोडलं आहे. व्हिडिओमध्ये आपण पाहू शकता यात आपल्याला एक तरुणी विजेच्या खांब्यावर अगदी टोकावर जाऊन बसल्याचे दिसून येते. तिने चेहऱ्यावर स्कार्फ लावला असल्याने तिचा चेहरा तर स्पष्ट दिसून येत नाही. परंतु प्रियकरासोबत तिचं लग्न करण्यात यावं यासाठी तरुणीने हे धोकादायक पाऊल उचलल्याचे सांगण्यात येत आहे. माहितीनुसार, पोलिसांनी तरुणीची समजूत काढून बऱ्याच वेळानंतर तिला खांब्यावरुन खाली उतरवण्यात यश मिळवले.

दरम्यान तरुणीचे हे कृत्य अत्यंत धोकादायक असून कोणत्याही कारणासाठी आपले प्राण पणाला लावणे एक चुकीचा निर्णय ठरतो. विजेच्या खांब्यावर विजेचा बसलेला एक झटका आपला जीव घेऊ शकतो. अशातच चुकुनही असे प्रकार आपल्या जीवासोबत करु नये तसेच अशा घटनांना दुजोरा देऊ नये. घटना नक्की कुठे घडली हे समजले नसले तरी त्र व्हिडिओमध्ये एका व्यक्तीचा आवाज ऐकू येतो ज्यानुसार ही घटना कुंडा फरीदपूर येथील असल्याचे सांगण्यात येते.

See more

अपने प्रेमी से शादी करने के लिए टावर पर चढ़ गई यह लड़की। काफी मुश्किल से पुलिस ने इसे नीचे उतारा। pic.twitter.com/Kgo7RellvT — छपरा जिला 🇮🇳 (@ChapraZila) March 30, 2026

विदेशी फोटोग्राफरचं अनोखं फोटोशूट वादात! भारताच्या पिंक सीटीमध्ये येऊन हत्तीला केलं गुलाबी, युजर्स भडकले; Video Viral

घटनेचा व्हिडिओ @ChapraZila नावाच्या एक्स अकाऊंटवरुन शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘या मुलीने तिच्या प्रियकराशी लग्न करण्यासाठी टॉवरवर चढाई केली. पोलिसांनी तिला मोठ्या मुश्किलीने खाली उतरवले’. व्हिडिओवर आतापर्यंत अनेक युजर्सने कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “तिचं लग्न तिथेच लावून द्यायला हवं होतं… पोलिसांना अनेक प्रकारे त्रास दिला जातो. पोलिसांना त्रास द्यायला पुरेसे गुन्हेगार नाहीत का, की आता त्यांना तिच्यासारख्या लोकांचा हा त्रास सहन करावा लागत आहे? अशा मुलींना मनोरुग्णालयात दाखल करायला हवं” तर दुसऱ्या युजरने लिहिले आहे, “अरे भावा, अखेर ‘बेटी बचाओ…बेटी पढाओ’ योजनेचे फायदे दिसू लागले आहेत”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.