पती पॅरालाइज्ड तरीही पत्नीला हवी पोटगी, सत्यता पटवून देण्यासाठी कोर्टात स्ट्रेचरवर हजर झाला नवरा; भावनिक Video Viral

Wife Demanding Alimony From Paralyzed Husband : लग्नाच्या महिनाभरातच घटस्फोट घेणाऱ्या पत्नीने पतीच्या आजारावर केला खोटेपणाचा आरोप. सत्यता पटवून देण्यासाठी अखेर पतीला स्ट्रेचरवर खेचत न्यायालयात हजर करावं लागलं.

• ब्रेन हॅमरेजमुळे पती गेल्या 5 वर्षांपासून बेडवर खिळलेला.
• पोटगी टाळण्यासाठी आजाराचा बनाव केल्याचा पत्नीचा आरोप.
• सत्यता उघड करण्यासाठी पतीला अखेर स्ट्रेचरवर कोर्टात हजर करावे लागले.

उत्तर प्रदेशातील कानपूरमधून एक धक्कादायक घटना समोर आली आहे ज्याने सर्वांनाच हादरवून सोडलं. घटना पोटगी संदर्भात असून यात पत्नीने आपल्या भत्त्यासाठी अक्षरशः मर्यादा ओलांडली. पत्नीने घटस्फोटानंतर आपल्या पतीकडे पोटगी आणि देखभालीची मागणी केली आहे. परंतु महिलेचा पती पॅरालाइज्ड असून रुग्णालयात त्याच्यावर उपचार सुरु असल्याचे समोर आले आहे. पती बेडला खिळला असूनही महिलेने केलेली ही मागणी अनेकांच्या हृदयातला चिरणारी आहे. महिलेने न्यायालयात सांगितले की तिचा पती पूर्णपणे निरोगी आहे आणि पोटगी देऊ नये म्हणून तो रुग्णालयात नाटक करत आहे. तिचा हा दावा खोटा सिद्ध करण्यासाठी अखेर तिच्या अपीलानंतर, पतीला न्यायालयात हजर करण्यात आले. पॅरालाइज्ड असल्यामुळे त्याला स्ट्रेचरवर ओढत घेऊन आणण्यात आलं आणि याच प्रकारचा व्हिडिओ सध्या सोशल मीडियावर वेगाने व्हायरल होत आहे.

प्लास्टिक टाकणे थांबवा! विद्यार्थिनीने 20 फूट खोल पाण्यात भरतनाट्यम सादर करत दिला संदेश; कलेचे अद्भुत सादरीकरण अन् Video Viral

काय आहे प्रकरण?

खरं तर, लग्नाच्या फक्त एक महिन्यानंतर पत्नीने तिच्या पतीला सोडले. गेल्या पाच वर्षांपासून, महिलेच्या पतीलाब्रेन हॅमरेज झाला आहे ज्यामुळे तो पॅरालाइज्ड झाला. या आजारामुळे तो सध्या पूर्णपणे त्याच्या कुटुंबावर अवलंबून आहे. दरम्यान, पोटगी मागणाऱ्या त्याच्या पत्नीने न्यायालयात दावा केला की तिचा पती पूर्णपणे निरोगी आहे आणि पोटगी टाळण्यासाठी तो जाणूनबुजून खोटा आजार रचत आहे. महिलेच्या गंभीर आरोपांमुळे, त्या पुरूषाच्या कुटुंबाने आणि त्यांचे वकील विनोद पाल यांनी न्यायालयाला त्याच्या खऱ्या आरोग्य स्थितीची माहिती देण्याचा निर्णय घेतला.

कुटुंबाने तरुणाला संपूर्ण वैद्यकीय कागदपत्रांसह स्ट्रेचरवर उचलून थेट रुग्णालयातून न्यायालयात नेले, जिथे त्याला न्यायाधीशांसमोर हजर करण्यात आले. तरुणाच्या बहिणीने सांगितले की, “आम्ही गेल्या पाच वर्षांपासून त्याच्यावर उपचार करत आहोत. त्याच्या पत्नीने कधीही त्याला पाठिंबा दिला नाही. आता ती खोटे दावे करून त्याचा आणखी छळ करत आहे. आज आम्ही त्याचे सत्य न्यायालयासमोर उघड केले आहे.”

दरम्यान, तरुणाचे वकील विनोद पाल यांनी सांगितले की, महिला सतत न्यायालयात असा भ्रम पसरवत होती की तो तरुण निरोगी आहे. “हे खोटं उघड करण्यासाठी आणि न्यायालयाला सत्य दाखवण्यासाठी आम्हाला हे पाऊल उचलावे लागले,” असं ते म्हणाले. त्यांनी असेही म्हटले की, महिला पोटगीचा अधिकार देणाऱ्या कायद्याचा गैरवापर करत होती. हे प्रकरण विवाहित जोडप्यांमधील कायदेशीर लढाईत नैतिकता आणि सत्यतेचे महत्त्व अधोरेखित करते. न्यायालयाने सुनावणीदरम्यान सर्व कागदपत्रे गांभीर्याने घेतली आणि भविष्यातील कार्यवाहीसाठी निर्देश दिले.

See more

अरे जरा तरी लाज वाटू द्या! अपंग मुलाच्या डोळ्यात भरली मिरची पावडर, बेल्टने मारत शिक्षकाने ओलांडली मर्यादा; Video Viral

या घटनेचा व्हिडिओ @thetatvaindia नावाच्या इंस्टाग्राम अकाउंटवर शेअर करण्यात आला आहे. व्हिडिओला आतापर्यंत लाखो लोकांनी पाहिले असून अनेकांनी यावर कमेंट्स करत घटनेवर आपले मत व्यक्त केले. एका युजरने लिहिले, “माझा मानवतेवरचा विश्वास उडाला आहे” तर दुसऱ्या युजरने लिहिले, “सहानुभूतीशिवाय न्याय दडपशाही बनतो” आणखीन एका युजरने लिहिले आहे, “तो निरोगी होता तेव्हा तिने त्याच्याशी लग्न केले आणि आजारी पडताच तिने त्याला घटस्फोट देऊन टाकला”.