पाकिस्तानमध्ये निवडणुकीपूर्वी पोलिस ठाण्यावर दहशतवादी हल्ला, 10 पोलिसांचा मृत्यू!

पाकिस्तानमधील सार्वत्रिक निवडणुकीपूर्वी खैबर पख्तुनख्वा प्रांतात मोठा दहशतवादी हल्ला झाला आहे. येथे दहशतवाद्यांनी एका पोलीस ठाण्याला लक्ष्य केले असून, त्यात १० पोलीस शहीद झाले आहेत.

पाकिस्तानमध्ये 8 फेब्रुवारी रोजी सार्वत्रिक निवडणुका होणार आहेत, त्याआधी दहशतवादी कारवाया तीव्र झाल्या आहेत. खैबर पख्तुनख्वा प्रांतातील डेरा इस्माइल खान येथील पोलीस ठाण्यावर दहशतवादी हल्ला ( Terrorist Attack In Pakistan)झाला असून त्यात १० पोलीस शहीद झाले आहेत.

[read_also content=”पूनम पांडेच्या मृत्यूच्या नाटकात सामील एजन्सीनं मागितली माफी, जारी केलं निवेदन! https://www.navarashtra.com/movies/the-agency-involved-in-poonam-pandey-fake-death-news-stuts-apologies-nrps-504661.html”]

खैबर पख्तुनख्वा प्रांतातील डेरा इस्माईल खान जिल्ह्यातील एका पोलीस ठाण्यावर रात्री उशिरा झालेल्या हल्ल्यात किमान 10 पोलीस ठार झाले असून सहा जण जखमी झाले आहेत, पोलिसांनी सोमवारी सांगितले की, त्यांना DHQ रुग्णालयात दाखल करण्यात आले आहे.

पोलिसांनी सांगितले की, जिल्ह्याच्या तहसील दरबनमधील पोलिस ठाण्यावर पहाटे तीन वाजता अतिरेक्यांनी जोरदार शस्त्रांनी हल्ला केला. दहशतवाद्यांनी चारही बाजूंनी ग्रेनेड फेकले आणि जोरदार गोळीबार केला. सरकारी एजन्सीने सांगितले की पोलिसांनी प्रत्युत्तर दिले, परंतु दहशतवादी रात्रीच्या अंधारात पळून गेले.

पाक पोलिसांनी दिलेल्या माहितीनुसार, दहशतवाद्यांना पकडण्यासाठी सुरक्षा दलांनी परिसराची नाकेबंदी केली आहे. तसेच परिसरात शोधमोहीम तीव्र करण्यात आली आहे. यासोबतच रॅपिड ॲक्शन फोर्सही घटनास्थळी तैनात आहे.

पाकिस्तानमध्ये ८ फेब्रुवारीला निवडणुका होणार आहेत. त्याआधी शेजारी देश सतत दहशतवादी हल्ल्यांचा सामना करत आहे. अलीकडेच, बलुचिस्तानमध्ये सलग तीन दहशतवादी हल्ल्यांमध्ये चार सरकारी कर्मचारी आणि दोन नागरिक ठार झाले, त्यानंतर पाकिस्तानी सुरक्षा दलांशी झालेल्या चकमकीत नऊ दहशतवादीही मारले गेले.