Plane Crash : आकाशात मृत्यूचा थरार! दोन विमानांची समोरासमोर भीषण टक्कर; झुडुपांमध्ये आढळला पायलटचा मृतदेह

Wedderburn mid-air crash : न्यू साउथ वेल्स राज्य पोलिसांनी सांगितले की, अपघातानंतर सिडनीच्या नैऋत्य उपनगरातील वेडरबर्न येथील विमानतळाजवळील झुडुपात बचावकर्त्यांना पायलटचा मृतदेह आढळला.

1. ऑस्ट्रेलियातील न्यू साउथ वेल्स प्रांतात हवेतच दोन हलक्या विमानांची समोरासमोर धडक होऊन मोठा अपघात झाला असून त्यात एका वैमानिकाचा मृत्यू झाला आहे.
2. धडकेनंतर एक विमान सिडनीच्या नैऋत्य उपनगरातील वेडरबर्न येथील विमानतळाजवळील झुडुपांमध्ये कोसळले, तर दुसऱ्या विमानाचा वैमानिक प्रसंगावधान राखत सुरक्षित लँडिंग करण्यात यशस्वी ठरला.
3. या अपघाताचे नेमके कारण अद्याप स्पष्ट झाले नसून, हवाई वाहतूक तपास यंत्रणा आणि न्यू साउथ वेल्स पोलिसांकडून सखोल चौकशी सुरू आहे.

Wedderburn mid-air crash : ऑस्ट्रेलियातील ( Australia) न्यू साउथ वेल्स प्रांतात रविवारी सकाळी घडलेल्या एका भीषण विमान अपघाताने संपूर्ण परिसर हादरून गेला. सिडनी शहराच्या बाहेरील भागात दोन हलकी विमाने हवेतच समोरासमोर आदळली आणि यात एका वैमानिकाचा जागीच मृत्यू झाला. आकाशात रस्त्यावरील अपघातासारखी धडक होऊन विमान जमिनीवर कोसळल्याचे दृश्य पाहून स्थानिक नागरिकांमध्ये आणि विमानतळ कर्मचाऱ्यांमध्ये भीतीचं वातावरण पसरलं.

न्यू साउथ वेल्स पोलिसांनी दिलेल्या माहितीनुसार, मध्य सिडनीपासून सुमारे ६० किलोमीटर अंतरावर असलेल्या वेडरबर्न या भागाजवळ हा अपघात घडला. धडकेची तीव्रता इतकी मोठी होती की, त्यापैकी एक विमान थेट झुडुपांमध्ये कोसळले. ज्या विमानाचा अपघात झाला, त्यामध्ये एकमेव वैमानिक होता आणि त्याचाच दुर्दैवी मृत्यू झाला आहे. अपघातानंतर बचाव पथकांनी घटनास्थळी धाव घेतली आणि झुडुपांमध्ये अडकलेल्या विमानाच्या ढिगाऱ्यांमधून वैमानिकाचा मृतदेह बाहेर काढण्यात आला.

जागतिक घडामोडी संबंधित बातम्या वाचण्यासाठी येथे क्लिक करा : Shadow Fleet : ‘हा VIRATआहे, आम्हाला मदत हवी आहे, मेडे…मेडे’; रशिया युक्रेनचा ब्लॅक सीमध्ये युद्ध थरार, तुर्की मात्र अनभिज्ञ

या दुर्घटनेत दुसऱ्या विमानाचा वैमानिक मात्र चमत्कारिकरीत्या बचावला. हवेत धडक झाल्यानंतरही त्याने परिस्थितीचा अंदाज घेत विमानावर नियंत्रण राखले आणि जवळच्या एअरफील्डवर सुरक्षितपणे लँडिंग करण्यात यश मिळवले. या वैमानिकाला कोणतीही गंभीर इजा झालेली नसल्याचे पोलिसांनी स्पष्ट केले आहे. ही बाब थोड्याफार दिलासा देणारी असली तरी, आकाशातील या अपघाताने विमान सुरक्षा व्यवस्थेबाबत पुन्हा एकदा प्रश्नचिन्ह उपस्थित केले आहे.

See more

Two light aircraft collided mid-air during formation flying near Wedderburn aerodrome south of Sydney, killing one pilot while the other landed safely. pic.twitter.com/qzV0LCLcvt — 7NEWS Sydney (@7NewsSydney) November 30, 2025

credit : social media

न्यू साउथ वेल्स पोलिसांच्या निवेदनात म्हटले आहे की, अपघाताचे नेमके कारण अद्याप स्पष्ट होऊ शकलेले नाही. तांत्रिक बिघाड, मानवी चूक की हवामानातील अडथळे, यापैकी कोणत्या कारणामुळे ही धडक झाली, याचा शोध घेण्यासाठी हवाई वाहतूक तपास यंत्रणा (एव्हिएशन सेफ्टी इन्व्हेस्टिगेशन टीम) तपास करत आहे. घटनास्थळाची पाहणी, विमानांचे अवशेष गोळा करणे आणि दुसऱ्या वैमानिकाचा जबाब नोंदवणे अशा विविध पद्धतींनी चौकशी सुरु आहे.

स्थानिक रहिवाशांनी सांगितले की, अचानक आकाशात मोठा आवाज झाला आणि काही क्षणातच एक विमान खाली कोसळताना दिसले. आकाशात धूराचे लोट आणि जमिनीवर पेटलेल्या झुडुपांमुळे ते दृश्य अधिकच भयावह झाले होते. या अपघातामुळे काही वेळासाठी त्या परिसरातील वाहतूकही थांबवण्यात आली होती. आपत्कालीन सेवा, अग्निशमन दल आणि वैद्यकीय पथक काही मिनिटांत घटनास्थळी पोहोचले आणि परिस्थिती नियंत्रणात आणली.

जागतिक घडामोडी संबंधित बातम्या वाचण्यासाठी येथे क्लिक करा : Stockton : कॅलिफोर्नियामध्ये मुलांच्या वाढदिवसाच्या पार्टीत अंदाधुंद गोळीबार; 4 जणांचा मृत्यू, 19 जखमी, धक्कादायक VIDEO VIRAL

हा अपघात ऑस्ट्रेलियाच्या विमानचालन इतिहासातील आणखी एक धक्कादायक घटना म्हणून नोंदवला जात आहे. वाढती हवाई वाहतूक आणि प्रशिक्षण विमानांची संख्या लक्षात घेता, भविष्यात अशा घटनांना आळा घालण्यासाठी अधिक कठोर नियम आणि सुरक्षा उपाय लागू करण्याची गरज असल्याचे तज्ज्ञांकडून सांगितले जात आहे. अंतिम तपास अहवालानंतरच या अपघातामागील खरे कारण समोर येणार असून, त्यानंतर पुढील कारवाई निश्चित केली जाईल.