अमेरिकेतील केंटकी शहरात घातक रसायनांच्या गळतीमुळे एक ट्रेन उलटली. बुधवारी झालेल्या अपघातामुळे शहराचे गव्हर्नर अँडी बेशियर यांनी शहरात आणीबाणी जाहीर केली आहे.अपघातामुळे रेल्वेचे 16 डबे रुळावरून घसरले आहेत. अपघाताच्या वेळी ट्रेनच्या दोन डब्यांमध्ये वितळलेले सल्फर ठेवण्यात आले होते, त्यामुळे आग लागली. अमेरिकेच्या एबीसी वृत्तवाहिनीने दिलेल्या माहितीनुसार, वितळलेल्या सल्फरमध्ये आग लागल्याने सल्फर डायऑक्साइड सोडला गेला.
अधिकाऱ्यांनी स्थानिक लोकांना घटनास्थळापासून दूर राहण्याचे आवाहन केले. ट्रेनचे व्यवस्थापन करणारी कंपनी CSX ने स्थानिक अधिकाऱ्यांच्या सहकार्याने परिस्थिती सामान्य करण्याचा प्रयत्न करत असल्याचे म्हटले आहे.
कंपनीने सांगितले की, आम्ही परिस्थिती सामान्य करण्यासाठी सतत काम करत आहोत. या कामात आम्ही स्थानिक अधिकाऱ्यांची मदत घेत आहोत. नागरिकांच्या सुरक्षेसाठी आम्ही कटिबद्ध आहोत. कंपनीने सांगितले की ते प्रभावित भागात खाण्यासाठी स्थानिक रेस्टॉरंट्समधून अन्न पुरवत आहेत.
गव्हर्नर काय म्हणाले?
केंटकीच्या राज्यपालांनी ट्विटरवर एका पोस्टमध्ये लिहिले की, “आम्ही राज्यातील सर्व संसाधनांचा वापर करून लोकांच्या सुरक्षेची काळजी घेत आहोत.”
Web Title: A very dangerous chemical leak in the city of kentucky in the united states an emergency is applied in the area nrab
.png "Videos"){kind=small}
